رواية صمتى هو عِشقك

الفصل الثامن

#صمتى_هو_عِشقك
#بقلم_شهد_طارق

الفصل الثامن ..

فى صباح يوم جديد ..

يستيقظ حسام ولم يجد سارة بجانبه ليقوم مفزوع و يبدأ فى البحث عنها ..

يجدها فى المطبخ واقفة بتحضر الفطار ..

حسام : صباح الخير يا حبيبتى ..

بصت له بنظرة لوم وعتاب وقالت بجمود : صباح النور ..

حسام بأسف : سارة انا ..

وقاطعته وقالت : الفطار اهو .. انا داخلة اكمل نوم ..

فهم انها زعلانة منه .. وقررت تعاقبه بطريقتها .. سارة عمرها ما عاتبت حسام على حاجة .. لكن بتعاقبه بالتجاهل والجمود ..

اعد عشان يفطر .. مقدرش لانه حب عمره زعلانة منه .. زفر بضيق ..
وغير هدومه بسرعة وهى بتمثل انها نايمة ونزل عشان يروح الاچنس ..
________________________________
فى بيت داليدا ..

داليدا منامتش طول الليل ..
اد ايه قلبها وجعها من ال سمعته من قاسم امبارح ..
عمرها ما قلبها وجعها على حد كدة ..
بس كمان قلبها وجعها لكن قلبها بردوا كان بيدق جامد اوى ..

طول ما هى كانت قاعدة جمبه امبارح كان نفسها تاخده فى حضنها وتقوله انا جمبك متخافش ..

أطلقت تنهيدة عميقة وقالت بداخلها : شكلى حبيتك ولا ايه يا قاسم ..

ودخلت نامت نوم عميق ..
_______________________________
وبعد كام ساعة ..

فى فيلا قاسم ..

قاسم عمال يلف فى اوضته ومتنرفز لاول مرة ..

دخلت مامته عليه وشافته بالحالة ديه ..
قربت منه ..

زينب باستغراب : مالك يا قاسم ..

عملها اشارات وهى فهمت أنه بيسألها عن داليدا ..

زينب : انت بتسأل عن داليدا ..

هز رأسه بقوة بمعنى اه ..

زينب : معرفش والله يا حبيبى .. معرفش ايه ال آخرها ..

جاب ورقة وكتب ( طب اتصلي بيها شوفيها مجتش ليه )..

زينب باستغراب : حاضر ..

نزلت تحت وجابت تليفونها واتصلت على داليدا ..
لكن طبعا داليدا نايمة ومردتش ..

زينب : ياربى اعمل ايه طيب .. طب اتصل على مين .. أيوة أيوة .. اتصل على سعاد ..

وبعد دقائق ردت سعاد ...

زينب : اذيك يا سعاد عاملة ايه ..

سعاد : الحمد لله يا حبيبتى انتى عاملة ايه وقاسم عامل ايه ..

زينب : كويسين الحمد لله يا حبيبتى .. بقولك يا سعاد هى داليدا مش عندك فى السنتر ..

سعاد : لا والله يا زينب .. داليدا مجتش انهاردة ..
فى حاجة ..