رواية صمتى هو عِشقك

الفصل ال ٢٥

#صمتى_هو_عِشقك
#بقلم_شهد_طارق

الفصل ال ٢٥ ..

التف للجميع وكانت الصدمة الكبرى لداليدا ..

همست بصدمة : قاسم .. مش معقول ..

ذهب إلى جزء من المنصة وتحدث بالميكرفون ..

قاسم : اهلا بكل الحاضرين .. بشكركم انكم لبيتوا دعوة حضور اول حفلة ليا ..
احب اعرفكم انا قاسم المنشاوى واحد عادى جداا اتعلم البيانو على ايد محترفة بالنسبالى .. والحقيقة أنها تعبت معايا جداا أن قبل شهرين تقريبا مكنتش بتكلم وكنت بسمع ضعيف .. وهى أصرت تعلمنى وبقيت زى ما انتو شايفين ادامكم انهاردة ..
وديه حكايتى مع البيانو ..
دلوقتى عايزة أرحب بضيوف شرف الحفلة ..
أ / ___
أ / ___
... داليدا محمد السيد ..
نظر للاسم بصدمة وصدمته أكثر بعد نطقه ..

أما هى كانت بعالم اخر .. ما هذا .. كيف يتحدث .. ماذا حدث .. كيف ..

كانت فى حالة من الصدمة من كل شىء ..

لاحظ حمزة شرودها بشدة فقال : داليدا .. داليدا مالك ..

فاقت من شرودها وقالت : ها .. ايه فى حاجة ..

حمزة : انتى فيكى حاجة ..

داليدا : لا لا انا كويسة .. يلا الناس بتمشي ..

بعد إلقاء كلمته وانهاء تحيته نزل من على المسرح سريعا وذهب إليها وهى تغادر ..

قاسم : داليدا ..

أغمضت عينيها بشدة .. كم عشقت صوته من اللحظة الأولى .. ولكن ..

التفت لها وقالت بهدوء : قاسم .. اذيك ..

اقترب منها أكثر وقال : وحشتينى ..

تجاهلت كلمته تماما ..

وآتى حمزة بجانبها وقبل أن ينطق ..

داليدا بفخر : انا كويسة الحمد لله .. المهم اعرفك حمزة زاهر المنياوى اكبر رجل اعمال فى باريس و خطيبى ..

وقعت الصدمة على كلاهما .. قاسم ثم حمزة ..

قاسم بوجع : خطيبك ..

داليدا : اها .. مبروك على الحفلة عزفك رائع مكنتش اعرف انك هتطلع شاطر اووى كدة .. مبروك يا قاسم بيه .. عن اذنك ..

وخرجوا أمامه وهو لم يلتفت من صدمته ..

هرول عليه حسام بعد أن سمع كل شىء ..

حسام مطمئنا : قاسم فوق يا قاسم ..

قاسم بشرود : خلاص ضاعت منى ..

حسام : لا مضاعتش ولا حاجة اهدا ..
________________________________
فى السيارة ..

تنظر للطريق بتوهان ودموعها تنهمر بصمت ..

حمزة : ممكن اعرف ايه الحصل هناك دة ..

داليدا بصوت مبحوح : مش عايزة اتكلم ..