الحب الأزلي( الجزء الاول والجزءالثاني)

البارت السابع

عيني راحت على عادل كبل ...الي هو معصب ومتوتر ويباوع عليه بخوف...

-ههييي شنو هالصياح هذا بيت محترم ....شنو هالعياط عيني ...

حجه ادهم بعصبيه ......

ححت ام رنا هم بعصبيه ....

-مبين محترم  من ورا افعال اخوك مبين شكد محترمين. ..

-هييييي حدج لهنا ...بنتج هي ...ك ... وسا... ضلت تلحكني وادز صورها الي ....

-كاطعته رنا باستهزاء ....

-وانت لان تحب زوجتك ووفي الها صديتني مو ..

انخرس عادل وراحت عيونه لجنات الي دموعها تنزل ...

متوقعت تنحط بهيج وضع ..كرهت عادل ونفسها لان حبت واحد اناني وخاين ...

-جاوبني عادل شقصدها  ...وانت شدتحجي اي صور....

-شوف ادهم. ....

وسكت ....

-جاووووبني ...حجه ادهم بصياح اتقرب رائد وهو يدفع ادهم لورا ...لان راد يتهجم على عادل ....

حجت ريحانه بعصبيه

-وهسه شنو المطلوب عيني ...بنتج وانتي هم لوما ..سا...... جان وكفتي بنتج عد حدها مو جايه هنا تفضحين بنتج ...واسمعي زين لو ابني هم يريدها اني مراح اقبل يتزوج ك....

-اني مو سا....اني مجنت ادري حجت  ام رنا وهي  متوتره ....

-دررروحي على اساس مجنتي تدرين لو مااعرفج شنو  ولج انتي بايدج تبيعين بنتج لخاطر جم فلس ....

حجه عادل بصياح ....وجنات الي كلبها انجرح شوت كرامتها صارت بالكاع ....ولازم تلاكي حل لازم تنتفض  على مود كرامتها .....

كعدت عالقنفه وهي تباوع عليهم وكأنو تباوع على فلم او مسرحيه
حسو عليها البنات ...وراحو كعدو بصفها ...سمر لزمت ايدها بقوة ....باوعت عليهم وحده وحده ...ورجعت تباوع على عادل ورنا ...الي كاعده وتباوع عليها باستهزاء .....

حجه ادهم بعصبيه....

-اطلعو برا قسما بالله اذا مره ثانيه تقربتو من عائلتي امسحكم من الكره الارضيه ...واسويها عشائريا .. وعود يامحترمين شوفو عشيرتكم صور بنتكم الشريفه والطاهره ...عادل عنده مره وحده بحياته وهي جنات ..ام بنته ...

-ايده عادل ....واني كتلج رنا مستحيل ارجعلج ....

-حجت رنا بعصبيه ...يعني تنكر علاقتك بيه ...وهالصور مو حقيقه مو باوعت على جنات..

-انتي ثوله ...جان ينام بحضني بالاسبوع مره ...وهو يحجيلي عن برودج وعن اهمالج اله ....جان يرتاح بحضني ...هو بس خايف على بنته ...على مود هيج ينكر...

جرها عادل من شعرها وامه لازمه ايد عادل وتضربه تريد تفك ايده من على بنته ...ادهم الي كعد بتعب عالقنفه ..وريحانه الي تدعي على رنا وامه لان يردون يخربون بيت ابنها...