الفصل الثامن
راح رعد على شغله وقاعد سرحان فى مكتبه بيفكر فى كلام ريتاج وازاى هيقدر يكشف شريف ويوقعه ويعرف مين ال بيساعده وبيدورها فى دماغه بس مفيش غير الحل ده ال هيوصلنى للعاوزه كويس وهو بيفكر مع نفسه دخل عدى عليه مكتبه
عدى
صباح الخير
رعد بتفكير
صباح النور
عدى
مالك بتفكر فى ايه على الصبح
رعد بنظرت غموض
ريتاج كلمتنى امبارح
عدى
نعم وهيا عوزه ايه تانى
رعد بثقه وغموض
وحشتها
عدى
لا ياراجل وده من امتى وانت صدقتها
رعد بنفس النبره
ومصدقهاش ليه
عدى بنرفزه
رعد فوق ومتعصبنيش عليك
رعد ببرود
اهدى كده لا شكلى فعلا وحشتها دى كانت بتحذرنى من شريف ناوى على نصيبه معايا
عدى
يا شيخ طب ما ده احنا عرفينه ايه ال جديد ولا انت ال مصدقت
رعد بعصبيه وبيخبط على المكتب
عدى فوق وخلى بالك من كلامك كويس انا مش برياله فاهم
عدى بعصبيه
عندك حق انت حر بعد اذنك وسابه وخرج
رعد قعد على المكتب وبينفخ ماشى يا عدى بتزعل بسرعه
فى الكليه كانت جومانا وفيروز بيتكلموا قدام المدرج مره واحده لقوا شاب جاى عليهم
الشاب
السلام عليكم
جومانا وفيروز
وعليكم السلام
الشاب
ممكن يا انسه جومانا كلمه على انفراد
جومانا بصدمه
ليه حضرتك فى حاجه
الشاب
عاوز اكلمك فى موضوع
جومانا
اتكلم عادى دى فيروز اختى
كل ده ومش وخدين بالهم من ال قرب منهم وشاف الشاب واقف معاهم واستنى يسمع الشاب ده هيقول ايه
الشاب
احم انا اسمى احمد فى امتياز السنه دى وشفتك كتير فى الكليه وعرفت عنك كل حاجه والصراحه انا معجب بيكى جدا وعاوز اجى اتقدملك
جومانا كانت متوتره جدا ومش عارفه ترد
فى نفس الوقت لمحت فيروز سيف واقف والدخان طالع من وشه وتأكدت ان ال حسته صح ان سيف ابن خالها بيحب جومانا بس قررت تستفزه عشان تعرف هو عاوز جومانا ولا بيتسلى
وسيف واقف مكانه مصدوم وعنيه بطق شرار ومستنى يشوف جومانا هترد هتقول ايه
فيروز بلؤم
احم بص يا دكتور احمد المواضيع دى مينفعش الكلام فيها هنا فى الكليه وبعدين احنا من عليه محافظه يعنى لازم تكلم راجل من العيله وهو هيوصلك رأيها
كل ده وجومانا متنحه ل فيروز هيا كانت عاوز ترفض وخلاص لانها بتحب سيف
احمد
احم طبعا طب انا ممكن اكلم مين
كل ده وسيف عاوز يقتل فيروز واحمد وياخد جومانا من ايديها ويقولها انتى بتاعتى وعمرى ما هسيبك لحد ابدا
فيروز بنفس اللؤم
بص تعرف دكتور سيف الريدى المعيد هنا
احمد
ايوه طبعا اعرفه
فيروز
يبقى ابن خالنا روح كلمه وهو هيبلغك ردها
احمد
طيب تمام بعد اذنكم واتمنى انها توافق وصدقينى هشلها فى عنيه سلام
جومانا بعد ما مشى باصه ل فيروز ومش مصدقه ال عملته
ايه ال انتى قولتيه ده
فيروز وبتكتم ضحكتها
هقلك بعدين اسكتى دلوقتى
سيف وصل ليهم وبنرفزه انتم كنتم واقفين مع الشاب ده ليه
جومانا بتوتر مفيش اصل ٠٠٠
سيف مقاطعا ايها بعصبيه ومش قادر يسيطر على نفسه انتى تخرسى مسمعش نفسك
جومانا انصدمت وفيروز كمان من طريقه كلامه
جومانا والدموع فى عنيها
بعد اذنكم وطلعت تجرى من قدامه
فيروز بنبره حاده
