انا قبل كل شي 🥀 ( روايات ليبية )

حلقة 4🔥

رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 4🔥
.
❤
ندى عدت شور محمد تتميعع وبرمت غمزت لعبير وقالت :انجربوا ليش لأ😉
ندى بصوت تصنع دلع :دكتور محمد 😊
محمد برم عليها :نعم ؟؟
ندى بنظرة دهاء ولئم متستره بالبراءه: امممممم كنك حسيت جوك مش هو ؟
محمدايبحت فيها و فهمها ع شنو ناويه عطاها نظرة برفعة حاجب وابتسامه خفيفه :مبروك الدلاله 😏
ندى انحرجت  : ههه لا بس لانك اتعز عليا واجد ونتفائل بيك ماحبيتش انشوفك مضايق 😞
محمد :ههههههههههه تتفائلي بيا ؟؟😏باهي تمام تعودي انك ماتدخليش في شي مش شورك اوكي؟😁
ندى انحرجت بكل : 😳😳حاضر واسفه 😞💔
محمد  بيعدي والتفت عليها:تبي شي ؟؟
ندى بصوت زعلان : لا سلامتك💔
محمد :تشاو ✋
ردت ندى لعبير وراقيلها بكل
عبير :كننننننك 😳😳
ندى بعصبيه :كائن مستفزززززز للغايه اللي يشوفه هادي مايشوف استفزاز اسلوبه 🤦‍
عبير تضحك بصوت عالي :😂😂😂😂😂 مو قلتها لك نا هظا مش اي وحده تقدره والواضح ان الغزاله عاميته عن غيرها 😏
ندى :خاطري انشوفها هاللي طايح فيها اكيد عفريته اصلا هك هي ماتلقي الحظ السمح لاصق فيها الا وهي غوريلا صدق من قال"حظ القبايح في السما لايح"😂😂😒
عبير :ههههههههههه والله ماغوريلا غير انتي😁 البنت يحكو عنها اخلاق وسماحه وذكاء وجاذبيه كان غيره مايطيح بوجه 😍بيبحت في فسختك انتي ليش 😂😂😂😂😂
ندى بنرفزه :زفففففففته انتي 😒😡
ـــــــ
وبعد ثلاث اسابيع
عُلا : ناعليا نوسه مش امصدقه اني تمكنت من لغة العيون 😍
انا : نجك ليا😍😍معناها ننتقلوا لأخر شي لغة الجسد وطريقة الكلام والصوت..
عُلا :تم
انا : لغة الجسد يالولي اتعبر عنك ونفس الوقت اتعبرلك عن الطرف الاخر واتساعدك في فهم شخصيته ومشاعره واتوضحلك حقيقه صاحبها و عشان تتمكني منها لازم اتركزي علي:
*الراس والوجه *
الابتسامه المزيفه
ﻋﺎﺩﺓ اتكون ﻣﻨﻔﺼﻠﺔ ﻋﻦ ﺑﺎﻗﻲ ﺗﻌﺎﺑﻴﺮ ﺍلوجه عكس الاﺑﺘﺴﺎﻣﺔ ﺍﻟﻔﻌﻠﻴﺔ ﺍللي اتنور ﺍﻟﻮﺟﻪ بالكامل.  ﻓﻲ ﺍﻻﺑﺘﺴﺎﻣﺔ ﺍﻟﻤﺰﻳﻔﺔ ﺗﺒﻘﻰ ﺍﻟﻌﻴﻮﻥ ﻭﺍﻟﺤﻮﺍﺟﺐ ﻓﻲ ﻣﻜﺎﻧﻬﺎ، في الوقت اللي ﺍﻟﻤﻔﺘﺮﺽ ﺃنها ﺗﺮﺗﻔﻊ ﻟﻮ ﻛﺎﻧﺖ ﺍﻻﺑﺘﺴﺎﻣﺔ حقيقيه . ﻭﺃﻱ ﺷﺨﺺ يعطيك ﺍﻻﺑﺘﺴﺎﻣﺔ هذي ﻳﻌﻨﻲ ﺃﻧﻪ مش ﻣﻬﺘﻢ بكل بكلامك ، ﺃﻭ ﺃﻧﻪ ﻳﺠﺎﻣﻠﻚ ﻷﻧﻪ مجبور علي هكي
*الضغط ع الشفايف او زمها *
ﺩﻟﻴﻞ ﻋﻠﻰ ﺃﻥ ﺍﻟﺸﺨﺺ ﺍﻵﺧﺮ منزعج ﻭﻫﻲ ﺣﺮﻛﺔ ﻋﺎﺩﺓ نشوفوها ﻋﻨﺪ الشخص لما يجاوب ع  ﺃﺳﺌﻠﺔ ﺃﺯعجاته ﺃﻭ سببتله حرج، نفس الشي في ﺍﻟﺸﺨﺼﻴﺎﺕ ﺍﻟﻌﺼﺒﻴﺔ ﺍﻟلي ﺗﺤﺎﻭﻝ ﺍﻟﺴﻴﻄﺮﺓ ﻋﻠﻰ ﻏﻀﺒﻬﺎ..
