أضاءت قلبى بعد ظلمته
بقلمى رباب احمد
الفصل العاشر
جومانا
خلاص يا طنط امينه انا موافقه بدل ده فيه سعاده ماما هيا ضحت عشانى كتير
امينه
ربنا يكملك بعقلك يا حبيبتى
يلا بينا نخرج بره نفرحهم
خرجوا وامينه هزت راسها ل اخوها عثمان علامه على الموفقه
عثمان اخد نفس طويل وقال فى نفسه الحمدالله
امينه
بصوا يا ولاد عثمان و حنان هيكتبو كتابهم بكره
فيروز و جورى تنحوا بتقولى ايه يا ماماى
امينه
ال سمعتوه خالكم هيتجوز طنط حنان ورعد وسيف وافقوا
البنات بصوا لجومانا مستنين يعرفوا رد فعلها
امينه شافتهم
متقلقوش جومانا موافقه
حنان بس مش استعجال كتب الكتاب بكره ومعداش كتير على وفاه احمد اخويا
امينه
هو احنا هنعمل حاجه المؤذون هيكتب وبس وبعدين لو احمد كان موجود كان فرح جدا
عثمان
ل ولاده انتم موفقين يا ولاد
رعد وسيف
ايوه يا بابا وال فيه راحتك اعمله
عثمان
متحرمش منكم
حنان وهيا بطبطب على بنتها
انتى زعلانه يا جوجو
جومانا بابتسامه
لا يا ماما سعاتك اهم عندى وانتى طول عمرك بضحى عشانى من حقك تفرحى
حنان حضنت بنتها
ربنا يخليكى ليا يا قلبى
عثمان
سيبى بنتى ومرات ابنى اكلمها شويه تعالى يا جوجو نتمشى شويه
جومانا
حاضر يا وانكل
عثمان
جومانا يابنتى يمكن انتى زعلانه انى هتجوز ماما او مفكره انى هاخد مكان ولدك الله يرحمه
جومانا
لا يا وانكل مش كده انت بس اتفجأت واى حاجه فيها سعاده ماما انا موافقه عليها
عثمان
صدقينى هعمل كل ال بوسعى عشان اعوضها واسعدها وانتى هتكونى بنتى قبل ما تكونى مرات ابنى ولو زعلك فى يوم تعالى قوليلى وصدقينى ساعتها هكون ولدك انتى مش هو وهجبلك حقك منه
جومانا
ربنا يخليك يا اونكل
عثمان
اونكل ايه من هنا ورايح تقولى بابا لو مش هيديقك
جومانا
يديقى ربنا يعلم انا بحبك زى بابا الله يرحمه
عثمان بابتسامه
الله يرحمه المهم اتفقنا
جومانا
اتفقنا يا ٠٠
عثمان
يا ايه
جومانا يابتسامه
يا بابا
عثمان ايوه كده
تانى يوم عثمان وحنان كتبوا الكتاب واصبحت زوجته
عثمان
مبروك يا حنان
حنان بكسوف رغم كبر سنها لكنها تتميز برقه والهدوء الله يبارك فيك
عثمان يلا انا عزمكم كلكم على العشا بره
كلهم راحوا المطعم ال متعودين يرحوه وطبعا كان معاهم عدى وقاعدين بيضحكوا ومبسوطين
وكان رعد قاعد بيبتسم بين فتره والتانيه ودماغه مشغوله بحاجه تانيه
وفجأه شافوا شريف وريتاج دخلين المطعم
شريف بخبث
الله ده رعد وعدى هنا وعمك عثمان تعالى نسلم عليهم
شريف
ازيكم
عثمان بضيق اهلا
ريتاج
ازيك يا عمى ازيك يا سيف وبصت ل رعد وبحنيه ازيك يا رعد
عثمان اهلا
سيف
ازيك يا ريتاج
فيروز اتصدمت وبصت نحيتها جامد
رعد بخبث وهدوء
اهلا يا ريتاج
عثمان وسيف استغربوا طريقه كلامه وهدوئه معاها اول مره يعملها
بس ال كان فاهم ال فى دماغه هو عدى وبيقول فى نفسه ربنا يستر
