ဖြိုးဟိန်း ( On going)

Part - 1

ဖြိုးဟိန်း... အင်း...

ဒီနာမည်ကို ရေရွတ်မိရုံနဲ့ ကျွန်တော့်
စိတ်ဝိညာဉ်တစ်ခုလုံးဟာ မဟာထဝီဝင်မြေကြီးက
တစ်သိမ့်သိမ်တုန်တက်လာသလိုမျိုး
ခြေမကိုင်မိလက်မကိုင်မိဖြစ်စေသည်အထိ
စွမ်းနိုင်ခဲ့တဲ့ ယောက်ျားဘသား
အမျိုးကောင်းသားတစ်ဉီးပေါ့...။
ဒီအမျိုးသား ကအမှန်စင်စစ် ကျွန်တော်
အကြိမ်ကြိမ်ပြိုလဲရာဘုံဗိဗ္မာန်လေးပေါ့...။

တစ်ခုသတိပေးမယ်နော်...
အခုကျွန်တော် ပြောပြမှာက
အမျိုးသား နှစ်ဉီးကြားက တစ်ယောက်ပေါ်
တစ်ယောက် ရှိထားကြတဲ့
ချစ်ခြင်းမေတ္တာ ကိုပုံဖော်မှာဖြစ်တဲ့အတွက်
စာဖတ်သူမိတ်ဆွေက Gay တစ်ဉီးပေလား...?
ဒါမှမဟုတ် LGBT ကို ထောက်ခံအားပေးတဲ့
Support လား...?
LGBT Anti ဆိုရင်တော့ဆက်မဖတ်ဖို့ အကြံပြုပါရစေ...

ဟုတ်ပြီ... ကျွန်တော်တို့ ပြောနေတာဘယ်နားရောက်သွားပြီလဲ...အာ...သတိရပြီ...
အခု ကျွန်တော့်ရဲ့ အမျိုးသား အကြောင်းကိုပြောပြမယ် ။ ပထမဉီးဆုံး သားဟိန်းရဲ့ အကြောင်းမပြောခင် သားဟိန်းရဲ့ အမျိုးသား
ဖြစ်တဲ့ကျွန်တော့်အကြောင်းလေး
ကြော်ငြာနည်းနည်းဝင်မယ်နော်...

ဟုတ်... ကျွန်တော့်နာမည်က ဟိန်းထက်အောင် ပါ ။ လောလောဆယ်တော့နာမည်ပဲမိတ်ဆက်ပေးထားမယ် ။ ဘာလို့ဆိုတော့ ဒီဇာတ်လမ်းလေးကို ဖတ်ကြည့်ပြီးသွားရင် ကျွန်တော့်အကြောင်းကပြောစရာမလိုအောင် နားလည်လာပါလိမ့်မယ်..။ ဟုတ်ပြီ... အဓိကပြောချင်တာကတော့
သားဟိန်း ရဲ့ နှစ်ယောက်မရှိတဲ့ အမျိုးသားပေါ့ ။
သားဟိန်း နဲ့ကျွန်တော်က ဟိုးးငယ်ငယ်လေးကတည်းက ခင်ခဲ့ကျတာဗျ့...။
သူငယ်တန်းကတည်းကဆိုပါတော့ဗျာ...။
ဟုတ်ပါတယ်... ငယ်ငယ်လေးကတည်းကအနှီး
အကောင်ကို ကျွန်တော်ကတစ်ဖက်သတ်ချစ်မိခဲ့ရာကနေ အသက်ကြီးလာတော့ အပိုင်းပါသိမ်းပစ်တာ...။လွယ်တော့မလွယ်ဘူးပေါ့ဗျာ...။

ခင်ဗျာတို့ဖြတ်သန်းလာတဲ့ဘဝဆိုတာကြီးမှာ နောင်တဆိုတာကြီးကိုရဖူးခဲ့ကြလားဗျ့။
သူများပစ္စည်းဖျက်ဆီးပစ္စည်းပစ်လိုက်လို့ အိမ်ကမွေးသမိခင်ကကြိမ်လုံးခပ်တုတ်တုတ်နဲ့ဆော်ခံရတဲ့အချိန်မျိုးမှာလား...?ဒါမဟုတ် ကိုယ့်သူငယ်ချင်းကို ထိုးလိုက်လို့ သူငယ်ချင်းကစကားမပြောတော့တဲ့အခါမျိုးမှာလား...?
ကိုယ်ကြည့်ချင်တဲ့ရုပ်ရှင်ကို မကြည့်လိုက်ရလို့ စိတ်ပျက်ဝမ်းနည်းမိတဲ့ အခါမျိုးမှာလား...?
ကိုယ်အနှစ်သက်ဆုံးအရုပ်ကလေးက တစ်စုံတစ်ယောက်ကြောင့် ပျက်စီးသွားတဲ့အခါမျိုးမှာလား...?။ ကျွန်တော့်အတွက်တော့ ဒါတွေတစ်ခုမှမဟုတ်ဘူး...။ ၆ တန်းကျောင်းသားဘဝပြီးနောက် ကိုယ့်ဘဝမှာ ပထမဉီးဆုံးနဲ့ နောက်ဆုံး နောင်တအကြီးကျယ်ရခဲ့ဖူးတယ်...။ ရိုးရိုးလေးပါပဲ ။ ကျွန်တော်ရခဲ့တဲ့ နောင်တက တစ်စုံတစ်ယောက်နားက ခေတ္တခဏ ထွက်ခွါသွားမိလို့ဗျ့...။