الحب الأزلي( الجزء الاول والجزءالثاني)

البارت التاسع

اندارت وتجمدت بمكانه ...والي كدامه فاك عيونه وممصدك الكلام الي سمعه من اخته ...لا بنته مو اخته ...ادهم واكف مصدوم بمكانه ....وراد يتقدم ويجر التلفون تقربت سمر بسرعه وصارت بينهم واحمد بايدها كبل حطتها بالكاع وصارت تدفع بادهم ...وهو متحمل من عصبيته ...دفعها بقوة وكعت بالكاع وصاحت ويه الوكعه لان الوكعه جانت قويه ....جر سما من شعرها الي ماتت من البجي ...وغلقت الاتصال ...جر الموبايل من ايدها ..وشاف اكو رمز ... فتحيها ...هزت راسها بخوف بلا...هنا متحمل صار يضربها ...عبالك يضرب روحه ودموعه تنزل هاي اول مره يضربها ...ماحس على روحه غير رائد دفعه وهو يصيح عليه..

-الله يكسر ايدك ...ولك هاي سما شلون تاذيها حجه رائد بعصبيه وراح لاخته وصديقته ...وشالها وهي فقدت وعيها من ضرب ادهم ...وسمر الي تبجي وساعدت رائد واول مره تشوف همجية ادهم وعصبيته ....خلاها تخاف منه هاي الوجه ماشايفته ابد ...

كعد بالكاع وكل جسمه يرجف ...والموبابل بايده ...اندك الموبايل مكتوب حبيبي ...احتار يجاوب لو لا ....قفل الموبايل ...يريد يفهم منها يلا يقرر...اخخ سما اخخ شلون سويتي هيج....شلون كدرتي تخونين ثقتنا ..لا وتلتقين بيه هم. ..نزلت دموعه ...فات رائد وباوع عليه بعصبيه ...

-اكدر افهم شسوت ...

-اختك عندها علاقه بواحد...

-رائد انصدم ..بس مع ذالك حجه ويه اخوه بهدوء ...

-وشكو بيها ....رفع ادهم عيونه بعصبيه ...وكام على حيله ...ويه وكفته .فات عادل وجنات وبنتهم ...انصدمو بحالة ادهم وعصبية رائد ...

-اكلك اختك عدها علاقه بواحد وانت تكول شكو بيها ...شهكت جنات بخوف لان سما اكتشفو عندها علاقه وكبل ركضت لغرفتها ...وانصدمت بحالها ..وممصدكه ادهم الطيب والعاقل والفاهم ...هو مسوي بيها هيج ...كعد ويه سمر الي تبجي على حالة سما الي استعادت وعيها وهي صافنه ومتخجي ويه احد...وكعدت تساعد سمر وهي تداوي جروحها ..شكد حجو وياها وهي فاقده متحس باحد...
وبرا عركه بين الاخوه...
-ليش مو حضرتك جان عندك علاقه بسمر ...واني ويه رند ...وعادل حار شسوا ويه رنا ...لو حلال علينا وحرام على اختك ...

-رائد شنو هالحجي تحجي صدك ...تقارن بينا وبينها ...اندار رائد بعصبيه ..

-ليش عادل لان انت رجال وهي بنت ...يعني خلاص مالها حق تختار حبيبها وزوجها ...اندار على ادهم ...مو انت ساعدت بنت عمك تتزوج الي تحبه ...ليش من وصلت لاختك ...صرت همجي ...

-ادهم حجه بصياح ..اكلك تكوله تعال حتى اشوفك ..
-اي وانت على هالحجي خلاص ايقنت انو بينهم شي اكبر من التلفونات مو...كمل كلامه بصياح...اذا حضرتك جنت حاير بانتقامك من ابويه وامي ..وعايف اخوتك وماداري بيهم ...فاني جنت ويه سما ٢٤ساعه واعرف اخلاقها وتربيتها ...اذا حضرتك شاك بيها ...فاحب اطمنك مو سما الي تنزل راس اخوانها ..تسمع ادهم اخوانها الي جانت تبجي عليهم من يواجههم مشكله ...سما الي تدعي لاخوانها الله يسعدهم كبل لاتدعي لنفسها ....عرفت منو سما ...