رواية صمتى هو عِشقك

الفصل ال ١١

#صمتى_هو_عِشقك
#بقلم_شهد_طارق ..

الفصل ال ١١ ..

فجأة سمع ارتطام شيء قوى ..

هرول سريعا ليرى ما حدث .. وجدها ممدة على الأرضية و دمائها غارقة أسفلها .. ولا تشعر بشيء ..
وقف مصدموا لعدة ثوان ..

ثم نزل إلى مستواها و اخذها بأحضانه ..

حسام بدموع : سارة حبيبتى مالك .. فوقى والنبى ..

حملها بين يديه وأخذ مفاتيحه ونزل سريعا ..
________________________________
عند قاسم و داليدا ..
بعد وقت كبيررر من مرح العشاق ..

جلسا الاثنين بتعب على الرمال .. وضحكاتهم مستمرة ..

هما الاثنين كان بداخلهم سعادة لا توصف بحروف أو كلمات ..
كان سعادة حقيقية .. سعادة عشاق ..

جاء دورها وجلست امامه بجدية وقالت : قاسم انا ملاحظة انك عايش فى جو كئيب .. لكن انت نفسك مش كئيب على الأقل من ال حكتهولى .. وكمان شكلك مش بتشتغل .. انت ال حاطط نفسك فى جو وحش اوى ..
انت عارف انك كنت بتحب اختك الله يرحمها بس انت عايش ولازم تكمل حياتك .. الحياة لسه طويلة ولسه ياما هتشوف .. مينفعش توقف حياتك بالشكل دة .. أخرج زى ما عملنا انهاردة .. ارجع اشتغل فى الاچنس بتاعك .. حياتك هتفوق واحدة واحدة ..

نظر لها نظرة تحمل الكثير .. عدم تصديق .. عشق .. حب .. امتنان ..

فى هذه اللحظة كم تمنى أن يدخلها بين ضلوعه ويخبرها بعشقه ..

لاحظت تحديقه بها و شروده .. ابتسمت بخجل لا تعرف لماذا ..

امسك بالورقة والقلم ثم كتب ( شكرا لوجودك فى حياتى ) ..

داليدا بإبتسامة عذبة : بتشكرنى ليه .. انا معملتش حاجة ..

( يااااه انتى عملتى حاجات كتير يمكن هى بسيطة فى نظرك بس فى نظرى انا غالية اوى اوى ) ..

لم تجد رد فقالت : تحب نمشي ..

كتب ( لا خلينا قاعدين شوية نشوف الغروب لاخره ) ..

جلست بجانبه بحماس وقالت : ماشي ..

وظلوا ينظرون إلى المنظر البديع الذى من صنع الخالق ..
_______________________________
فى المستشفى ..

يقف أمام غرفة العمليات يبكى مثل الاطفال ..
ف عشقه كانت تنزف بين يديه ..
وهى كل شىء بحياته هى أمه .. شقيقته .. عشقه كل شىء ..

خرج الدكتور ونزع الكمامة من وجهه ..

حسام بدموع و قلق : ها كويسة صح هى كويسة ..

الدكتور : للاسف المدام كام عندها مشكلة فى الرحم كانت المفروض تتعالج قبل الحمل .. المهم  أن للاسف دلوقتى جاتلينا وهى فى حالة اجهاض .. ومتزعلش احمد ربنا من الاشاعات و التحاليل ال عملناها قبل ما نكمل العملية الطفل كان هيجى مشوه أو چيناته مش طبيعية ف احمد ربنا .. الفترة الجاية لازم تحاول بقدر الامكان انك تحسن حالتها النفسية وانشاء الله بعد ما تفوق هتبتدى تاخد أدوية معينة عشان مشكلة الرحم ال عندها ..