الحب الأزلي( الجزء الاول والجزءالثاني)

البارت الثالث(رحيل الغالي )

٢٠٠٩شهر الخامس..

ريحانه شواحس نفسي نهايتي قربت تعالي كعدي بصفي ....

اتقربت ريحانه منه بجفله...

-شبيك يروحي ليش هيج تحجي...

اتنهد محمد بحزن...

-ريحانه اني يمكن ضلمتج هوايه ..وضلمت جهالي هم ...بس والله من حبي الكم انتي ردتج تفتخرين بيه من تشوفيني اكبر شغلي..ردت ابني يصير مثلي وهالقسوة خذتها من ابوي وامي  الله يرحمهم.
...ومحمد كمل حجيه ودموعه تنزل وريحانه تبجي وياه...احمد لان جان قريب من عمتي يسرى الله يرحمها جان ماخذ طيبتها...بس شسوي تربيت على هالشي ...حضنته ريحانه وهي تبجي ...رفع راسه وهو يمسح دموعه...ابريلي الذمه ...باجر طالع للنجف اريد اكفر عن ذنوبي وادعي يمه بلكي يبرد ناري...

-حضنته ريحانه وبجت .....وهسه كومي صيحيلي اولادي ...اطلب منهم السماح..ورائد اه رائد كسر ظهري من سافر وميقبل يحاجيني ...رغم كتله ازوجك رند بس ماراضي يرجع...

-الله كريم ابو ادهم...كامت ريحانه وصاحت جهالها وجناتها..
نزلو وهم مستغربين اتجمعو بغرفة امهم وابوهم ...ورا مامحمد جان كل دقيقه يصفن على واحد من جهاله... حجه..
-ادهم ...ادري شايل بكلبك عليه ..لان دمرتك من جنت صغير بس وداعت ربي ردت تصير مثلي وافتخر بيك...غص وكمل كلامه...بس طريقتي جانت غلط...وانتي سمر اذيتج بالبدايه سامحيني بنتي الله يرحم والديج ...هزت سمر راسه وهي تردد ببجي مسامحتك عمو...
-عادل بويه انت هم سامحني..خاف بيوم جرحتك وانتي هم بويه جنو ...

وحضن احمد وهو يبوس بيه ورفع راسه على ادهم الي صافن على حالة ابوه..احسن شي سويته من سميته على اسم عمك...
ادهم ...كام وكعد بالكاع يم رجليه...
-شبيك بويه انت مريض...
-لا بويه بس حبيت اكفر عن اخطائي واريد ابري ذمتي من اروح ارد ازور وحدي مااريد احد وياي ويجوز ابقه جم يوم...
-على راحتك ابويه كلهم سامحوه بس ادهم ممرتاح لروحة ابوه وراد يروح وياه وهو مقبل واصر يروح لوحده...فهو سكت واحترم قراره ...بس شكد ادهم حاول رائد يحجي وياه بس هو رافض ...تالي عاط ادهم بيه قبل يحجي وياه صوت بس...
-واخيرا حنيت ياابني ...مجاوبه رائد...

سامحني بويه ...والله لو يرجع بيه الوكت مجان رفضت زواج اختك وزواجك...
-حجه رائد من حسه ابوه مختنك ويحجي...
-ماشايل عليك بويه وحتى تصدك راح ارجع بس مو هسه لان بعدني مصاف بالي. .
-المهم تكون سالم بويه وحللني ...
-محلل وموهوب بويه ..قفل الخط ...بس عمي حس ببروده بالحجي ..
-ادهم بويه اذا الله مانطاني عمر ...زوج رائد ورند ...واذا سما تريد يوسف...كاطعته سما وهي تركض لحضنه...مارايده غير سلامتك...حجه ادهم...
-بويه والله ممرتاح لروحتك.... كلهم ايدوه ..بس ابوه جان مصر .....ريحانه ...فدوة ديري بالج عالجهال وعلى بيت اخوي...هزت راسها وهي تبجي وتتوسل بيه تروح وياه كال اريد ارتاح وحدي ...