فى ايه يا سيف ازاى تكلم جومانا كده وبعدين ايه ال حصل واحد وجه اتكلم معانا باحترام جدا واحنا عارفين حدودنا كويس وزى اى شخص ما بيقف مع حد فى الكليه فين المشكله ومش معنى اننا بنعملك انك اخونا تتعدى حدودك معاها
سيف بعصبيه
انا مش اخوها
فيروز حبت تضغط عليه اكتر عشان يتكلم وتعرف نيته ايه
فيروز بعصبيه مفتعله
تقصد ايه يا ابن خالى ما يشرفكش اننا نبقى خواتك
سيف بعصبيه
فيروز مطلعنيش عن شعورى وبطلى هبل انتى وجورى خواتى لكن هيا لا
فيروز بلؤم اكبر
ياستر لدرجه دى مش طايقها خلاص انا هخليها هيا وانطى حنان يسيبوا الفيلا عشان انت تستريح بدل مش طايقها بس انا هبقى زعلانه منك
سيف بعصبيه
فيروز طب تبقى انطقى بكلمه زى دى انهم يمشوا وانا هدبحك
فيروز بنفس اللؤم
الله مش انت ال مش طيقها وزعقتلها دلوقتى
سيف ومبقاش قادر يسيطر على اعصابه انا زعقتلها لانى غيران عليها يا غبيه
فيروز بابتسامه
وغيران ليه
سيف بتهور
عشان بحبها استريحتى وكنت هتجتن واقتل الواد الغتت ال كان واقف معاكوا وعاوز يتحوزها
فيروز
هههههههه اخيرا
سيف
اخير ايه
فيروز
اصل عنيك كانت فضحاك وانت مكنتش بتتكلم قلت يبقى بتتسلى بالبت
سيف بزعل
وتصدقى عنى كده كل الحكايه ان مكنش عدى كتير على وفات ولدك وكنت عاوز اتأكد من مشاعرها بس ادينى عكيت الدنيا
فيروز
عشان انت فعلا اخويا وهيا اختى هساعدك
سيف
بلهفه ازاى
فيروز
بص يا سيدى احنا نعدى على جورى ناخدها وناخد جومانا وتعزمنا على الغدا وانا اعمل نفسى هقوم اعمل حاجه واخد البت جورى معايا وانت حاول تصالحها لان لو مصلحتش الموقف قبل ما نرجع جومانا هتصمم تسيب البيت
سيف بلهفه
تسيب البيت ايه ده انا يجرالى حاجه
فيروز بضحك
شكلك واقع
سيف
واقع وعلى اخرى
فيروز
طب استنى اشوفها فين الو يا جومانا انتى فين
جومانا بدموع
فى الكافتريا
فيروز
طب استنى جيالك
يلا بينا نروحلها
واول ما دخلو الكافتريا وشفوها
جومانا بدموع
ايه جاب دكتور سيف معاكى جاى يكمل تهزئ فيا عموما انا هريحك منى خالص هسيب البيت وامشى
سيف بنظره كلها حب وعشق
طب يلا بينا من هنا الاول عشان الناس هتبصلنا ونكمل كلامنا بره
جومانا
لا انا هروح بعد اذنكم
سيف وقف فى شها
انا اسف عشان خاطرى اسمعينى الاول وبعديها مش هغصب عليكى فى قرارك
جومانا واقفه ساكته
فيروز متدخله
يلا يا جوجو احسن انا ميته من الجوع وهستغل سيف النهارده اسؤا استغلال
سيف بأبتسامه تسحر بيبص فى عيون جومانا كله عشان خاطر عيون القمر
جومانا بتوتر
انت بتقول ايه
سيف بنفس الابتسامه
لما نروح المطعم هتعرفى يلا
وعدو على جورى واخدوها وراحوا على مطعم شيك سيف ورعد دايما بيرحوه وكل ال هناك يعرفوه
فى نفس الوقت رعد راح ل عدى مكتبه
رعد
ممكن ادخل
عدى
اتفضل
رعد
انت زعلان بجد
عدى
انت شايف ايه من امتى بتكلمنى كده
رعد
مهو عشان انت اول مره مش بتفهمنى
عدى
تقصد ايه
رعد
انت مفكر لما ريتاج ترجع تقولى وحشتنى او ندمانه انى هسمحها وارجع اركع تحت رجلييها
عدى
اما كلامك الصبح كان ايه
رعد بمكر
هستغلها
عدى ضيق عنيه
وضح اكتر
رعد
هقلك بس تعالى نتغدى بره وهقلك كل ال بفكر فيه
عدى
تمام يلا
فى المطعم قعد سيف وجومانا وفيروز وجورى
سيف تحبوا تتغدوا ايه
جومانا