*ﺣﺮﻛﺔ ﺍﻟﺮﺃﺱ*
ﺍﻟﺸﺨﺺ ﺍللي  ﻳﻤﻴﻞ ﺭﺃﺳﻪ لـ ﺟﻬﺔ معناها شعور ﺑﺎﻟﻤﻤﻞ، ﺃﻣﺎ ﺍللي ﻳﻤﻴﻠﻪ ﺑﺸﻜﻞ ﻣﺘﻜﺮﺭ وهو يحكي معاك ﻳﻌﻨﻲ ﺃﻧﻪ ﻣﻬﺘﻢ لكلامك وانه ﺳﻌﻴﺪ ﻟﻮﺟﻮﺩﻩ معاك . وﺗﺜﺒﻴﺖ ﺍﻟﺮﺃﺱ ﻓﻲ ﻣﻜﺎﻥ ﻭﺍﺣﺪ بدون ﺗﺤﺮﻳﻜﻪ يمين ﺃﻭ ﻳﺴﺎﺭ دليل انه مش مرتاح ، ﻭﻓﻲ ﺣﺎﻝ ﺍﻗﺘﺮﻧﺖ ﺑﻤﻮﺍﺟﻬﺔ ﺑﺼﺮﻳﺔ تبقى  ﻣﺆﺷﺮ ﻋﻠﻰ ﺍﻟﺘﺤﺪﻱ 👌
*ﻗﺮﺍﺀﺓ ﻟﻐﺔ ﺍﻟﻌﻴﻮﻥ *
و هذي تكشفلك حاجات واجد ﻷﻧﻪ ﻳﺼﻌﺐ ﺍﻟﺘﺤﻜﻢ فيها الذي اللي يخليها ﻧﺎﻓﺬﺓ ﻓﻌﻠﻴﺔ للشي اللي يفكر فيه الطرف ﺍﻵﺧﺮ
فمثلا :توسع ﺍﻟﺒﺆﺑﺆ ﺩﻟﻴﻞ ﻋﻠﻰ ﺍﻟﺴﻌﺎﺩﺓ ﺃﻭ ﻋﻠﻰ ﺍﻟﺤﺰﻥ ﺗﺤﺮﻙ ﺍﻟﺒﺆﺑﺆ لليمين ﺧﻼﻝ ﺍلكلام دليل ع ﺃﻧﻪ ﺻﺎﺩﻕ . ﺃﻣﺎ ﺗﺤﺮﻙ ﺍﻟﺒﺆﺑﺆ لليسار دليل ع ﺃﻧﻪ ﻳﻜﺬﺏ، ﻭﻓﻲ ﺣﺎﻝ ﺗﺮﺍﻓﻖ مع النظر ﻓﻲ ﺍﻷﺭﺽ هظا ﻋﻠﻰ ﺍﻷﺭﺟﺢ ماسمعش ﻛﻠﻤﺔ ﻭﺍﺣﺪﺓ من كلامك اما ﺗﺤﺮﻙ ﺍﻟﺒﺆﺑﺆ لتحت ﺳﻮﺍﺀ يمين ﺃﻭ ﻳﺴﺎر ﻫﻮ ﺩﻟﻴﻞ ﻋﻠﻰ ﺷﻌﻮﺭ كبير ﺑﺎﻟﺴﻌﺎﺩﺓ ﺃﻭ ﺑﺎﻟﺤﺐ....
