اضاءت قلبى بعد ظلمته
بقلم رباب احمد
الفصل ٢٠
جاء اليوم المنتظر اليوم الذى سوف يتوج فيه اجمل قصص العشق سيأخد كل حبيب حبيبته يغرقها فى عشقه وتتلاحم ارواحهم قبل اجسادهم هل ستكتمل فرحتهم هم الثلاثه ام القدر له رأى اخر ورعدنا سيصارع قلبه من جديد
صحى رعد اول مره مبسوط لدرجه الجنون بعد ما انتصر قلبه على عقله ولبس ونزل يفطر معاهم وهو مبتسم
صباح الخير
عثمان
صباح النور يا عريس
صباح الخير يا عمتى عامله ايه النهارده
امينه بتعب
الحمدالله رعد خلى بالك من فيروز دى امانه فى رقبتك
رعد بابتسامه
متخافيش يا عمتى فيروز فى قلبى وعنيا
سيف الله يسهلوا
عثمان
خلصتوا الجناح بتاعكم
سيف بمكر
كله تمام الجناح مستنى العروسه بس وبيغمز ل ابوه وعمته وحنان
عثمان بيضحك من قلبه
لما نشوفك هتعمل ايه
سيف
متقلقش يا كبير ابنك اسد
رعد بيخبطه على راسه
هنشوف يا اسد
وشويه جورى وجومانا نزلوا
صباح الخير
سيف وهو هيمان فى جومانا
صباح الفل والورد والياسمين على اجمل عيون
جومانا اتكسف وساكته والكل بيضحك
رعد باستغراب
امال فين فيروز
جورى
نزلت قبلينا
حنان
فيروز فى الجنينه
رعد
طيب انا ريحلها
راح رعد ليها وقرب منها وسمعها بتتكلم فى التلفون
وانت كمان وحشتنى اوى يا جاسر هتجى امتى
جاسر الاسبوع الجاى
فيروز بفرحه
بجد هتجى الاسبوع الجاى ونعيد ايامنا الحلوه تانى
رعد اتصدم ومش قادر يتكلم لتانى مره ينخدع وال يحبها بتخونه وتبيعه ل شخص تانى بس المره دى هو غلط وحكم عليها من غير ما يسألها ويعرف ده مين اتسرع فى حكمه عشان تجربه فاشله عاشها
قرب منها وفيروز شافته وقفلت مع جاسر عشانه وبتبتسم ليه صباح الخير
رعد وغضب الدنيا كله فيه قفلتى ليه كنتى خليكى مع حبيب القلب ال وحشك كلكم زى بعض زباله
فيروز اتصدمت
من كلامه ومش قادره ترد
رعد مكملا حديثه
عارفه لولا عمتى ال جوه دى كنت رميت عليكى اليمين دلوقتى وسابها وخرج بره الفيلا
فيروز دموعها على خدها ومصدومه من كلامه وهو ليه قال كده ومسحت دموعها عشان مامتها متشفهاش وطلعت اوضتها وفضلت تبكى دخلت عليها جورى وجومانا شفوها بتبكى
جورى بخضه
مالك حضل ايه
فيروز بعياط مش عارفه رعد بيعمل معايا كده ليه بعد ما قلت هيعترف بحبى وكان بيعملنى بمنهتى الرقه امبارح النهارده شاتمنى وزعق فيها وكان عاوز يطلقنى لولا تعب ماما
جومانا
طب اهدى وفهمينا حصل ايه لان واحنا نازلين سأل عليكى وكان بيضحك ومبسوط وطلعلك الجنينه
فيروز
ما فيش كنت بضحك وبكلم جاسر وبس
جورى
استنى استنى بقا كده فهمت
فيروز
فهمتى ايه
جورى
طبعا انتى كنتى بتكلمى جاسر بحريه وبتحبوا فى بعض وتدلعوا كالعاده
ايوه وكان زعلان لانه مش هيحضر فرحنا
