اضاءت قلبى بعد ظلمته
بقلمى / رباب احمد
الفصل السابع
رجع رعد وعدى الشغل تانى و دخلو الاوضه ال كان محجوز فيها جاك لقوه مرمى على الارض وسائل ابيض خارج من فمه
رعد وطى عليه وشافه وبعدين بص ل عدى ده واخد ماده سامه
عدى
شكله كده باين انها اتحطتله فى الاكل
رعد بغضب شديد
اكيد هو ال عمل كده
عدى
قصدك ٠٠٠٠
رعد
هو مفيش غيروه بس نهايته قربت وعلى ايدى
عدى
طب هنعمل ايه دلوقتى
رعد
خلى الطب الشرعى ياخده الاول وبعدين نشوف
وهما خارجين من الاوضه شريف قابلهم
شريف بضحكه كلها خبث
عاملين ايه سمعت ان جاك مات
عدى
قصدك اتصفى
شريف بخبث
مش كنتم اخدتم بالكم كويس وشدتوا الحراسه
كل ده ورعد واقف بثقه وبنظره كلها دقه
عدى بمكر
وانت مهتم بيه ليه اوى كده
شريف بتوتر
عادى مش كلنا مع بعض فى الشغل بس المشكله انو مات قبل ما يتكلم
رعد وحاطط ايده فى جيوبه وقرب من شريف وبثقه مدمره وقرب عند ودنه
ومين قالك انو متكلمش انا خت منه ال انا عوزه وموته مش فارق معايا لانى كنت هموته بس بالبطئ
وبعدين رفع راسه يلا بينا يا عدى
عدى بابتسامه خبيثه
يلا يا رعد
ومشيو الاتنين وسابوا شريف واقف مصدوم ووصل لقمه غضبه وطلع روح بيته
دخل شقته وهو مش طايق نفسه وبيحاول يفكر فى اى كارثه تبعد رعد عنه
ريتاج بتأفف
مالك جاى قالب وشك ليه
شريف بعصبيه
سبينى دلوقتى انا مش طايق نفسى
ريتاج
وانت من امتى طايق نفسك
شريف قام عليها بعصبيه ومسكها من دراعها جامد انتى عاوزه ايه دلوقتى غورى من وشى خلينى اشوف طريقه تخلصنى من ابن الكلب ابن خالتلك
ريتاج بصدمه
رعد
شريف
ايوه ياختى حبيب القلب الاول
ريتاج بعصبيه وزقته
انت اتجننت بتكلمنى كده ازاى وبعدين انا سبت رعد واخترتك انت
شريف
لا والله صدقتك انتى بعتيه واتجوزتنى عشان انا اغريتك وكتبتلك الفيلا والعربيه باسمك مش حبا فيا بعد ما رعد صمم يعيش مع والده واخوه وانتى رفضتى وحبيتى تغظيه واتجوزتنى وتصدقى انا كمان مكنتيش فارقه معايا انا اتجوزتك بس عشان اخلى رعد مقهور بس بحب اخد منه كل حاجه عوزها او بيحبها
ريتاج بتوتر ملحوظ حاولت تدريه بزعيق
انت الكلام معاك مش هيجيب نتيجه وسبته ومشيت طلعت اوضتها
شريف وبيطلع سجاره يدخنها لازم اخلص منك يا رعد باى طريقه لازم اخد مكانك فى كل حاجه اخت حبيبتك منك ولازم اخد مكانك فى الشغل
فى الفيلا فى واضه البنات جورى قاعده سرحانه
جومانا
مالك يا جورى
جورى
ابدا مفيش
جومانا
عليا برضوا فى ايه مالك
جورى بتوتر
صدقينى مفيش
جومانا
لا فى ممكن تكونى سرحانه فى ال عنيه منزلتش من عليكى النهارده
جورى بتسرع
قصدك عدى
جومانا بابتسامه
الله ما احنا وخدين بالنا اهو
جورى بكسوف
