المجهول حفيدي
الجزء الثاني
ضربه حظ
لما تكون صاحب شخصيه هتعرف تتصرف كويس في كل حاجه حواليك وتتمعن فيها لكن بالتفكير وتشغيل المخ هتتعب اكتر خليك بطبيعتك وبعفويه ومش لازم تدي اهتمام وتشغل مخك وتفكر علي كل حاجه سواء كانت مهمه ليك اولا ادي مخك اجازه علطول عشان تعرف تتاقلم وتعيش بس متلغهوش ولو لغيته يكون عندك البديل الي يفكر مكانك ويرشدك للصح والصواب مش ترمي نفسك في التهلكه وتسلم زمام امورك فأيد حد مش امين لا عليك ولا علي نفسه ودايما خليك كسبان حب الناس لانهم هما الي هياخدوا بايدك ويوصلوك لبر الامان حتي لو معندكش ثقه في حد امن لهم لان مستحيل الكل هيكون صح وياخدوا بايدك ومش معظهم هيكونوا ملايكه هتلاقي وسطهم شياطين وزي ما قالوها زمن حرص ومتخونش خليك حريص علي قد ما تقدر عشان تقدر تتاقلم معاهم وخليك ديب وسط الخرفان ..........
بابا انا جيت عشان اسلم عليك عشان خلاص همشي لان طيارتي كمان ساعه ....
ساجد خد بالك من نفسك ياابني ومتعملش حاجه غلط جدك شديد اوي ولو مقدرتش تقنعه بفكرتك ووجهه نظرك ارجع علطول جدك صعب شويه في التعامل بس مافيش اطيب من قلبه وكلمني وطمني اول ما توصل هناك وبلغني بالي حصل وربنا يكون معاك ويحميكي يابني ....
ان شاء الله يابابا وكمان مش هكون لوحدي صاحبي ايتش هيقابلني في المطار ومش هيسبني وهيكون معايا متقلقش وانتي ياسجي خلي بالك من نفسك ومن بابا هتوحشوني اوي بجد بس لازم انزل مصر عشان نحط النقط علي الحروف واوعدك يابابا اني مش هرجع هنا وهبعتلك تيجي انت واختي عشان تقابلوا جدي مناع سراج الديب ...
اتمني يابني يحصل كده اتمني وربنا يسترها معاك بس توعدني انك لو ملقتش فايده مع جدك ترجع تاتي ولو مرتحتش في مصر ترجع تاني ياساجد....
اوعدك يادكتور بس هو انت معتقد ان في حد مش هيتاقلم ويرتاح في بلده ووسط اهله وناسه وعزوته يالا يابابا اشوف وشكم بخير وادعولي....
مع السلامه ياحبيبي وتوصل بالف سلامه انا هاجي اوصلك للمطار
لا يابابا متتعبش نفسك جون صاحبي وسيلين تحت هيوصلوني متقلش وانا مش عاوز اتعبك معايه ....
ماشي يابني ربنا يحميك وف امان الله
ايه ياجون انت وسلين بتعيطوا ليه هو انا رايح اموت ولا ايه انا رايح بلدي اشوف اهلي وناسي متحسسوتيش اني رايح انتحر ايه ده فكوها كده وعاوز اشوف ابتسامتكم
هتوحشنا ياصاحبي خد بالك من نفسك وطمني عليك وابعتلنا صورك من هناك مع الاهرامات وابو الهول
اكيد يالا بقا اسيبكم عشان الطياره خلاص باقي ربع ساعه بس الحق اختم الجواز واطلع الطياره اشوف وشكم بخير سلام
ختم ساجد جوازه وطلع الطياره وقعد علي الكرسي بتاعه شغل ميوزك وعينه راحت في النوم وبعد ست ساعات وصلت الطياره لمطار القاهره الدولي نزل ساجد من الطياره واخد شنطته وطلع الي صاله الوصول يبص في وشوش الموجودين عشان يشوف اتش بس مش لاقيه وقف ربع ساعه ومش لاقيه طلع تليفونه واتصل عليه رد عليه وقال
الووو
ايوه ياساجد
انت فين يازفت انت
انا في المطار مستنيك
منا في الزفت المطار بقالي ربع ساعه وبدور عليك
انا واقف جنب بوابه الخروج لابس تيشرت احمر وكاب اسود
اه شفتك اهو وجايلك
أنت تقرأ
المجهول حفيدي
Fiksi Umumالرجوع الي ارض الوطن هبه ونعمه من الله ومهما لفيت وسافرت هترجع لارضك مهما حصل ولكن لو العادات والتقاليد حكمت عليك طول عمرك تعيش غريب في بلد غير بلدك والظروف حرمتك من حقك وقتها لازم تلاقي البديل ...... لازم تلاقي الحل وتحل كل مشاكلك وترجع لبلدك تاني...
