بعد فقدان الذاكرة

التقينا بلا موعد

هلو حبايبي 💖

هاي اول روايه قررت انشرها اتمنى تعجبكم "
اترككم مع الاحداث 👇

اعرفكم بنفسي😍
اسمي حنين، ،، عمري 20
طولي متوسط، ، عيوني كبار، ، طموحة وعندي اهداف كبيره اريد اوصل الها، ، ادرس بالجامعه مرحله ثانيه، ، كليه الاداره والاقتصاد قسم اداره اعمال، ،،
انتمي الى مجتمع عشائري، ، انا البنت الاولى الي تدخل جامعه بالعمام،

بعد مرور سنه بالمرحله الاولى، ، بدا مشواري بالمرحله الثانيه، ،، اول يوم جامعي الي، ،،

وصلت الجامعه گعدت انتظر صديقتي جوا المضلة ،، شفتها اجت من بعيد افيش شگد مشتاقتلها

اسراء _ صباح الخير

حنين _ صباح الورد ولج مشتاقتلج موت، ،*شبگتها حيل *
اسراء _ والله حته انه شلونج شخبارج
بستها ودموعي نزلت ع گد ما مشتاقتلها
حنين _  انه تمام، ، والله طگ گلبي عليج
اسراء _ يعمري حنونه والله حته انه

انه اسمي اسراء عمري 20 سنه مرحله ثانيه ويه حنين نفس القاعه وهي صديقتي المقربه

حنين _  امشي نروح نشوف الجامعه لان كلش مشتاقتلها
اسراء _ اي واكيد اول شي  ترحين للقانون "؟

حنين _  اي اكيد
رحت ملهوفه لكليه القانون افتريت بيها بعدين رجعت لقسمنا، ، سلمنا ع صديقتنا فاطمه
فاطمة_ ها ولچن وين چنتن شلونچن
حنين _ فاطمه - هلو فطيم مشتاقيلج
فاطمة_ عطله سعيده شلون العطله وياكم
حنين _  محلوة وضوجة كله بالبيت

طلعنا افترينه بالجامعه

حنين _ بنات جعنة خلي ناكل
فاطمه- اسراء _ اي والله ما خلينه مكان يعتب علينه تعبنا من الفرة
حنين _ بنات شتاكلون انا راح اخذ فنكر
فاطمه - اسراء_  احنا وياج

اخذنا فنكر وگعدنا بالكافتريا ناكل

فاطمه - اشرت الاسراء بعيني 👀 ،،، انتبهت ع حنين صفنت ع شاب راح يشتري من الكافتريا

احم احم، ،،،، اريدها تنتبه عليه

اسراء _ حنين وين صافنه گرصتها 
حنين _  لا هيج اجت ابالي شغله
فاطمه- احنا خلصنا يلا نروح
حنين _ انا بعدني ابقو وياي
* اصلا انا عيني ع ذاك الشاب ومجاي اكل
اشتره وطلع م گعد بالكافتريا  ،، انا خلصت ورحنا لمكاننا المفضل، ،،

بنات ما مصدكه رجعت شفتكم بعد العطله، ،، صدك بنات شتسوون لو ما مداومه " شنو ردة فعلكم؟ 

اسراء _ وليش يعني ما تداومين
حنين _  يعني مثلا لو ميته لو صاير وياي حادث شدراكم ههههه صدك بنات ابرولي الذمه "
اسراء _ فاطمه - اكلج ليش ما تسكتين احسن شنو هذا الحجي 😏

انا احجي وياهم وبصدري عبره احس مخنوگة ما ادري ليش

وصلنا نهايه الدوام وكفنا يم البوابه، ، ودعتهن واحس انو هذا يوم وداع دائم ولا كأنو اول يوم دوام "👇

صعدت بالسياره واحس گلبي يرجف بقيت اصلي على محمد وال محمد طول الطريق👇

ما حسيت بس صوت كلش قوي بط اذني وحسيت گلبي طاح والسياره جاي تنگلب بينه"

محمد ( بطل القصه) 

جاي نمشي بالطريق العام شفنا انفجار كلش جبير صار كدامنا چانت سيارتنا بعيده عن الانفجار، ،، المنضر كلش مرعب، ،، بين ما جاي اشاهد شفت سياره نكلبت من ع الطريق ضلت تنگلب اكثر من مره " واحترگت  بس لاحضت طارت من السياره بنيه بين ما السياره تنگلب، ، طاحت بعيد عن السياره حسيت البنيه عايشه ولازم انقذها "

نزلت اركض الهة نقلتها لسيارتي و وديتها للمستشفى بسرعه

ام حنين " يا ربي وين صارت البنيه، ، اتصل الجهاز مغلق، ، يارب رجعلي بنيتي سالمه يا رب

صارت ساعه اربعة العصر والبنيه ماكو

ابو حنين "  سمعت بالانفجار واتصلت اتاكد اذا وصلت حنين
گلبي نار عليها ما گلت لامها عن الحادث
رحت لموقع الحادث ما لكيت الهة اثر، ،، المنضر مرعب الجثث موذره والسيارات محتركه كانو صايره مجزره "انرعبت  من المنظر ونهد حيلي ع بتي، ،، يعني اكيد ماتت بهذا الدمار يا ربي صبرني "

ام حنين - هاي وين صرت حنين وين لهسه ما اجت " شبيهة حنين وين كلي احجي وياي ( گلبي متكطع وابو حنين صافن بوجهي وما ع وجهة لون اشوفه منهد حيله) 

ابو حنين - حته ما بيه احجي وشحجي امها تسالني وانا مصدوم ما بيه احجي .....  راحت حنين البقاء لله راحت بنيتنا ماتت بنيتنا، ،، كتلها وطحت ما كدرت اتحمل اكثر كسرت ضهري بنيتي "

ام حنين - يمه بنيتي يمه، ،  يا نور عيوني يمه يا حسره گلبي عليج يا يمه وينج حنونه رجعيلي، ،، وينج يبعد امج، ،  راح اموت ولج يمه ياريت يومي هذا ولا يومج يمه "

طاحت بالارض وفقدت وعيها

محمد _ وصلت البنيه للمستشفى 👇

👈  يارب يعجبكم هذا البارت
طبعا اسفه ع التاخير

انطوني رايكم

لا تنسون التصويت حبابين

بكره انشر البارت الثاني ساعه * 9 *

احبكم حيل ♥️😘

لا تنسون سوو تاك لاصدقائكم فوديتكم