مش عارفه من ساعت ما شفته فى القسم وحساه شخصيه مختلفه حتى عن رعد
جومانا
فعلا هو مختلف عن رعد بيضحك وبيهزر وبيتعامل بلطف غير رعد جد وبحس انو بيكرهه الستات
جورى
بتحسى لا هو فعلا بيكرهم انا بحس سعات انو عاوز يقتلنا هههههههههه
جومانا بضحك
فعلا نظرته مرعبه فى الوقت ده دخلت فيروز عليهم وهما بيضحكوا
فيروز
بتضحكوا على ايه
جورى
على رعد ال بيكرهه الستات
فيروز
يمكن ظروفه ال خالوا قال عليها هيا السبب
جومانا
يمكن
فيروز
سيبكم من الكلام ده ويلا ننام ورانا محاضرات مهمه بكره
وقاموا البنات يناموا
اما عند ريتاج طلعت اوضتها بتفكر فى كلام شريف وحست انها ندمت انها عندت رعد وسمعت كلام مامتها واتجوزت شريف لانه اغراها انوا هيكتبلها الفيلا ب اسمها والعربيه وهيا حابت تغيظ رعد على امل انو يتحرك ويعملها زى شريف واكتر لانها بتحب الفلوس بس اكتشفت انها خسرت كتير خسرت رعد وحبه وكمان ال كان هيورثه من ابوه وكانت هيا ال هتبقى متحكمه فى كل الفلوس لكن هيا ومامتها استعجلوا الامور وراحت للأسهل
ريتاج لنفسها لازم ارجع رعد ليا تانى كلمتين حلوين من بتوع زمان ال بيأثروا فيه وشويه حنيه هيرجع ليا تانى واخلص من شريف وقرفه بس لازم اثبت ل رعد حبى ليه بس ازاى ازاى
ايوه هيا دى انا هكلمه وقله على شريف وال عاوز يعمله معاه وساعتها هيصدق انى لسه بحبه وشريف ال ضحك عليا وفتحت باب اوضتها براحه ونزلت تشوف شريف خرج ولا لسه عشان تكلمه برحتها
اوف اخيرا غار من هنا تلقيه راح يسهر مع الزباله ال زيه
ومسكت التلفون ترن على رعد
فى الوقت ده رعد كان وصل الفيلا ومش عاوز ينام وقعد فى الجنينه وهو مغمض عنيه وسرحان
وكان فى نفس الوقت فيروز واقفه فى البلكونه بعد محاولات كتير انها تحاول تنام بس معرفتش وشافت رعد قاعد تحت وفضلت باصه عليه وبتقول ل نفسها ياترى يا رعد حكايتك ايه
ورعد مغمض عنيه مره واحده تلفونه رن بص فيه ووشه تحول لجمرت نار ومرداش يرد وبعد شويه تلفونه رن تانى
رعد قام بعصبيه ورد على التلفون
نعم خير
ريتاج برقه مصطنعه
رعد وحشتنى عامل ايه
رعد بنرفزه وبصوت عالى
ريتاج متصله ليه
فيروز اخدت بالها من نرفزته والاسم ال نطقه وبتقول فى نفسها مش دى ال كانت خاطبته هما رجعوا ل بعض وحست انها اديقت
ريتاج بنفس الرقه
ممكن تهدى انت مش عاوز تسمع صوتى
رعد
لا مش عاوز وبنبرت استهزا امال شريف بيه فين وسايبك اكيد انتى مش بتكلمنى وهو موجود
ريتاج وبتحاول تظعر فى صوتها الزعل شريف دايما سايبنى وبيسهر مع بنات
رعد بسخريه
معلش استحملى
ريتاج
انا اسفه انى سبتك
رعد بعصبيه
ريتاج الموضوع انتهى وتصبحى على خير
ريتاج بسرعه
استنى بس عوزه اقولك على حاجه مهمه
رعد بتأفف خير