شريف شاف نظرات ريتاج ل رعد ونظره رعد ليها حب يغيظه
اصلا انا وحبيبتى كنا زهقانين قلنا نطلع نتعشى صح يا جيجى وحضنها من خصرها
ريتاج وبتبص ل رعد اه
رعد كان بيبصلهم بكل هدوء ومعلقش
شريف يلا يا حبييتى بينا بعد اذنكم
ومشيوا
سيف
انسان بارد
عدى
اسواء انسان ممكن تقبله
امينه لدرجه دى
عدى واكتر
رعد
خلاص يا عدى سيبك منه
عثمان
فى حفله بكره عشان الشركه وقعت قعد جديد وكلكم لازم تكونوا موجودين وانت يا رعد انت وعدى لازم تحضروا فاهمين
عدى
ان شاء الله يا عمى
وعدت السهره ولم تخلى من غزل سيف ل جومانا خفت دم جورى ال هيجنن عدى
وهدوء رعد المميت
وسرحان فيروز فى ريتاج وهدوء رعد فى التعامل معاها حساه انه انسان غامض
خلصت السهره وكلهم روحوا وطبعا بدا عثمان وحنان حياتهم
تانى يوم راح رعد شغله وقاعد سرحان فى مكتبه وبيفكر
شويه دخل عدى صباح الخير
رعد
صباح النور
عدى
مالك من امبارح
رعد
بفكر انفذ الخطه من النهارده
عدى
لسه مصمم على ال فى دماغك
رعد
مفيش حل غير ده
استتى ومسك موبيله واتصل
رعد بصوت هادى وحنين
الو صحيتك من النوم
ريتاج بفرحه
لا ابدا متتخيلش مبسوطه قد ايه انك كلمتنى
رعد
كلمتك اطمن عليكى حسيتك مش مبسوطه امبارح
ريتاج
ايوه شريف ضحك عليا ووهمنى انه انسان كويس و٠٠٠
رعد وهو بيضغط على سنانه والضيق ظهر عليه وبصوت يحمل الحده طب سيبك منه دلوقتى
لو حابه نتقابل ونتكلم معنديش مانع
ريتاج بسعاده
طبعا معنديش مشكله
رعد بابتسامه خبيثه
تمام نتغدى سوا النهارده
ريتاج اوك
رعد سلام مؤقت
ريتاج بدلع
سلام
عدى
ايه الاخبار
رعد
هتغدى معاها النهارده هيا مستويه على الاخر وهخليها تنفذ ال انا عوزه على طول
عدى
ربنا معاك طب يلا عشان القائد عوزنا شكل فى عمليه جديده
رعد يلا بينا
فى اوضه القائد اهلا يا وحوش
اهلا يا فندم
القائد
فى مهمه جديده باختصار جتلنا معلومات اكيده ان فى مجموعه ارهابيه هتدخل مصر عن طريق الحدود وهتنفذ عمليات تفجيريه فى شرم الشيخ اثناء مؤتمر السلام ال هيقام هناك بعد اربع ايام
عمليه زى دى فى وقت زى ده يهز وضع مصر منين مصر تكون بلد الامن والامان ومؤتمر بيتكلم على السلام ويحصل عمليات تفجيريه
رعد
متقلقش يا فندم ان شاء الله نسيطر على الموقف
القائد
وانا واثق فيك انت وعدى بكره تسافروا شرم وتأمنو الفندق كويس جدا ال هيقام فيه المؤتمر
رعد وعدى
تمام يا فندم
وطلعوا من عنده راحوا مكتب رعد حطوا خطه مبدائيه وقرروا يسافروا بكره الصبح بدرى
عدى
مش يلا عشان متتأخرش عن ريتاج
رعد
بص فى ساعته يلا هروح اقبلها
فى المطعم رعد قاعد مستنى ريتاج وقاعد بيفكر هيتعامل معاها الفتره ال جايه ازاى
وفجاه ريتاج وصلت وحطت ايديها على كتفه
رعد بابتسامه صفرا اهلا
ريتاج بدلع ازيك
رعد تمام وانتى
ريتاج مش كويسه خالص
رعد ليه بس
ريتاج شريف
رعد بخبث ماله
ريتاج عوزه اطلق منه و٠٠٠٠٠٠٠
يتبع
