المجهول حفيدي
الجزء الثالث والتلاثون
صدمه قويه
اشكيك لمين يالي تعبت قلبي اشكيك لمين وانت الي في ايدك زمام امري مهما طال البعد راح نجتمع تاني لانك حته مني وكمان بتجري في دمي حبيتك ياغالي وحبيتك من كل قلبي ولازم يااغلي الناس تكون قريب مني بحبك حب مش معقول اتمني تطمني وطمن قلبي الي كتير انجرح وضاع سنين عمري اه لو تعرف قد ايه مشتاق انا لضمتك اه لو تعرف احتياجي لطلتك ياغلي عليا من عمري تعالي وكفياك بعاد انا ممكن انسي نفسي ولا عمري في يوم انساك عمري ما نسيت ضحكتك ورقتك وبسمتك ...
فاكر لما كنت زمان بتشوفني وتتحرج ولما كنت بلمس ايدك وجسمك ينتفض ولا لما ولا لما... لو حكيت سنين عمري عمر زكريانك متنتهي ... بحبك حب جنون وقلبك دنيتي.... المجهول حفيدي... الراقي
صدمه قويه
بعد ما اللواء علاء راح لحنه وكان هربان ومداري ودخل ياخد شاور قالتله
اهدي بس وخش خدلك دوش ونتكلم بعدين..
طيب تمام
الخلاقات هتلاقيها في الحمام متعلقه جوه
تسلمي يارب
دخل علاء من غير بيه الحمام عشان يستحمي وحنه جابت تليفونه واتصلت بحد وقالت الحقني بسرعه انا في مصيبه ومش عارفه اتصرف خالص ... بتقول ايه .. لا مينفعش كده خالص لازم تجيني بسرعه
خلصت حنه التليفون ولقت علاء واقف وراها وبيبصلها جامد وماسك سكينه وقال..
بعتيني لمين ياحنه
انا مبعتكش لحد خالص
وكنتي بتكلمي مين
كنت بكلم واحد عاوزه منه مصلحه
انتي كمان بتكدبيني انا سامعك بوداني الي هتاكلها الدود وانتي بتقوليله الحقني انا واقعه في مصيبه..
ايوه فعلا بس فكر بعقلك انت نايم بقالك ١١ ساعه لو كنت عاوزه اسلمك كنت هسلمك وانت نايم مش هستني لما تصحي عشان ابلغ عنك وابلغ عنك ليه ما كلنا في الهوا سوا واي مشكله هتقع فيها هنقع كلنا فيها ياعلاء استهدي بالله كده وبلاش الشيطان يلعب في عقلك ..
هاتي تليفونك وريني كنتي بتكلمي مين
اتفضل
خد علاء بيه التليفون وبص فيه لقاها كانت بتكلم حد اسمه احمد
مين احمد ده
اخويه ياعلاء بيه
وبتتصلي بيه ليه
عندي مشكله خاصه وعوزاه يجي يحلها
اه ولو جه لقاني هنا
كنت هقابله بره ومش هيدخل هنا انت مالك خايف كده ليه...
انا مش عارف مالي بقيت كتير بخاف من كل الناس ومش عارف اعمل ايه مش عارف
خش بس خد دش وانا هجهزلك الاكل تاكل وتعتمد علي الله عشان بصراحه كده وجودك هنا خطر عليك وعليا...
ان شاء الله
طلع عمران وجده والسواق الصباح من الفجر وطلعوا للقاهره عشان يخطب لعمران وصل القاهره التجمع الخامس الساعه ١١ الظهر ولقي ناس رحبوا بيه ودخلوه فيلا وكان استقبال حلو جدا ليهم وعمران اتصدم من الي شافه ناس تقيله فعلا وناس ليهم مستوه عالي جدا رغم انهم في الاصل صعايده
أنت تقرأ
المجهول حفيدي
Ficción Generalالرجوع الي ارض الوطن هبه ونعمه من الله ومهما لفيت وسافرت هترجع لارضك مهما حصل ولكن لو العادات والتقاليد حكمت عليك طول عمرك تعيش غريب في بلد غير بلدك والظروف حرمتك من حقك وقتها لازم تلاقي البديل ...... لازم تلاقي الحل وتحل كل مشاكلك وترجع لبلدك تاني...