مش عاوزه
جورى
سيبك منها وركز معايا كده لانى هموت من الجوع
انا عوزه فراخ مشويه ومكرونه وسلطه وشبسى واه متنساش ببسى دايت عشان متخنش
الكل فطس من الضحك
سيف
كل ده ومش عاوزه تتخنى
جورى
الله اكبر عليا ده انا حتى اكلتى ضعيفه اليومين دول فيروز
لا والله لا تعالى كولينا
سيف وبيسبل عنينه وبصوت حنون جومانا تطلبى ايه
جومانا متوتره من طريقه كلامه
ولا حاجه
جورى ورافعه حاحب مالك يا سيف بتسبل كده ليه للبت
جومانا اتكسفت
سيف بجراءه
عشان بحبها
جومانا تنحت وجورى فتحت بقها ايه
وفيروز مش قادره تمسك نفسها من الضحك
فيروز
هيا بتتقال خبط لزق كده
جورى
انتى كنت غارفه
فيروز
اه لسه عارفه النهارده
جورى ازاى
فيروز
تعالى احكيلك وسيبى سيف وجومانا قاعدين سوا شويه
جورى طيب
بعد ما قاموا
سيف
جومانا
جومانا برقه
نعم
سيف
بحبك ومقدرتش امسك نفسى لما شفت الشاب ده عاوز يخطبك كنت هتجنن وغيرت عليكى وده ال خلانى اتعصب عليكى وازعقلك
جومانا
بس انا مليش ذنب واحد بيقولى عاوز يخطبنى
سيف والغيره بانت عليه
طب بس انتى مش هتكونى لحد غيرى انا فاهمه بمزاجك او غصب عنك هههههههه
جومانا
ياسلام مليش رأى يعنى
سيف بتوتر
انتى ممكن ترفضينى
جومانا حاست فى نبرت صوته خوف انها ترفضه واتأكدت فعلا انه بيحبها
جومانا بكسوف
طبعا لا
سيف بأبتسامه
انا هكلم بابا اول ما روح وهكتب الكتاب على طول عشان اتعامل معاكى برحتنا فى فتره الخطوبه موافقه
جومانا وهيا باصه فى الارض وهزت دماغها بالموافقه
سيف لا والنبى ارفعى وشك كده وحشتنى عنيكى
جومانا بتوتر
بس يا سيف مينفعش كده
سيف
حاضر اصبرى عليا اكتب الكتاب عشان اتكلم برحتى
فى نفس الوقت كان رعد وعدى فى المطعم ورعد بيحكى ل عدى على الخطه ال فى دماغه
عدى
بس الخطه دى خطر والكل هيفهمك غلط
رعد
مفيش حل تانى عشان اقدر اعرف ال بيدور فى بيته واجيب اى ورق او دليل يفيدنا
عدى
ربنا يستر
رعد
متقلقش بس مش عاوز اى حد يعرف اى حاجه حتى لو فهمونى غلط
عدى حاضر
فى نفس الوقت كانت واقفه فيروز وجورى وبيبصوا على النيل وفيروز بتحكى ل جورى كل ال حصل وان سيف عاوز يتجوز جومانا
جورى
والله كنت حاسه يلا ربنا يسعدهم
فيروز
يارب يلا بينا تلقيهم خلصوا كلام
جورى يلا
وهما ماشين راجعين على التربيزه شافهم عدى
عدى
رعد مش دول بنات عمتك
رعد لف بص عليهم ايوه هما بيعملوا ايه هنا
وفى الوقت ده شطانه حضر وتخيل انهم جاين يقبلوا شباب
وبنرفزه قام راح عندهم
رعد
فيروز جورى بتعملوا ايه هنا
جورى بخطه
ما براحه يا عمنا خطتنا
عدى كان ورا رعد ومات من الضحك على طريقه كلام جورى
رعد
عمنا لا والله طب معلش بتعملى ايه هنا يا ست جورى
جورى بستفزاز
هيا الناس ال بتجى هنا بتعمل ايه
عدى متدخلا فى الكلام وبابتسامه عذبه ل جورى بيجوا ياكلوا
جورى
شوفت صاحبك عرفها اهو
رعد وهو بيضغط على سنانه
وجاين مع مين
فيروز
سيف معانا وجومانا
رعد
سيف هو فين
قاعد
هناك اهو
رعد طب يلا هنرحله ومشى قدامهم
جورى
ياساتر انسان مش بيضحك ابدا
عدى عادى من جمبها وميل عليها سمعتك وبصلها وغمزلها وحصل رعد
وجورى وفيروز حصلوهم و٠٠٠٠٠٠٠٠
يتبع