*ﺣﺮﻛﺔ ﺍﻟﻴﺪ ﺍﻟﻌﺸﻮﺍﺋﻴﺔ*
ﺗﺤﺮيك  ﺍﻟﻴﺪ ﺑﺸﻜﻞ ﻋﺸﻮﺍﺋﻲ ﻓﻲ ﻛﻞ ﺍﻻﺗﺠﺎﻫﺎﺕ، ﻣﺆﺷﺮ ﻋﻠﻰ ﺍﻟﺴﻌﺎﺩﺓ ﻭﺍﻟﺤﻤﺎﺳﺔ ﻭالاحساس ﺑﺎﻟﻄﺎﻗﺔ ﻭﺍﻟﻤﺰﺍﺝ ﺍﻹﻳﺠﺎﺑﻲ..
*ضم اليد وشبك الاصابع*
ﺩﻟﻴﻞ ﻋﻠﻰ ﺍﻟﺘﻮﺗﺮ ﻭﻋﺪﻡ ﺍﻟﺮﺍﺣﺔ، ﻭاوقات يكون  ﺩليل ع  ﺍﻧﻌﺪﺍﻡ ﺍﻟﺜﻘﺔ ﻓﻲ ﺍﻟﻨﻔﺲ ومن جهه ثانيه  ﺿﻢ ﺍﻟﻴﺪﻳﻦ ﺑﺸﻜﻞ اتكون ﺃﻃﺮﺍﻑ ﺍﻷﺻﺎﺑﻊ  متلامسه فيه ﻳﻌﻨﻲ معش في صبر
*ﺣﻚ ﺍﻟﻌﻴﻦ او الخشم  ﺃﻭ ﺍﻟﺬﻗﻦ *
ﺣﻚ ﺍﻟﻌﻴﻦ ﻳﻌﻨﻲ ﺃﻧﻪ مضايق وصبره نفذ، واوقات يكون دليانه مش محترم كلامك. ﺃﻣﺎ ﺣﻚ الخشم ﺃﻭ ﺍﻟﺬﻗﻦ يعني ﺃﻧﻚ طولتي الكلام ﺃﻛﺜﺮ من اللازم ﻭانه فهم انتي شن بتوصليله
اما حك الخشم وقت الكلام دليل ع انه يكذب
*الرجلين*
ﺗﺤﺮﻳﻚ ﺍﻟﺮﺟﻞ بسرعه ﺩﻟﻴﻞ ﻋﻠﻰ ﺍﻟﻤﻠﻞ ﻭﺍﻟﺘﻮﺗﺮ وﺗﺤﺮﻳﻜﻬﺎ ﺑﺒﻂﺀ ﺇﻟﻰ لقدام ولاورا يعني ﺃﻧﻪ عايش ﻓﻲ ﺃﺣﻼﻡ ﺍﻟﻴﻘﻈﺔ و ﻭﺿﻌﻴﺔ ﺍلرجل ع ﺭﺃﺱ ﺍﻷﺻﺎﺑﻊ دليل ع ﺍﻟﻐﻀﺐ، ﺃﻣﺎ ﺍﻟﺜﺒﺎﺕ ﻣﻦ ﺩﻭﻥ ﺃﻱ ﺣﺮﻛﺔ ماﺗﻌﻨﻲ شيء الا لو ربطتيها بحركه من حركات الاولى
ـــــــ
وفي الوقت اللي كنت نشرح فيه لـ لولي لغة الجسد كان في شخص جاي جهتنا
خالد :السلام عليكم
نحنا :وعليك السلام
خالد :كيف حالكن ؟
نحنا :بخير الحمد لله
خالد :اسف لو جيت ف وقت مش مناسب
عُلا : ولا يهمك تفضل ؟؟
خالد : امممم عُلا نبي منك تسجيلات الدكتور رمضان وفي كم شي في المنهج بنسألك عنه لو ما عندك مانع عطيني ايميلك وانراسلك بعدين
عُلا بتردد : اوكي
خالد : امنوره
عُلا :تسلم
وعدى خالد
انعرفكم ع خالد شاب معانا ف الدفعه خلووووووق بكل ومحترم ومن عيله راقيه وعنده مشاريع ناجحه واجد وحافظ للقرٱن وكبير اهله
انا :لولي 😏
عُلا :نعم
انا :لاحظتي نظرات خالد لك ؟
عُلا : انلا بس حسيته عادي 😊