جومانا
قصدك يا جورى ان رعد فكر ان فيرى بتخونه
جورى
بظبط كده
فيروز
ايه بتقولى ايه لا طبعا
جورى
لا هو كده وواضحه لان رعد مايعرفش ان جاسر اخوكى فى الرضاعه
جومانا
يابنت الايه صح عدى وسيف بس ال عارفين
جورى
يبقى شك من كلامك معاه لان شفته واقف بيسمع وانا راحه اناديكى عشان الفطار وقلت يمكن بيعمل حاجه ويخضك ويهزر معاكى
فيروز
بقا هو كده ماشى انا هوريك يا رعد لسه عاوز درس كمان عشان تفوق من ال انت فيه
جورى
تقصدى ايه
فيروز
رعد شكاك من ال حصله قبل كده وفكر انى زيها لانه قالى كلكم زباله وزى بعض لازم يبطل شك فيا واى حاجه يجى يسألنى عليها ويفهم منى ويتناقش مش يشك فيها لازم يعرف انى بحبه ويثق فى ده وان عمرى ما اجرحه او اخونه
جومانا
الله الله طب هتعملى ايه
فيروز بتفكير
عدى وسيف فين
جورى
تحت فى الجنينه
فيروز
ورعد
خرج شفته طالع من الفيلا
فيروز
طب تعالوا معايا ونزلت ل عدى وسيف
فيروز
سيف عدى
نعم يا قمر وبيبص لجومانا
عدى اؤمر يا جميل وبيغمز ل جورى
جورى وجومانا بيضحكوا جامد
فيروز
بطل سهوكه انت وهو انا ال عوزاكم ونديت عليكم
سيف وعدى هههههههه فى ايه شكلك مش مطمئن
فيروز
رعد بيشك فيا وشتمنى وزعل
عدى
ايه ليه ال حصل
حكتلهم فيروز كل حاجه ومكلمتها مع جاسر وال رعد قلهولها
سيف
فعلا رعد ما يعرفش ان جاسر اخوكم فى الرضاعه
فيروز
ولا عوزاه يعرف
عدى
ليه ما نقله ونخلص
فيروز
لا لازم يفوق من ال هو فيه ويثق فيا واى حاجه يسألنى الاول بدل ما يحكم عليا
سيف بشر
فهمتك وماله نديله درس تانى يفوقه ولا ايه يا عدى
عدى بشر اكبر
وماله رعد ده حبيبى
جورى انتم عملتم زى رايا وسكينه بظبط
الكل ضحك
سيف
طب يلا اطلعوا اجهزوا لان مفيش وقت ونتكلم بعدين
البنات تمام
طلعوا البنات يجهزوا وجات الميك اب ارتست وعملتلهم مكياج هادى جدا برز جمالهم اكتر مع لفت حجاب رقيه فأصبحوا اميرات
عدى
رعد اتأخر اوى يا سيف
برن عليه مش بيرد
شويه لقوا باب الاوضه اتفتح ورعد دخل
سيف بعصبيه
البيه كان فين كل ده حضرتك ناسى ان النهارده فرحك
رعد ببرود حاول يتصنعه
لا منستش وعدينى اخد دش والبس عشان نخلص من اليله الزفت دى
عدى
طب اهدى واجهز على طول لان البنات خلصوا
مردش رعد ودخل ياخد شور ويجهز
عدى
ربنا يعدى النهارده على خير من رعد وفيروز
وجهزوا الشباب الثلاثه ونزلوا يستنوا تحت
طلع عثمان يجيب البنات ويسلمهم ل ازواجهم
بسم الله ماشاء الله زى القمر يا حبيبى
البنات تسلم يا خالو
خالو ايه انتم تقولوا بابا فاهمين واى حد يزعلكم من البقر ال تحت دول تقولولى وانا اجبلكم حقكم
البنات بضحك حاضر يا بابا
طب يلا ال هما على اخرهم تحت
