المجهول حفيدي

بركان الغضب

المجهول حفيدي
الجزء العاشر
بركان الغضب

طبعا كل واحد منا جواه قوه داخليه بتطلع وقت اللزوم القوه دي بتكون جواه وبتكون بفعل لا ارادي لما تلاقي نفسك محطوط في خانة اليك ومش قادر تفلفص او تعمل حاجه او لما تحس انك مظلوم وقتها بتبقا شخص تاني عندك سرعه بديهة عندك قوه بتخرج بسرعه وبتحاول تنقذ نفسك بقدر المستطاع مابالك بقا لو حسيت ان الشخص النت بتحبه في خطر هتعمل ايه اكيد هتتحول وتعمل كل حاجه عشان تخلص حبيبتك من الي هي فيه وممكن كمان تعمل حاجه خارجه عن الطبيعه مش هتبقي الرجل الاخضر يعني ولا كابتن امريكا بس هتبقي راجل واقف بجد وممكن وقتها الخوف الي جواك يبقا قوه وقوه كبيره كمان بدافع باستماته وبكل ما اوتيت من قوه حتي لو انت عارف ومتاكد انك خسران  وبيطلع بركان الغضب من جواك وبتبقا زي الفيضان وبدمر كل الي حواليك ....
بركان الغضب......
المجهول حفيدي........

انتي بجد ياسجي غريبه بتضحكي واخوكي هيتغلب من عمران في التحطيب وهيخسرني ويخسر البلد كمان ومش هيعرف يكمل مسيرته مع جده انتي والله معندكيش دم ....

والله يالبني انتي صعبانه عليا اوي ساجد مين الي يخسر انتي شكلك مستهونه بساجد خالص ساجد اخويا حبيبي توقعي منه كل حاجه ساجد عنيد وقوي جدا ولا مليون زي عمران يقدروا عليه انتي عارفه لولا انها عيبه كان طلب مني انا انزل الاعبه بجد بس عشان المنظر العام بس 😂😂😂

الصبر من عندك يارب واضح كده ان ولاد خالي سراج نوييت علي جناني اكتر منا مجنونه ......

ساجد وعمران كل واحد فيهم قوي وضربتهم شديده والملاقاه كمان حلوه كل واحد فيهم مركز وراشد والحاج مناع والغفر متابعين وطبعا الحاج مناع ماسك قلبه بايده خايف ساجد يتهزم  ومبسوط بان تعليمه لساجد جاب نتيجه وضربه ورا ضربه لحد عصايه عمرام ما وقعت من ايده باقي بس ان ساجد يعلم عليه ويلمس دماغه وكده يبقا هزمه البنات فوق سقفوا وساجد رفع ايده وهيضربه علي دماغه عمران كلمه وقاله....

لو هزمني انا هقل جدك مناع علي حقيقتك وافضحك قدامه ووريني بقا وقتها هتعمل ايه لما يطردك من هنا هيبقي شكلك وحش قوي....

انت مش بني ادم يااخي اخسي عليك وعلي تربيتك الزباله دايما كده بغل وحقود وتموت في الشر هتستفاد ايه لما جدي يعرف حقيقتي هتبقي مبسوط قوم خد عصايتك ولعبني من جديد .....

الحاج مناع .....
ايه الي ساجد عمله ده مضربش عمران ليه وانتهينا ليه سابه ياخد عصايته تاني ويقوم يلاعبه انا مش فاهم حاجه خالص .....

بدء عمران يضرب عصايه ساجد بقوه اكتر من الاول وزي ما يكون كان مستهون بقوه ساجد لان عمران طبعا بطل الجمهوريه في لعب العصا لحد ما عمران خبط ساجد علي ايده جامد ووقع من العصا ودخل بكل قوته يضرب ساجد علي راسه......