رواية صمتى هو عِشقك

الفصل ال ٢٩

#صمتى_هو_عِشقك
#بقلم_شهد_طارق

الفصل ال ٢٩ ..

بعد مرور أسبوع اخر ..

فى المول .. يجلسون على طاولة أمام إحدى المطاعم الشهيرة ..

داليدا : أنا مش مش مصدقة أن فرحنا كلنا مع بعض ..

سلمى : بصراحة اقتراح نور حلو جدا ام فرحنا كلنا يبقى مع بعض ..

نور بغرور مصتنع : عشان تعرفوا بس ..

داليدا بضحك : هههههه ماشي يا ستى ..
بقولكوا انا هروح اظبط شعرى حد يجى معايا ..

نور : تعالى انا جاية معاكى ..

داليدا : تعالى .. اطلبوا انتو الاكل عقبال ما نيجى ..

سلمى و هند : ماشى .. متتأخروش ..

نور : حاضر ..

قاموا هما الاثنان ودلفوا إلى المرحاض ..
ووقفوا امام المرأة ..

نور : متخيلتش أن قاسم ممكن يعشق للدرجة ديه يا داليدا ..

داليدا : القلب يا نور .. القلب منقدرش نتحكم فيه ..

نور : عندك حق .. بقولك انتى مش ملاحظة أن الحمام فاضي مع أن المول زحمة برة ..

داليدا بإستغراب : فعلا عندك حق .. طب يلا انا خلصت ..

نور : يلا ..

ومع اول خطوة للخارج وجدوا من يكمم انفهم .. ظلوا يحاولون المقاومة ..
ولكن دون فائدة حتى تسرب إليهم مفعول المخدر وذهبوا إلى عالم آخر ..

وأخذهم اثنين زو بنية قوية إلى باب الطواريء ..
ودلفوا للخارج .. واستقلوا سيارة من الواضح أنها كانت تنتظرهم ..

وامسك بالهاتف وقال شيء واحد : حصل يا باشا ..
__________________________________
فى الاچنس ..

كان يقف مع إحدى العاملين يناقشه فى شىء ما ..
حتى رأي شخص ما ..

قاسم : طب روح اعمل ال قولتلك عليه ..

والتفت ..

قاسم بترحيب : اهلا اهلا .. صقر باشا وشهد هانم ..

( صقر المنياوى و شهد طارق ابطال رواية عشق الصقر ) ..

دخلوا إلى الاچنس وهى بين أحضانه ..

صقر : اهلا بيك يا قاسم اخبارك ..

قاسم : تمام الحمد لله .. احب اقولك أن حلقة امبارح كانت فى قمة الروعة ..

شهد : ميرسي يا قاسم دة من ذوقك .. قولى انت مش هتتجوز ولا ايه ..

قاسم بإبتسامة : فرحة بعد اسبوعين انشاء الله وانتو اول المعازيم طبعا ..

شهد بخبث : قولى حلوة ..

قاسم : ديه قمر ..

همس صقر ل شهد وقال : اتهدى شوية ..