الحب الأزلي( الجزء الاول والجزءالثاني)

الجزء الثاني البارت الاول (بقايا الماضي)

#البصره#
تروح وتجي بالغرفه تنتضر زوجها يبررلها ....  هالصور الي وصلتها .......واي وحده اذا جانت بمكانها جان كلبت البيت بس ......هي عدها ثقة بزوجها بس تريد تعرف منو هاي .....خابرته ...جاوبها بهدوء بس هي من عصبيتها على جرئه هذي الابنيه عاطت بيه...

-هسه ترجع للبيت والا اني اجيك للشركه...

_سموره شبيج ....عاطت بصوت اقوى ..

-كتلك تجييي لو شلوون ...
جاوبها بهدوء وميريد يفقد اعصابه وخاصة هي حامل وتمر بتقلبات مزاجيه ...

-مراح ارجع واذا رجلج عتبة الباب وطلعتي اكسرلج ياها وقفل الخط بوجهها...

كعدت وهي تبجي ...اندكت الباب وفات سما ...

-وينها حبيبتي سم...كطعت كلامها من شافت سمر وهي تبجي...ركضت الها...
-شبيج ..راح تجيبين ...كامت حروح اصيح رائد...جرت سمر ايدها ....
-مراح اولد هسه ...
كعدت سما بصفها لعد شكو ...

-اااه ياسما ...ماكو شي بس محتاجه امي ...محتاجه ابويه...محتاج اخ ...اخ يسندلي ظهري ....

سما عكدت حواجبها هاوي اول مره تشوف سمر بهيج وضع...
-سمر صاير شي. ....متعاركه ويه ادهم..

هزت راسها ...-لاحبي بس عوفيني وحدي ارد انام ...حجت سمر هيج وهي حست بلوية ببطنها بس عبالها من القهر ...
هزت سما راسها وطلعت...

وهي تنزل اجا كدامها رائد وهو يشوفها تفكر .....استغرب من جديت اخته ..
-الصفنه موالج...حجاها بضحك وهو منتضر تكمز عليه وتعاركه ...وهي باوعت عليه وهاي اول مره يضحك رائد ورا ذيج السالفه وحست اكو تغيير باخوها صارله يومين رجع مثل الاول وياها ...بس هي بالها يم سمر..
-عوفني رائد ..عافته وفاتت لغرفتها..
لحكها رائد حتى يعرف شبيها

-شبيج يولي ولاجنج سما المخبله ...

اتنهدت بحزن على حال اخوانها رغم هي اصغرهم بس اتحسهم اغلى شي عدها عدها حتى اغلى من امها وابوها...

-ماادري احس سمر وادهم صاير بينهم شي ...
كعد رائد بصفها وهي يسالها..
-شدراج سمر حجتلج شي ...

هزت راسها ...
-اول مره اشوف سمر تبجي وتكول محتاجه امي وابويه واخ يسندني ..هي جانت دائما تكول ادهم هو كل شي الي ابويه وامي واخويه واختي ..واليوم كالت اريد اخ يسندني ..
هز رائد راسه وهو يكول فعلا ...-احجي ويه ادهم وافهم منه .
هزت سما راسها -لا هسه عباله سمر مشتكيه منه وخاف تكبر المشكله اكثر خلي احنا نخلي عينا عليهم  وندخل بالوقت المناسب ..

&&&&&&&&&&&

-استاذ ادهم ...بيك شي احسك ورا المكالمه عصبت ...
حجت ريهام وهي تكون وحده جتي لشركة ادهم حتى يصمملها مزرعتها ...وهي من شافت ادهم متلزكه بيه ومن عرفت هو متزوج مهمها المهم ادهم يكون الها حتى لو ياخذها زوجه ثانيه ..وهي دتحاول تخرب علاقته بزوجته ...
- لا انسه ريهام ماكو شي وياريت تنطين رائج النهائي عالتصميم الي سووها اكفأ المهندسين يمنا ...
رفعت ريهام حاجبها بعدم رضا وكالت..
-بس اعتقد استاذ ادهم ..اني كلت اريدك انت تصمملي ....