ريتاج بدموع
شريف ناويلك على شر وعاوز يأذيك ويخلص منك هو قلى كده فى ساعه عصبيه وانا خفت عليك عشان لسه بحبك كده قولت ال عندى تصبح على خير وقفلت وهيا بتبتسم وبتقول كده اول خطوه ووحده وحده هرجعك ليا يا رعد
رعد بعد ما قفلت ريتاج فضل ينفخ ويحط ايد على شعره يمسك خصلات شعره بضيق بيرفع عينه ل فوق لقى فيروز واقفه وبتبصله وفضلوا باصين ل بعض دقيقه
فيروز اتكسفت ونزلت راسها ودخلت على الاوضه
رعد دخل الفيلا وطلع اوضته وقبل ما ينام قعد يفكر فى شريف والكلام ال قالته ريتاج لحد ما ينام
تانى يوم الصبح الكل متجمع على الفطار ونزل رعد بطلته الخاطفه للنفاس
رعدصباح الخير
الكل صباح النور
عثمان
مش هتفطر
رعد وهو يتجنب ان يبص ناحيه فيروز لا يا بابا مستعجل بعد اذنكم
عثمان
شكله مدايق
سيف
اه باين عليه
عثمان
طب ابقى اتكلم معاه لما يرجع
سيف
حاضر يابابا يلا يابنات عشان منتاخرش
البنات يلا
بعد ما مشيوا امينه بصت ل عثمان وغمزتله يلا تعالوا نشرب القهوه فى الجنينه
حنان
طب رحوا انتوا وانا هعملها واجى
امينه
بسرعه لا لا انا ال عوزه اعملها روحى انتى مع عثمان وانا هحصلكم
حنان بتوتر
ماشى
فى الجنينه
عثمان
اقعدى مالك هتفضلى واقفه
حنان حاضر
عثمان بعد شويه من السكوت
احم مدام حنان انا عاوز افتحك فى موضوع
حنان بتوتر
خير فى حاجه
عثمان
بصراحه كده من غير لف ولا دوران انا عاوز اتجوزك
حنان ايه
عثمان
ال انتى سمعتيه عاوز اتجوزك وقبل ما اسمع ردك عوزك تعرفى حاجه كويسه انا مش من نوع الرجاله ال بتبص على ستات عشان متفكريش انى استغليت انك قاعده معانا فى البيت ابدا والله بس حسيت انتى قد ايه انسانه ناضجه وعاقله ومتدينه ونفسى اكمل معاكى الايام ال فاضله فى عمرى انا عشت سنين وحده كتير وانتى كمان عشتنى سنين وحده كتير انا عاوز انا وانتى نعوض بعض سنين وحدتنا ونعيش مع بعض وصدقينى جومانا زى بنتى بظبط وهتبقى حياتنا قايمه على الاحترام والتقدير ولو رفضتى اعتبرينى مقلتش حاجه
حنان بابتسامه ود
صدقنى انت فعلا ونعم الاخلاق والاحترام وراجل بمعنى الكلمه واى حد يتمنى يرتبط بشخص زيك بس
عثمان
بس ايه
حنان
الاود هيقولوا ايه
عثمان بفرحه
يعنى انتى موافقه
حنان بخجل
ايوه
عثمان
صدقينى مش هتندمى والولاد سبيهم عليا وعلى امينه
وفى الوقت ده جت امينه وهما بيضحكوا
امينه نقول مبروك
عثمان بابتسامه
ايوه
حنان بصتلها
انتى كنتى عارفه
امينه طبعا
عثمان
اسبكم دلوقتى واروح الشركه سلام
امينه
صدقينى يا حنان عثمان هيعوضك عن كل السنين ال فاتت
حنان
من غير ما تقولى عثمان باين شخصيته فى كل تصرفاته وطباعه بس المشكله فى الولاد
امينه بثقه
سبيهم عليا و٠٠٠٠٠٠
يتبع
