الحب الأزلي( الجزء الاول والجزءالثاني)

البارت السادس

وصلو انتقام وغسق وموسى الي ذب روحه بالسالفه

واجا حتى يشوف حبيبته لان كبلها بيوم سما كالتله علواه لو تجي وياهم حتى اشوفك..
-الو حبي...

-هلاو حياتي ...شونك..

-مليح ..انتي شونك.  اووو اسف شلونج ...

_هههههه اي والله تعلم ..لان شكلي مستحيل اتعلم تكريتي ....

-لا متاكد غاح تتعلمين لخاطغ حبيبك....

-ان شاءالله ..باجر يجون انتقام وغسوقه علواه لو تكدر تجي وياهم ...مشتاقتلك...

-اووويلي ...حبيبي مشتاقلي .. بس مااكدغ يغيحي ...ملي كيف ...

-مفهمت شبيك..

- يعني مريض شويه..

-يمه سلامتك شبيك ...

-لا لتخافين بس فلونزا وحراره..

-سلامتك حبيبي ...

-الله يسلمكي..

وهيج قررت اسويلها مفاجئه واجي ....لحد ماقنعت انتقام...وحجيتله عن حبي ...بس مكتله علاقه بينا...
--انتقام ..بكرا اغيد اغيح معاك..

-على مودي لوشنو..

-لاعندي صيحب من البصغه ووعدته اغيحلو بيوم....

-بس الوضع مو مليح ...اجلها. ..انا لو ماعمتي مله كيف ماكان غحت..

-انا وعدتو مااكدغ اخيلف وعدي...

-على غاحتك ...

حجه عزيز..
-يول سيلفتك مو خاليه ...منو صيحبك ...واحنا منعغفو...

يبووو حجه موسى بكلبو هذا شلون راح اخلص من لسانو ...

-ويحد تعغفتو عليه بالمعغض

امم جاوبه عزيز. بشك وهو رافعله حاجبه وذاك غلس ..

-عزيز معا حك منهو وليش مانعغفو ...يول بس لاعشكت..

حجيت بنفاذ صبر.

-اي عشقت يعني حلال عليكو وحغام عليي ..

الله حييو جاوبه عزيز وهو يصفك وكعد بصفو بنت منهو...

-اختو لادهم صيحبك...

-ها سماوي ...

-حجيت وانا رافع حاجبي ...سما مو سماوي..

-هههههههه ها بدينا بالغيره...

وهيج لحد مخلصت من لسانهم ....

وماباقي شي ونوصل ...الحمدبله هسه الوضع احسن وشغلة الحرب  الطائفيه قلت يوم الي نخلص من هالظاهره ونعيش كلنا بدون فرق ....

وصلنا لبيت عمو احمد وعزوز خدوده صايره احمر من الحر...

استقبلونا ...

-ياهلا بالكاطعين ...

-ههههه هلا عمي ...وفوتونا لغرفة الضيوف يايابه بصره شكد حاره ...