الحب الأزلي( الجزء الاول والجزءالثاني)

البارت الثالث

احم احم

اندارو ثنينهم لمكان الصوت .....

يعني حتى بالهول ......انتو دتخدشون طفولتي ....

ههههههه .....تعاي لحضن ابوج يابعد ابوج .....

ركضت غسق لحضنهم وكعدت بنصهم .....

باباتي اسالك سؤال ...

كولي يابعد ابوج .....

سالته واني اعض شفتي .....بعدين عدلت حلكي لان

من اسوي هالحركه انتقام يتخبل .....

انت تعرف تحجي تكريتي....

طبعا اتعلمت لان صارلي ٢٥سنه هنا وربعاني جثير

منهم تكارته....

لعد ليش متعلمني ...سالته واني احضنه ...

وليش بنتي تريد تتعلم التكريتي..

بست ماما وكتلها....ليش مو جنت دائما اكنكن حتى

تعلميني الكردي ومفكيتي مني لحد متعلمت....

هههههه بهاي كلامج صح ....

مايحتاج تتعلمين حبيبتي .....

لان احنا فتره وحنرجع للبصره.....

اني وماما شهكنا ثنينا سواا....

انت شتحجي احمد...وكفت ماما وهي تصيح....

بهار لاتصيحين ....جنت ناوي هسه احجيلج...

اني زياره مااقبل النوبه ترجعني يم ريحانه..

يوووووو مخلصنه من ريحانه وسيرتها....

بابا اني صارلي ١٨سنه هنا حياتي رتبتها هنا...وهسه

تريد تخربطها لحياتي ....

غسق انتي انجبي ....بعدج صغيره ترجعين ترتبيها

هناك... اني خلاص قررت بعد كافي غربه....

اي غربه هااا اي غربه اني الحياة هنا احسن من

العيشه يم ريحانه واخوك الي بحياتها

ماردلها ....اكيد هو قاري براسك...

امي كملت حجيها ابويه ضربها راشدي... واني شهكت

وامي انصدمت...

انجبي ....لاتجيبين سيرة اخوي على لسانج...

مرت جم ثانيه وشفت ابوي عيونه دمعت وتقدم

لامي بس امي رجعت ليورا ....

بهار حبيبي اسف ...ماادري شلون ضربتج ...

عفيه عليك عشرت ٢٦سنه ....ضيعتها بهالحظه...

اسمع زين يجوز جنت راح اجي وياك بس ورا

هالراشدي ...تحلم اجي وياك ...حتى لو طلكتني...

عافتنا وفاتت لغرفتها....