طلع الصبح ودعهم وراح ودع اخوه الي شكد حاول يروح وياه مقبل بس كله وصيتي لاتعوف جهالي ...

واعتذر من بهار وطلب السماح....

محمد داخله طيب ويحب جهاله وبيت اخوه بس مشكلته تربى عالقسوة والجبروت من اهله...وهالشي عكسها على جهاله والي يقربوه...

عدت جم ساعه كلهد كاعدي
بالصاله ادهم خابر على ابوه رد صوت غريب..
-بويه...
-اعذرني بويه ...بس لكيت صاحب هالموبايل واكع يم  الامام ...وديته للمستشفى ...هو معترض لجلطه بالدماغ ...الموبايل جان عليه رمز مكدرت افتحه واخابركم من وكت...وكفت الدنيا يم ادهم وهو صافن عالفراغ ....الكل انتبهو عليه ...يسالوه ميجاوب احد ...عادل متحمل وسحب التلفون منه ...والرجال عاد نفس الكلام لو تلحكون تودعوه لولا...

من سمعو بلش صياح ويجي النسوان وعادل وادهم ...طلعو ركض عادل وكف يم بيت عمه الي سمع بالخبر راد يوكع ...بس اتذكر وصية اخوه قوى نفسه وراح ويه ولد اخوه...
عادل يسوق ...واحمد بصفه ...وادهم كاعد وؤا وهو عبالك  عايش بغير دنيا..وصلو ورا جم ساعه للمستفى الي كلهم عليه الرجال...دكو على رقمه ولكوه...حجه عادل فدوة ابوي عايش مو...الرجال توتر ...اسف بويه ..شدو حيلكم ...
ادهم كبل كعد عالكاع ودموعه تنزل ...

-لا ميصير تروح ...ميصير تروح ورا ماسامحتك ...اريد اشبع من حنانك...كام يصيح وهو يردد هالكلمات...وعادل كعد وهو انتجى عالحايط ودموعه تجري ...واحمد رغم خسارته اكبر منهم ...كعد بصف ادعم وهو يهدي بيه...واتقرب من عادل حتى يشدون حيلهم...

اتقرب ادهم من جثة ابوه...شاف ملامحه شكد هادئه...حجه ودموعه تجري شكد تمنيت ...اعيش ويه هالملامح الطيبه ...ردت حنان ....ردت من ترجع اشبع من حضنك وحنانك ....كام يصيح ...ليش خليتني اسامحك وانت جنت ناوي تعوفني ....عادل تقرب منه باس جبين ابوه الله يرحمك يابه ...ودموعه تجري احمد جر ادهم وعادل وطلعهم برا...وراح يم اخوه حضنه لاخوه الله يرحمك وباس جبينه ...وارتاح جهالك بامانتي ...وعد مااعوفهم طول مابيه روح....

##############
التكريت..

كاعده وهي بحضن انتقام ...رادو ينامون اندك موبايله جان ادهم....

شوف هذا السرسري ...يمته يخابر ميكول رجال متزوج...
خجلت غسق وضربته على صدره ...جاوبه وهو مبتسم...
-هاك.... شعندك داك بهيج ساعه ماتكو...كطع كلامه ادهم...
-محتاجك انتقام..
فز انتقام وبعد غسق من حضنه الي خافت عباله ابوها صاير بيه شي...
-شبيك ادهم...
-ابوي مات انتقاام....مات...

انتقام كعد وهو حزين على حالة صديقه...
-مات بعد ماخلاني اسامحه واني عبالي راح اشبع من حنانه ...طلع اناني يريد يرتاح بكبره...
-جاييك ادهم...
-لا ...
كاطعه انتقام...
-انجب جاييك..
غسق سمعت عمها مات حزنت على ابوها وعائلته ودموعها تنزل ...

حضنها انتقام ...وهو يمسد على ظهرها...يلا حبي حضري غراضنا بسرعه باجر من الغبشه نطلع...

يتبع ...

عذروني هالكد كدرت اكتب يجوز باجر لو انزللكم بارتين لو اطوللكم البارت سامحوني