رواية صمتى هو عِشقك

الفصل ال ١٥

الفصل اهو يا قمرات بس عايزة فوت كتيرر اوى ورأيكم طبعااا ...

#صمتى_هو_عِشقك
#بقلم_شهد_طارق

الفصل ال ١٥ ..

فى منزل مروان ..

تدخل والدته عليه وتحاول افاقته ..

_ مروان مروان يا حبيبى قوم يلا عشان متتأخرش على شغلك ..

مروان بنوم : صباح الخير يا ست الكل ..

_ صلاح النور يا حبيبى يلا قوم عشان متتأخرش ..

مروان : حاضر ..

قام من فراشه ثم اخذ دش لكى يفيق ..
ثم ارتدى الزى الخاص بعمله وأخذ سلاحه ..
وخرج من غرفته ..

_ يلا يا مروان تعالى كل الساندويتش دة ..

اخذ الساندويتش من سد والدته ثم قبلها وقال : تسلم ايدك يا ست الكل ..

_ تسلم من كل شر يا حبيبى .. شكلك فرحان يا مروان ..

مروان بسعادة : فوق ما تتخيلى يا امى ..

_ ربنا يخليكوا لبعض يارب ..

مروان داعيا : يارب يا امى .. يلا انا نازل ..

_ ربنا يكفيك شر الطريق يا حبيبى ..

مروان : يارب سلام عليكم ..

ونزل .. خرج من منزله واستقل سيارته وتوجه الى منزل عشقه ..

فى الطريق ..

........... فلااااااااش باااااااااك ........

صعد الى منزل عشقه هو و والدته وبعد السلامات ..

كانوا فى غرفة الصالون ..

مروان : احم .. عمى أنا مروان عامر السيوفى .. مقدم شرطة .. عندى ٣٠ سنة وجار انا و والدتى انهاردة نطلب ايد الآنسة سلمى ..

والدها : والله شكلكم محترم ما شاء الله ..
بردوا معرف رأى العروسة ..

وجه نظره لوالدة سلمى وقال : نادى سلمى ..

دخلت سلمى وهى فى قمة خجلها و كانت مثل القمر فى ليلة اكتماله ..
كانت ترتدى الفستان التى تعشقه وهو الفستان البنفسج المنقوش ب زهرة عباد الشمس ..
و وجنتيها حمرواتان من خجلها ف أعطاها مظهر أكثر إثارة ..

نظرت له بكل اعجاب فكان يرتدى بدلة من اللون الاسود وقميص اسود ولكنه أعطى له جاذبية فوق جاذبيته ووسامته المعتادة ..

دخلت وجلست بجانب والدها ..

والدها : ها ايه رأيك يا سلمى ..

نظرت إلى أسفل بخجل وقالت : ال تشوفه يا بابا ..

همس فى أذنها وقال : خلاص أقوله مش موافق ..

رفعت رأسها سريعا وقالت : لا طبعا موافقة ..

ضحك الجميع عليها و اخفضت رأسها بحرج ..