الفصل ١٨
ابتسم رعد لما خرجت فيروز بتجرى على اوضتها واخد الحبوب الصداع وطلع البلكونه وبيشرب القهوه ال هيا عملتها ليه وحاسس انها اجمل قهوه شربها وقلبه بيفكر فيها وبشده روحه تريدها اما عقله يرفض تماما ويذكره دائما بالموقف ال شافه فيها وهيا فى حضن جاسر ولكنه لا يعلم حتى الان انه اخوها فى الرضاعه ولو كان واجهها وعرف الحقيقه لكن استراح عقله واتفق مع قلبه على عشقها
(وكثير منا يقع فى مواقف الكثير يفسروها الاخرون خطأ دون معرفه الحقيقه)
اول ما وصل تفكيره وافتكر انه شافها مع حد تانى اتعصب ورمى فنجان القهوه من البلكونه وفضل متنرفز وراح جاى فى اوضته اطلعى من قلبى بقا كلكم زى بعض ليه كل ما قول هبعد عنها مبقدرش ليه بضعف قدمها قلبى بيخونى ليه ويدقلها اااااااااه
ودخل الحمام ياخد شور عشان يهدى ويعرف ينام
اما عند فيروز دخلت اوضتها سرحانه من لمسته لما مسك ايديها وباسها وحست ان قلبها بيدق جامد وبتقول ل لنفسها شكلى عشقتك يا رعدى وفضلت تفكر فيه لحد ما نامت
تانى يوم الصبح والكل متجمع على الفطار
عثمان نزل لاقهم متجمعين
صباح الاخير يا ولاد
الكل صباح النور
وقعد يفطر معاهم شويه وجرس الباب رن
دخل عدى صباح الخير
صباح النور
رعد
ايه ال جابك على الصبح
عدى
بذمتك حد يقابل حد كده وبعدين انا جاى ل مراتى عندك مشكله وبعدين ده بيتى وهقعد على قلبك هنا صح يا عمى
عثمان بابتسامه
صح يا حبيبى
رعد
انت هتقعد معانا هنا
عدى
اى نعم عمى اصدر فرمان امبارح بس انت مكنتش موجود
رعد
يعنى هتبقى على قلبى فى البيت والشغل
عدى
هو كده وخد الكبيره كمان هاخد الجناح ال حمبك على طول ههههههه
الكل ضحك
رعد بابتسامه
رزل رزل
عثمان
كل واحد ياخد مراته ويخلص الجناح بتاعه النهارده فاهمين الفرح بكره جهزت كل حاجه يا سيف
سيف كله تمام متقلقش يا بابا منظم الحفلات هيجى كمان شويه ويبدا تجهيز فى الجنينه والكروت انطبعت امبارح وبعتها بس هروح الكليه انا والبنات ونرجع على طول لانهم مش هيروحوا اسبوع
عثمان وبيغمز ل عدى وسيف
تمام خلاص عدى ورعد يروح ليكم كمان شويه على الكليه وتطلعوا بعديها تختاروا الفساتين وتيجوا تجهزوا الجناح بتاعكم
وانا حروح ل امينه وحنان اجبهم الدكتور كتب ل امينه على خروج وحدد العمليه هنسافر بعد يومين
فيروز
بسرعه دى
عثمان
يا حبيبتى كل ما كان اسرع يبقى افضل
جورى بدموع
انا خايفه على ماما هتسبنى ل وحدى
عدى قلبه وجعه من دموعها وقام رحلها ومسح دموعها انا زعلان منك يعنى ازاى هتبقى لوحدك وانا جنبك
جورى
مقصدش بس انا مش هستحمل بعدها عنى بعد بابا
عدى بصوت حنين
متقلقيش يا قلبى ان شاء الله هتقوم بسلامه وباسها من جبينها
سيف
الله مش وقت سهوكه وغمزله
عدى
بتردهالى ماشى بس انا حر متغاظ ليه
سيف بخفت دم
وهتغاظ ليه مراتى اهيه تعالى فى خضنى يا مزتى
جومانا بكسوف
بس يا سيف وطلعت تجرى والبنات وراها يلبسوا عشان يروحوا الكليه
وهما طلعين على السلم
سيف
اهربى برحتك النهارده بس بكره هوريكى
عثمان بخبث
ياخوفى تكسفونا بكره
سيف
لا يابابا متقلقش ابنك اسد
عدى
لا يا عمى ده احنا وحوش صح يا رعد
رعد سرحان وبيفكر حياته هتنتهى على ايه معاها
عثمان بضحك
شكل رعد هينام فى الرسبشن
عدى وسيف ضحكوا بصوت عالى
فاق رعد على صوت ضحكتهم مالكوا بتضحكوا ليه
ال واكل عقلك
سيف انا هروح مع البنات الكليه هتيجوا معانا ولا هتحصلونى
رعد خلى عدى يروح معاك ورايا مشوار وهحصلك
عدى
مشوار ايه
رعد
غمزله ففهم عدى انو هيقابل ريتاج
نزلوا البنات وراحوا مع سيف وعد الكليه
اما رعد راح يقابل ريتاج
ريتاج بعصبيه
يعنى ايه هتجوز بكره
رعد
غصب عنى انا حكتلك كل حاجه بابا ال غصب عليا لان عمتى تعبانه اوى وممكن يجرلها حاجه وهددنى انو يحرمنى من الميراث فكان لازم اوافق مؤقتا
لحد عمتى ما تسافر وترجع وتبقى كويسه واقدر انفصل عنها وبعدين انتى عارفه انك انتى ال حبيبتى وهتبقى فتره مؤقته على انتى ما تخلصى من شريف وشهور العده تعادى وانا اخلص من الجوازه الزفت دى