اخد عثمان فيروز اول واحده ونزل بيها على السلم سيف خبط رعد فى ايده رفع عنيه اول ما شافها تنح وفضل ساكت واول مره يحس ان الدموع هتزل من عنيه وفيروز اخدت بالها وهيا مركزه عنيها على عنيه
وصل عثمان ل رعد وسلم عليه وباسه وسلمه فيروز وقاله خلى بالك منها رعد اكتفى بهز راسه ميل رعد عليها وباسها من جبينها وهمس عند ودنها من غير ما يحس بتعملى فيا كده ليه وجعتنى ليه
فيروز حست انها قلبها اتقطع عشانه واخدت قرار انها تفهمه كل حاجه بعد الفرح
واخدها رعد وراحوا على الكوشه
ونزل بعديها عثمان بجومانا
سيف اول ما شافها صلاه النبى احسن شكلها ليله فل
استلمها من ابوه وباسها من خدها وميل عليها وشوشها هتموت النهارده يا جوجو وغمزلها
جومانا اتكسفت ومنطقتش
واخدها وراح الكوشه
اما بقا الشقيه جورى فسابت ايد خالها على السلم ونزله وهيا بترقص فيجو
عدى شافها ضحك ورقص زيها واول ما وصلتله حضنها ولف بيها وهمسلها هتجننى بشقوقتك دى وربنا قتيلك انا النهارده وباسها من شفايفها بوسه رقيقه
عثمان ياواد اتلم انا واقف
عدى
بص يا عمى انا جبت اخرى وبنت اختك جننتنى
واخدها وخرجوا الجنينه مكان الكوشه
طلعت حنان وبتسند امينه ومعاهم عثمان اسلموا عليهم واتصوروا معاهم
وامينه وحنان بيحمدوا ربنا انهم اطمنوا على بناتهم ونزلوا قاعدوا على تربيزه وبيبصوا عليهم بفرحه
شويه واشتغلت الاغنيه الرومنسيه ال هيرقصوا عليها
واخد كل واحد مراته ونزلوا يرقصوا على اغنيه احضنى نفسى اضمك نفسى اكمل العمر جمبك ٠٠٠٠٠
عند سيف وجومانا
بعشقك يا قلبى وعوزك فى حضنى على طول
جومانا
وانا بحبك يا سيف
سيف
يالهوى بقلك ايه ماتجى نطلع اوضتنا اقولك كلمه سر
جومانا
سيف بطل بقا
اما عدى وجورى
بحبك يا مجنونه
جورى بدلع
انا مجنونه زعلانه منك
عدى
مقدرش على زعلك ياجميل
جورى بدلع اكتر
والجميل بيحبك
عدى
يخربيت هتجننى يلا نطلع اوضتنا يهجبولى بوليس الاداب هنا
جورى ا
نت قليل الادب ومش هكلمك
عدى
هههههههه انت لسه شفتى قلت ادب ده انا النهارده احلى جورى هتبقى فحضنى شوفى بقا هعمل ايه
اما عند العشق الذى لم يظهر حتى الان رعد وفيروز
رعد وهو سرحان فى جمالها وعيونها وبيتكلم من غير ما يحس وقلبه بيوجعه اوى
عملتى كده ليه فيا كنت عاوز ابدا من جديد بتوجعينى تانى ليه كل ده والدموع فى عيونه
فيروز حست انو موجوع ومكسور
انا موجعتكش انت ال واجع نفسك صدقنى بعد الفرح هنتكلم سوا
وخلصت الرقصه وقعدوا تانى
شويه ودخل شريف ومعاه ريتاج الفرح و٠٠٠٠٠٠٠٠
يتبع
ياترى ايه ال هيحصل فى الفرح
وسوء التفاهم هيتحل بين رعد وفيروز ولا هيحصل حاجه تنايه تكبر الموضوع اكتر
ياترى فاضل هيخطط ل ايه
