اضاءت قلبى بعد ظلمته
بقلمى رباب احمد
الفصل ٢١
دخل شريف وريتاج الفرح وقربوا من رعد وفيروز
ريتاج كانت بتبص ل فيروز بغيره واضحه جدا رغم ان ريتاج كان لبسه فستان يظهر مفاتها عشان تغرى رعد وتحسسه الفرق بينها وبين ال اتجوزها حتى لو على الورق زى ما مفهمها بس اكتشفت قد ايه فيروز جميله جدا وعيونها جذابه بلونها العسلى وحجابها ال زادها رقه وجمال وابتسامتها الهاديه ال بيزينها غمزاتها
قرب شريف من رعد وجمبه ريتاج
مبروك يا رعد
سلم رعد عليه ببرود
الله يبارك فيك
شريف
بقا كده متعزمنيش
رعد
انا بعت دعوه لشغل كله لان الموضوع جه بسرعه
قرب شريف من رعد وقاله بوقاحه بس مراتك حلوه اوى طول عمرك حظك حلو وغمزله وبص على فيروز بشهوه
رعد ضغط على اسنانه وكان جواه غضب يدمر الدنيا وكان عاوز يضرب شريف لحد ما يموت فى ايده ومسك نفسه عشان الفرح ميبوظش
بعد شريف وراح يسلم على فيروز مبروك يا عروسه وبيمد ايده
رعد شد ايده
مش بتسلم على رجاله
فيروز متابعه الموقف ومش مرتاحه خالص ل شريف ومن نظرته ليها ومضايقه جدا من ريتاج وخصوصا من بصتها على رعد
شريف
عادى يا رعد احنا خوات
رعد لا
ريتاج فكرت تنهى الموقف قربت من رعد وسلمت عليه وبركتله وضغطت على ايده وغمزتله وشفتها فيروز وضيقت جدا وكانت عوزه تجبها من شعرها
وقربت ريتاج من فيروز تسلم عليها بكل كبر وغرور وسلمت بطرف ايديها مبروك
فيروز بابتسامه خبيثه
الله يبارك فيكى ومدت ايديها مسكت ايد رعد بتأكدلها انه ملكها وجوزها وبصت ليها بثقه
رعد اتفاجئ من حركه فيروز وفرح جدا وقلبه كان بيدق بجنون من حبها وعقله هيدمره
ريتاج ابتسمت ابتسامه خبيثه وقربت من فيروز وهمستلها فى ودنها
انا عارفه ان جوزكم صفقه وعلى الورق جواز مؤقت لحد ماممتك تعمل العمليه رعد حبيبى قال ليا على كل حاجه
فيروز اتصدمت من كلمها بس حاولت متبينش عشان ريتاج ما تشمتش فيها
ريتاج بصتلها بعد كلمها تشوف تأثيره عليها
فيروز بصتلها بكل ثقه وقالتلها
هنشوف نورتى فرحى
ريتاج اضيقت جدا ان فيروز متأثرتش بكلمها ونزلت هيا وشريف قعدوا على تربيزه بعد ما سلموا على عدى وجورى
وسيف وجومانا
فيروز سحبت ايديها من رعد من غير ما حد يا خد باله وهو اضايق من كده وقعدت تفكر وتقول ل نفسها لدرجه دى انا رخيصه عندك يا رعد تروح تقلها على الاتفاق لدرجه دى لسه بتحبها وانا ال كنت هصرحك بكل حاجه النهارده وافرحك ان جاسر اخويا بس خلاص انت ال ابتديت وان كنت انت رعد فانا عاصفه وهاخد حقى منك انت والحربايه دى ولو مش عوزنى انا كمان مش عوزاك بس لا انا حاسه انك بتحبنى عيونك بتقول كده لازم اعرف الحربايه دى ايه حكايتها واربيك يا رعد قلبى وهكمل العبه
شريف قاعد على التربيزه بيبص بغل ل رعد وبيقول ل نفسه طول عمرك حظك حلو افتكرت لما اخد منك ريتاج هتتقهر لكن اتجوزت ال احسن منها فى كل حاجه شكل واخلاق يا بختك بس هخدها منك هيا كمان انا ال استاهل فيروز دى
على تربيزه امينه وحنان وبيعيطوا من الفرحه
عثمان رحلهم وبابتسامه ممكن افهم بتعيطوا ليه البنات اتجوزوا احلى رجاله ومعانا فى نفس البيت وفى حضنكم كمان يعنى مش هيسبوكوا
امينه
دى دموع الفرح بس خايفه عدى ياخد جورى بعد ما نرجع من السفر
عثمان
ماتخافيش مش هخليه يسبنا عدى زى رعد وسيف بظبط ده انا ال مربيه وبمناسبه السفر هنسافر بعد بكره الصبح
حنان كويس عشان نطمن على امينه على طول ومنتأخرش
امينه
وليه الاستعجال
حنان بعصبيه وخوف عليها
استعجال ايه لازم تعملى العمليه بسرعه فاهمه البنات وخلاص اطمنا عليهم
امينه بابتسامه
براحه طيب هسمع الكلام
عثمان بصحك
لازم حنون تخوفك يعنى
امينه
الله الله حنون
عثمان
طبعا حنون قلبى ربنا عوصنى بيها بعد سنين عجاف
حنان ربنا يخليك ليا
امينه
ربنا يهنيكوا
وخلص الفرح وطلع كل واحد على جناحه
فى جناح سيف وجومانا
سيف
مبروك يا قلبى
جومانا
الله يبارك فيك يا حبيبى
سيف
قولتى ايه
متكسفنيش بقا
لا النهارده مفيش كسوف خالص تعالى نصلى الاول يا عمرى
