المجهول حفيدي
الجزء السادس والعشرون
بسيطه جداا
ولعت ياجاج مناع
مافيش كلام يتقال غير العرق دساس والعرق يمد لسابع جد امثال زمان اتقالت عن الجدود وسمعناها وفهمناها وفي منها مفهمنهوش بس لو بصينا هنلاقي ان العرق دساس يعني لو كان حد من اهلك كريم هتكون كريم حد من اهلك وعصبتك خاين هتكون خاين زيه او لازم يطلع حد في العيله يحمل الجينات الوراثيه دي ومن اهم صفاتها النداله ... قالوا زمان عيش ندل تموت مستور طيب حد يقلي فين الستر لما اكون ندل فين راحت الشهامه وجدعنت ولاد البلد فين الناس تحب الخير والي تعمل الخير ومتستناش مقابل تعمل خير وترميه البحر ومش عاوزين منك لا جزاء ولا شكر الناس دي انقرضت في زمنا ده ومبقاش في عندنا او بينا غير النفاق والرياء يضحك في وشك ومن وراك يقول عنك كلام ميتلبسش عليه هدوم يغشك ويخليك انت الحرامي وانت الي نصبت عليه للاسف بقا عندنا ازمه اخلاقيه وبقينا سلعه رخيصه في سوق علي قد حاله ...
انما الامم الاخلاق ما بقيت فان هم ذهبوا اخلاقهم ذهبوا......
المجهول حفيدي..... الراقي
الحاج مناع وسراج
سراج ..ياسراج
نعم ياحاج
الجماعه اتاخروا ليه
مش عارف ياحاج بس هشام وسراج معاهم
وفين لبني وسجي..
والله يابوي منا عارف مش شايفهم من بدري
واخوك فين
منت عارف فوق في غرفته
دي كانت شوره طين شوره جوازه دي من يوم ما اتجوز وهو مبيظلعش من اوضته ...
معلش ياحاج خليه يفرح
ماشي ياولدي خليه يفرح
ياحاج.مناع ياحاج مناع ياجناب حضره الغمده الحاج مناع
خير ياولد مالك
الحق ياابا الحاج
الحق ايه ياولا
الحق في عساكر كتير هنا في النجع بيقولوا في مشكله في ارض ولاد نصار وطبوا عليهم وهما بيطلعوا مساخيط
بتكلم جد ياولا
ايوه ياحج حتي سي عمران هناك معاهم وساجد بيه ..
عمران وساجد وفين ستك ابتسام ...
معاهم هناك
طيب غور انت وانا جي جهزلي الكارته بسرعه..
امرك يابا الحج
ياتري ياساجد ياولدي في ايه وابتسام وساجد عملوا ايه قوم البس خلقاتك وتعال معاي
اوامرك ياحج
في دوار ولاد نصار
مين المسؤل عن البيت ده
انا ياجناب الباشا
انت مين
انا الحاج عبدالحميد نصار كبير جماعه نصار وعضو في البرلمان ...
اهلا ياحج
خير ياباشا في حاجه
جتلنا اخباريه ان في عندكم تنقيب علي اثار الكلام ده صحيح ياحج
لا ياباشا مش صحيح
اومال الحفر ده ليه ياحج عبدالحميد...
بنحفر لترمبت مايه يابيه مياه جوفيه فيها حاجه دي يابيه
هنشوف ياحج معانا الخبره هتنزل وتعاين
يتفضلوا يابيه الخبرا عندك والارض كمان .....
أنت تقرأ
المجهول حفيدي
General Fictionالرجوع الي ارض الوطن هبه ونعمه من الله ومهما لفيت وسافرت هترجع لارضك مهما حصل ولكن لو العادات والتقاليد حكمت عليك طول عمرك تعيش غريب في بلد غير بلدك والظروف حرمتك من حقك وقتها لازم تلاقي البديل ...... لازم تلاقي الحل وتحل كل مشاكلك وترجع لبلدك تاني...