انا : خالد معجب بيك واضح من نظراته نظراااااااته😉
عُلا :شنووو😳
انا : خالد معجب بيييييييييييك 😊
عُلا :هههههههههههه مااعتقدش
وخلينا منه وكمليلي
انا  بنظرة تحدي :حنشوفوا 😉😘
انكملوا
انجوا لتصرفاتك وحركتك انتي ك بنت لازم اتكون تصرفاتك وحركتك هاديه وفيها ثقه بالنفس وانوثه
عُلا :كيييف🤔
انا :ظهرك يكون مستقيم واكتافك مفروده وجسمك مشدود اشوي سوا ف مشيتك او جلستك او وقفتك
راسك يكون معتدل مرفوع مش رفعة غرور ولا  نازل لتحت وعيونك مايقعدنش يلصلصن يمين ويسار!!
رجليك سوا كنتي جالسه ع ارض او ع كرسي ايكونن مضمومات وفي جهة بعضهن مش متقاطعات ويدك ماتقعدش اتلوح يمين ويسار هالشي يعطيك شكل منظم ويعطي انطباع لكل من يشوفك بقوة الشخصيه والانوثه عندك💙
في مشيتك *خطوتك* اتكون وسط مش كبيره ومش صغيره وتكون #رازنه 👌
وقفتك لما توقفي اوقفي برجل قدام والاخرى وراها طول مش جنب بعضهن والرجلين يكونن قريبات من بعضهن  ولو كان عندك مناسبه وبتلبسي كعب مشيتك اتكون بالضغط ع الكعب قبل وبعدين القدم عشان مشيتك تتزن ....
اخر شي صوتك اللي ديما عالي 😒😒
عُلا :😂😂😂تحسابي الناس كلها زي صوتك
انا :هئحم المفترض هك يكونوا 🙊🙈معاذ قاعد مع اصحابه ويحكوا ع البنات وكيف تغيرن وكيف بنات توا يفرقن عن بنات قبل ويتكلم ربيع:
ربيع :تي والله ما عاد في وحده اتقول عليها طيبه وبنت ناس حتى نوسه اللي نحسابوها تمام ودايرينها علم  يحكوا عليها مش تمام وع الفيس هدرزه وطياح مع الشباب في الخاص وعلينا ضاربه الادب 😒
معاذ :وانت كل حاجه تسمعها اتقولها؟؟
ربيع :لعلمك من قبل خشت عليا خاص وقالتلي انها معجبه بيا وتبي تتعرف عليا...