وصلوا سوا وقرى الدعاء وقامت جومانا غيرت هدومها وخرجت بقميص ابيض يجنن عليها
سيف اول ما شافها اللهم صلى على النبى شكلها ليله زى العسل
بس بقا يا سيفو
سيفو انتى ال جبتيه ل نفسك يا قلب سيفو واخدها فى دوامت عشقه يبث لها حبه وعشقه التحمت قلوبهم وارواحهم واجسادهم لتصبح ملكته للابد اصبحت حرم سيف الريدى
اما المجانين بتوعنا عدى وجورى
عدى
نورتى جناحك يا شابه
جورى بضحك
تسلم يا معلم
عدى بضحك
من قلبه شكلها ليلت معلمين نجيب شيشه
جورى
ياريت صدرى ملبش وعاوز اشرب شيشه هههههههه
عدى خدها فى حضنه ولف بيها
بحب جنونك ده عاوز حياتنا كلها كده معاكى بحس انى لسه مراهق جورى هو فرق السن ال بنا ممكن يديقك فى يوم
جورى حاوطت رقبته وكلمته برقه وهدوء حبيبى سن ايه دول كلهم ١٠ سنين بس وبعدين انت فى عينى اجمل راجل فى الدنيا وال متعرفوش انا عشقتك من اول مره شفتك فيها
عدى
بحد يا قلبى
والله يا حبيبى بجد يلا نصل بقا
واتوضو وصلوا سوا وقرى عدى الدعاء ودخلت غيرت جورى وطلعت بقميص كشمير رقيق جدا
عدى اول ما شفها شكلها ليله لوز العنب
جورى بدلع
كلامك بقا غريب يا بيبى
عدى يلهوى على الدلع وبعدين انا اتعلمت طريقت الكلام منك
تعالى بس اقولك كلمه
جورى بدلع
اكتر تؤ تؤ وطلعت تجرى فى الاوضه
عدى بقا كده ماشى وطلع يجرى وراها لحد ما مسكها وحضنها جامد بحبك يا مجنونه
جورى بهيام
وانا بموت فيك
عدى جبتيه لنفسك استعانا على الشقه بالله
واخدها فى عالمهم المجنون لتصبح زوجته قولا وفعلا
نجى لجوز النكد ال عندنا وال هتبقى ليلتهم زفت زيهم مش يتعلموا من خواتهم
دخل رعد الاوضه وساكت وقعد على الكنبه وجورى دخلت غيرت هدومها من غير كلام لبست بجامه لونها روز حرير رقيقه وجميله جدا وطلعت قعدت على السرير ومكلمتوش
رعد اول ما شافها حس ان قلبه هيقف من كتر الدق من جمالها ورقتها عاوز يروح ياخدها فى حضنه وينام يرتاح من الدوامه ال هو فيها
رعد احم فيروز كنتى قولتلى هنتكلم لما نبقى لوحدنا
كان بسألها على امل ان يكون عندها اى مبرر توضحله ال سمعه وهو هيصدقها على طول عشان يريح عقله بس لان فقد السيطره على قلبه وبقا مجنون بيها
فيروز بخبث
اه عاوز تعرف اسال الهانم خطبتك المصون
رعد
خطيبه مين تقصدى ايه
قربت فيروز منه
حبيبت القلب ريتاج
رعد اول ما قربت منه وشم ريحه عطرها كان هيتجنن ويحضنها بس عقله او شيطانه دايما موقفه
ويمكن لو كان حاضنها فى الوقت ده كانت هتعترفله بكل حاجه ويعيشوا اجمل ليله فى حياتهم
فيروز حست بتأثرها عليه وتأكدت انو بيحبها بس لازم تعرف حكايه ريتاج الاول وتفوقه من ال هو فيه وانو يبطل يشك فيها وانو يعرف انها مختلفه عن ريتاج
رعد رعد
نعم ايه معاكى
فيروز
انت قولت ل ريتاج على اتفقنا ليه مفروض دى حاجه خاصه ولا حضرتك من كتر جريك وراها مبقتش تفكر
رعد بغضب
فيروز الزمى حدودك
انا عارفه حدودى كويس الباقى عليك انت مش عارف حدودك خالص وبتكلم ودموعها نزلت غصب عانها الحمد الله انها قلتلى كل حاجه النهارده قبل ٠٠٠
رعد بلهفه
قبل ايه
فيروز
سبنى يا رعد احنا ما ننفعش ل بعض
عند الكلمه دى ورعد مقدرش يسيطر على نفسه وافتكر انها بتقوله كده عشان جاسر وهيا بتقوله كده عشان يتكلم ويتحرك ويقولها انه بيحبها وميقدرش يبعد عنها
رعد بغضب جامح
قولى كده عاوزه تسبينى عشان حبيب القلب
فيروز
شكلك اتجننت تصبح على خير
وسبته ودخلت تنام وهو فضل واقف فى البلكونه بيفكر فى حياته معاها
اما فى الصعيد
فاضل بتقول ايه اتجوزوا ازاى يا بهايم ولسه جاى تقولى
يا فاضل بيه الموضوع كان سريع والفرح كان فى الفيلا ومعرفتش ال النهارده
طب غور من وشى يا والد المركوب
مصطفى
هنعمل ايه يا بوى
فاضل
مش عارف بس لازم نشوف طريقه تانيه نخلص الموضوع بيها
مصطفى
سبلى الموضوع ده يا بوى وهفكر فى طريقه زينه وهتعجبك وبيقول ل نفسه حتى لو اتجوزتى يا فيروز لازم ادوق القشطه دى
فاضل
ماشى شوف هتعمل ايه
مصطفى
تمام يا بوى ومسيرهم يقعوا تحت ايدينا و٠٠٠٠٠٠٠
يتع
