الحب الأزلي( الجزء الاول والجزءالثاني)

البارت الخامس

-شلونك ادهم ...

-رائد ...حجه ادهم بصدمه ووكف على حيله...

-اي خلاص اني حستقر بتركيا ...ويجوز اسافر

لاوربا منا....

-شدتحجي ولك ....هيج تسافر بدون متكللنا ...

وكف عادل بصف ادهم يريد يفهم وين مسافر اخوه...

-كول لابوك ...مستحيل رائد يرجع ورند مو

زوجتي ....اسف لان ضميت عنكم سفري بس هذا

احسن حل. .وهذا رقمي ..وبوسلي سماوي ...

انغلق الخط....

كعد ادهم بصدمه ...

-شكو شبيه رائد..... حجه محمد وهو مستهزء بالوضع...

-ها بنت جلال ماعافته ...

-رائد هج من وراكم ...

-يمه عزا العزاج يا ريحانه....عساها بختج وحظج يابنت نركز...
-ابنكم هج من وراكم انتو ...

حجه ادهم بعصبيه وعادل كعد وحط راسه بين ايده...

ورفع راسه وهو يباوع على ابوه..

-بالله شستفدت من دمرت سعادة ابنك...

كام محمد بدون ميهتم لاحد وفات لغرفته...

وريحانه تعد وتصف على بيت جلال وعلى بهار....

وسما دموعها تنزل على صديقها هو صديقها مو بس

اخوها ...
&&&&&&&&####&&&&&&&

االبصره ٢٠٠٩الشهر الخامس يوم ٢٤

-منو انت ....

-موسى ابن عمته لانتقام.....

هزت سما راسها ...وهي مستمره بالبجي ...وموسى

عافها على راحتها....بس صافن على ملامحها ....

مع انو شايف احلى منها بس هالبراءه مشايفها ...

حجت ورا شكد....

-محتاجه رائد......

انصدم موسى عباله زوجها او خطيبها او حبيبها...

هو ميعرف ...ليش ضاج...هو ماعنده ايمان بالحب

من النظرة الاولى .....بس يمكن راح يصدك بيها ...

حجه وهو متوتر...

_منو رائد....

كملت ببجي ....

-هو اخويه....

اتنهد براحه ....بس بعده ممتاكد هي متزوجه لولا ..

عندها حبيب اولا...

-وينو....

-بتركيا ....هج من ورا انانية اهلي...

هي محست بنفسه هو غريب ...بدت تشكيله من

اهلها ....مو يكولون من تشوف شخص