المجهول حفيدي

رجعت الضحكه من جديد

المجهول حفيدي
الجزء الثالث والعشرون
ورجعت الضحكه من جديد

بيعدي عليك وقت بتبقا محتاج تقعد مع نفسك وتقف مع ذاتك وتفكر في حياتك الوقت ده بالذات بيكون سقف تحملك وقوتك استنفذت في حاجات ملهوش لزوم ولا داعي بتبقي في حاله تنافر وتناقض ومحتاج تقف شويه وتراجع نفسك عشان متخسرش والوقت ده بيعدي عليك كانه سنين لازم تبعد غن كل حاجه وتراجع حساباتك عشان تعرف مصيرك ايه وهتعمل ايه ... بعض الناس بيسمي ده هروب وخوف والبعض التاني بيسميه عين العقل انك عملت كده وسواء كان هروب او كان خوف المهم انك لقيت نفسك وعرفت انت عاوز ايه ... لقيت بر الامان ولقيت الارض الثابته الي هتقف عليها من غير خوف ولا زعل او انك تخسر حد .... الوحده احيانا بتكون حل واحيانا بتكون الم وفراق ...الوحده بتكون راجه وبتكون وجع الوحده  بترجعك لطبيعتك وبتعرفك مقامك وانت مين ...... المجهول حفيدي .... الراقي

ياجدي مناع
نعم ياساجد خير
في حاجه عاوز اكلمك فيها
اتكلم سامعك
سجي
مالها سجي
عاوزه تقعد مع هشام تتحدت معاه قبل ما تقول رايها في الموضوع
بلاش جلع بنته ماسخ
شوف ياجدي هي من حقها تقعد معاه تتكلم تعرف طباعه اسلوبه دي هتعيش معاه عمر ياجدي مش تجربه ولا قدر الله تتطلق
والله ياولاد سراج بتمشوا حاجات كتير بدامغكم ماشي ياولدي اومال فين عمك راشد
هههههههه هيكون فين ياجدي ما انت عارف..
من يوم متزوج راشد ولدي وهو لبدلها كيف الحيه الي حارسه بيضها
هههههه معلش بقا ياجدي ...
بقلك ياساجد
نعم ياجدي
هي لبني عامله ايه ياولدي
حلوه قوي ياجدي انت مشفتهاش
بصراحه بقالي يومين ملمحتش طيفها حتي
والله ياجدي معرف هي مالها بس انا عارف ان مافيش حاجه مزعلاها ولا بتفكر في حاجه وانا معاها كويس ومش مزعلها في اي حاجه خالص .

طيب ياولدي خلي بالك منها لبني طيبه وغلبانه وبتحبك بجد

عارف كل ده ياجدي وهي في عنيا

وده العشم ياساجد واتجدعن كده وعاوز اشوف اولاد احفادي بيتنططو قدام عيوني قبل ما اموت ..

متقلش كده ياجد ربنا يعطيك طوله العمر ويكملك بالعافيه والصحه ..

امين ياولدي امين

عند ساجده وهشام

ازيك ياسجده
الحمد لله ياهشام كويسه
عامله ايه
الحمد لله
انتي كويسه
بخير
هوووو...
انت معندكش كلام تقوله ولا مكسوف
بصراحه مش عارف اقول ايه ومتلخبط
يعني ياحضره الضابط معتقدش انك خام يعني ومش عارف تتكلم مع بنت...
تصدقي ان دي اول مره ابقا متلخبط كده ومش عارف اقول ايه او اتكلم ...
مصدقاك وعشان كده هسالك
اتقضلي
عاوز تتجوزني ليه
عشان شايف فيكي مواصفات البنت الي عوزها
وانت شايف ان ده كفايه
تقصدي ايه
الي اقصده اني ممكن اكون بنت برستيج وشكل ومظهر وبس تعرف ايه عن ماضيه وخصوصا اني كنت عايشه خارج مصر كنت في امريكا وانت عارف ان في انفتاح وممكن اكون عملت علاقات مع شباب قبلك ...
متكمليش معتقدش انك عملتي كده لانك بنت ناس وبنت الناس مش ممكن تعمل كده..
وايه ضمنك او ايه خلاك تقول كده ممكن كلامك يكون غلط ...
لاني متابع اخبارك من زمان من ساجد ...
هو ده بقا الي مخليني بفكر كويس قبل ما اخد اي قرار لانك استغليت ساجد عشان توصل لهدف معين في شغلك ومش بعيد يكون جوزنا جزء من خطه في شغلك ...
لا طبعا سجي انا بحبك ومتعلق بيكي لو علي البنات في غيرك كتير تتمناني بس ملقتش نفسي معاهم لقيت نفسي وياكي انتي وبس ...
والمفروض اصدقك ..
المفروض تديني فرصه ابين حبي ليكي..
ممكن تكون ممثل بارع ...
وممكن اكون بحب بجد ...
وممكن تحبني وانا محبكش...
وممكن تحبيني زي ما بحبك ....
هشام منكرش اني معجبه بشخصيتك ومعجبه بيك بس ده مش سبب كافي عشان اكمل حياتي معاك مش سبب للجواز
طيب المطلوب ايه....
المطلوب انك تثبتلي حبك واهتمامك تخليني مشفش راجل غيرك انا هوافق علي الخطوبه بس توعدني لو قلتلك مش مرتاحه نسيب بعض بدون مشاكل ...