ريتاج
وهتبات معاها ف اوضه واحده
رعد
متقلقيش احنا متفقين انا وهيا جوازنا على الورق
ريتاج
ماشى يا رعد هصدقك
رعد بخبث
خلينا فى المهم شريف مدخلش المكتب امبارح
ريتاج
ايوه جه تعبان من السفر وفضل نايم لتانى يوم المغرب وصحى وطلع يسهر ل الصبح
رعد
تمام كل تحركاته تقولهالى عشان يا قلبى نخلص منه بسرعه ونتجوز
ريتاج
ماشى يا قلبى
خلص رعد مع ريتاج بعد ما قدر يضحك عليها عشان متبوظلوش خطته وراح على الكليه
كان واقف سيف مع جومانا وفيروز بيتكلموا بعض المحاضره ومستنين عدى راح يجيب جورى من كليتها ورعد يجى
شويه وشاف سيف حسام جاى عليهم وبيبص على فيروز
سيف فى نفسه العب يا سمك شكل الامور هتسهل النهارده من غير تعب
حسام ازيكم
سيف ازيك يا حسام خلصت المحاضره
حسام بابتسامه بشوشه وبيبص ل فيروز ايوه كنت عوزك فى موضوع يا سيف
سيف
طب ثوانى يا بنات
خير يا حسام
حسام
من غير لف ولا دوران انا عاوز اخطب فيروز بنت عمتك
سيف فى نفسه الله دى حلوت اوى شكلك هتموت يا حسام قريب على ايد اخويا
احم بص الموضوع ده يخصها وهشوف وارد عليك
شويه جه عدى وانضم ل سيف وحسام
عدى خير فى حاجه سايب البنات واقفه ل وحدهم ليه
سيف بابتسامه اصل حسام عاوز يخطب فيروز وبقله ياخد رأيها
عدى بابتسامه اه
وفجأه تلفون عدى رن
ايوه يا رعد احنا قدام مدرج ٣ مستنينك وقفل معاه وجات فى دماغه فكره
طب يستنى ليه يا سيف انت هتاخد اسبوع اجازه خليه يكلمها دلوقتى
نادى على جومانا وجورى وغمزله
وفعلا نادى سيف على جومانا وجورى وقال ل فيروز دكتور حسام عوزك فى كلمه وغمزلها وفيروز فهمت على طول
وراح حسام يقف مع فيروز
وبعد سيف وعدى والبنات شويه عشان رعد ميشفهمش
حسام
احم ازيك يا فيروز
فيروز
اهلا يا دكتور
حسام
دكتور ايه الصراحه بقا انا معجب بيكى من اول ما شفتك ونفسى تكملى معايا حياتى
كل ده ورعد مقرب منها وسمع كلام حسام وحس ان دمه
بيغلى وهيدمر الدنيا بس استنى يسمع رايها
فيروز لمحت رعد بطرف عنيها وحاولت تغيظه وتخليه يغير
والله انت فجأتنى يا حسام انت انسان اخلاق ودكتور ممتاز والف بنت تتمناك ان شاء الله هفكر وهرد عليك
رعد مستحملش اكتر من كده وجرى عليها وشدها من دراعها وبصوت على نعم ياختى تردى عليه هو انا مش مالى عينك
فيروز بدموع
لو سمحت سيب ايدى
عدى وسيف شافوا الوضع من بعيد طلعوا يجروا عليه
سيف
فى ايه يا رعد ماسك فيروز كده ليه ووطى صوتك
رعد بغضب اعمى
الهانم قاعده تحب وجيلها عريس قولى اعمل ايه
حسام
انت مين وبتدخل ايه
سيف
حسام امشى دلوقتى
رعد بعصبيه وراح يمسكه من البدله يمشى فين
سيف بجديه
رعد فوق الكليه بتتفرج علينا مينفعش كده
امشى يا حسام
مشى حسام ورعد بص ل فيروز بصه ارعبتها وشدها من ايديها خرجوا بره الكليه
والكل حصلهم
سيف وعدى
اهدى يا رعد ماينفعش كده
رعد
محدش يكلمنى خالص وحسابكوا معايا سيبنها واقفه ل وحدها
عدى حاول ينقذ الموقف لا هيا كانت واقفه مع واحده صحبتها
صح يا فيروز وبيغمزلها
فيروز بخوف من رعد
ايوه وهو جه كلمنى لما مشيت صاحبتى قبل ما ارحلكوا
رعد بغضب
قدامى على البيت
عدى مش هتيجوا تجيبوا الفستان
رعد بعدين
سيف وبيميل على اخوه
براحه عليها انت فاهم
رعد بصله بصه بمعناها اخرس خالص
جورى وجومانا انا خايفه عليها شكل رعد هيأذها
عدى
متخافيش
جورى
لا يلا بينا نحصلهم
سيف والفساتين
جومانا
بعدين بليل نطلع كلنا مش مشكله يعنى
وفعلا ركبوا العربيه وروحوا
رعد كان سايق على اقصى سرعه وفيروز خايفه
براحه شويه هنعمل حادثه
رعد بعصبيه
انتى تخرسى خالص مسمعش نفسك فاهمه
فيروز خافت منه وسكتت
وصلوا الفيلا وسحبها رعد من ايديها جامد
فيروز
براحه انت بتجر جاموسه
رعد مسمعش صوتك وفضل سحبها لحد الجناح بتاعه ورماها على السرير
وقفل الباب بالمفتاح وبيقرب منها و٠٠٠٠٠٠
يتبع ٠٠٠
اضاءا قلبى بعد ظلمته
بقلمى رباب احمد