معاذ  :تي بلاش كذب رانا اصحاب وعارفين بعضنا 😏
ربيع :وانت شن عرفك بيها تي كلهن فاسدات كيف بعضهن
معاذ عصب بكل وناض بيضرب ربيع :مافيش فاسد غيرك ياكلب ياسمين نعرفها اكويس مابيعجبها غير زولك ياامعفن 👊
ربيع :وانت شن حارقك؟؟ولاالكبيده هذي😏؟
معاذ علق في رقبة ربيع :ياسمين معش اتجيب سيرتها ع لسانك يافاسد  احسن مارقبتك هذي انطربقها لك
مروان :تي خلااااص انت وياه هظا كله عشان بنت تي كبروا عقولكم الزح
ربيع خلاص صكر فمك واسكت عن اعراض بنات الناس مادخلنا بحد عندك خوات راه وانت يا معاذ اطلع قدامي وانت شي رايح طربيقه 😡
وصبى مروان وخذا معاذ يمشوا
مروان : كنك حمقت انت راك تطلع امكبد عليها بس؟؟
معاذ :انطربقها لك حتى انت😡؟؟
مروان يضحك :😂😂😂😂وسع بالك يا را نسأل عادي 💁‍♂
معاذ : نوسه يامروان وقفت عليها من قبل في موقف وساعدتني فيه وصارت مشكله وحلتها ليا ومن قبل هظا كله حاس بشعور غريب تجاهها  اعجاب او حب مانيش عارف اللي نعرفه انها مختلفه في كل شي حتى تفكيرها مختلفه عنهن كلهن ولفتتني من بين كل البنات حتى في قروب الجامعه وع الفيس لقيت روحي يوميا في صفحتها وامجمع كل معلوماتها
مروان :ساهله صارحها😁
معاذ :خايف انصارحها نخسرها نوسه مش اي حد يعجبها 💔
ــــــ
عند عُلا
عُلا قاعده في دارها واتفكر في نفسها كيف كانت شخصيتها ضعيفه وماعندها ثقه في نفسها وهامله نفسها وامخليه الكل يغلط فيها ويزعلها وكيف كانت معاملة ايمن لها وكيف تحدت نفسها وغيرت منها في كل شي وفجأه يقطع تفكيرها صوت رسالة ماسنجر
الرسالة من خالد
خالد :السلام عليكم عُلا كيف حالك؟؟
عُلا :بخير الحمد لله وانت؟
خالد :بخير ونعمه،امممممم شن صار فكرتي في الموضوع؟؟
عُلا : اها بس ياريت لو في مجال نبي نتقابلوا في الجامعه في كم سؤال عندي بنسالك 🙈🙊
خالد :تمام ،بكرا يناسبك ؟؟
عُلا :تمام
ثاني يوم ف الجامعه
عُلا :حسني مرتبكه يانوسه
انا :لالا خليك واثقه من نفسك 😍انا توا انخليك وانعدي للمصلى اتكملي الحقيني غادي 😘
عُلا : تمااام
انا :سلام 😘
وعديت للمصلى وخليت عُلا تستنى في خالد
لولي كانت لابسه بشت دمي ووشاح ابيض ووجها امنور وبشرتها فيها نظاره وشفايفها لونهن وردي وعيونها فيهن لمعه حلوه مبعد التغيير اللي صار سيبت الميك اب تماما لانها معش تستحقه
اما جلستها كانت منتهى الرقة والانوثه والثقه بالنفس😍
كانت قاعده تقرا في كتاب شراته من معرض الكتب وهي تقرا يجي خالد
خالد :السلام عليكم
عُلا رفعت راسها في خالد وابتسامتها ع وجهعا :وعليك السلام
وردت عيونهاوصكرت الكتاب وحطاته جنبها ع الشنطه وردت رفعت عيونها في خالد وقالت بصوت هادي وناعم وابتسامه خفيفه وكانت امركزه بنظراتها ع عيونه بثقه وخجل بنفس الوقت:تفضل خالد 😊
خالد :زيد فضلك❤
وخالد ماكانش قادر يرفع عيونه من عليها يبحت فيها وفي عقله ايقول متغيره بكل ،رايحه متسمحه زياده وعندها جاذبيه وكاريزما وصوتها حاجه صح 😍كان حاس بشي يجذبه لها بس شن هو مش عارفه
خالد :عُلا انا جاد في الموضوع ولو انتي مواقفه حنجيب هلي  طول
عُلا ........
#يتبع