امي والزمن 💔

البارت الاول

@قــصــهّ بــعــنــوٌآن@

أمـــــــي وٌآلَزِّمــــن@

البــآرت آلَأوٌلَ♥@

بدايه الحكايه عن الأم وأولادها وبناتها وما مر به الزمن مو قسوه هل ياتره هذه الأم جديره بأن تصبر و تتحمل كل ماتمر به من أجل رؤية أولادها بخير قصه تحكى عن قصه واقعيه وحقيقيه بقلم الكاتبه ✍🏻،،نور الهدى♥ـ

" ‏يكفـي أن تـدعـو لي أمي، لأحسّ أنني محميّ من كـل ســوء.."

قبلَ حلَوٌهّ آلَلَيآلَي لَمَهِ    چنهّ🌹
َّسوِهِ وِلَوِ ردِنِهِ نِأّګلَ لَمَهِ جِنِهِ🌹
أّلََّسعٌدِ بِريِّرګ َّسعٌدِنِهِ لَمَهِ جِنِهِ🌹
كـسر عٌوِدِهِ وِخَذّأّهِ مَنِ بِيِّنِ أيِّدِيِّهِ🌹

حجيه زكيه :  ولكم وين ؛ترحون اليوم عل فعلتكم خل يجي وهوا يتصرف وياكم

ياسمين :  يمه رحمه لأهلج ماتشوفينه شلون محتارين هوا هذا لشي بيدنه صار وخلاص

حجيه زكيه: هوا أنتو لو دايرين  بال  وعلكيفكم جان ماصار هيج    توه جديد حت ماصارله شهر

عصام : هسه يمه احنه كسرناه ونتحمل المسؤليه بس شنو أنظل واگفين هيج أتحركن لايجي أبويه يشوفكم بهل حاله نروح بيهه وصيحو للولد ويانه

حجيه زكيه: اي ولو شلتو وضميتو حسبالكم أتسلمون من العقاب

مرام : يمه كافي ملامه وشوفيلنه جاره كمت أرجف أخاف من أبوي لايجي عل غفله ويشوفنه كمت أصيح لأخواني ولك نزار  علي حسن وينكم  تعالو شيلو ويانه

كميله :  انتن أتسون السوايه وصحتن لحكونه غير اتكعدن وتسكتن صياحكم واصل للشارع هسه تجي جميله وجنات ونشيله

مرام: بسرعه صيحيلهم خل نصعده فوك ،،،،

أني أسمي ياسمين من مواليد68 أني بشرتي خمريه الشعر أسود سرح يرفرف وطولي حلو  هنا عمري 13سنه بس شبابي حلو  والبنات بسع يكبرون عل كولتهم المهم
عندي 6 خوات واني السابعه سبع بنات عشره واگول گليلات هاي امي تكولها ألنه احب اسمعها منهه و عندي 6 اخوان  أميّ أمرأه طايعه زوجهه وعلى الحلوه ولمره وياه مَأّيِّوِمَ شٍګتّ مَنِ شٍيِّ متحمله أهواي شغلات في سبيل انو هيه أّتّحٌبِه وتحترمه وهوا كذالك يحبهه  وعايشين تحت رحمة الله  أبويه رجل ذات شخصيه جميله الكل يحترمه  ويهابه عصبي بس على حق  حقاني  وطوله هيبه وبياضه ناصع والعيون لونهم أزرق  وأمي شكلهه ناعمه وحنطيه وملامح وجهه حلوه و تنحب  فقيره ماتدخل بأحد أهم شي بيتهه وجهالهه

نجي لأختي الجبيره أسمهه كميله العيون ملونه عسلي وبيضه ماخذ ملامح من ابويه
نجي لأخويه الجبير 
  أسمه عصام اسمراني طوله وسط لاطويل كلش ولا قصير  وشخصيته حلوه   واخواني الباقين نزار طويل وشعره اسود وبشرته حنطيه  وحسن طوله متوسط وبشرته كذالك حنطيه  وجمال ماخذ اهواي من ابويه يعني العيون لونهم ازرق فاتح وبياض وجهه الابتسامه مالته وطوله وشخصية حلوه  وعلي اسمر وقصير ملامح وجهه ناعمه وهادئ  ونجي للتوئم الأزغر أحمد ومحمد هذول كلش يتشابهون وحلوين مانعرفهم عد الشامه أبوجه محمد نميزه من خلالها بس يبقى احلا واحد بيهم جمال لأن بيه شبه لأبويه بكلشي 
وصديق أبويه رايحه والجايه يحجيهه ألهه
لذالك يحبه اكثر واحد لان مايضم عنه شي،،
  وتالي البنات مرام شكلهه ناعمه ملامح وجهه حلوه وبشرتهه حنطيه و دمهه عسل  وجنات الشعر اسود حلو يميزها عن باقي خواتي  احنه قسم طالعين عل ابويه وقسم طالعين عل ماما يعني مانريد نزعل واحد منهم ههههه وراهن اني ياسمين ورايه من البنات جميله  بيضه العيون ملونه لونهم ازرق فاتح  وصفا بشرتهه خمريه  العيون اخضر فاتح  وأخر العنقود من البنات .اسمهه نادره  بيضه وقصيره قزومه  احنه بيتنه في منطقة حلوه جدآ في البصره  بيت حلو جبير بيه حديقه وسدر نبك وبط ودجاج وماما معتنيه بيهم اخواني يحبون البط واكثر واحد بيهم. أخويه علي يشتري بط ويعتني بيهم واكو مكان الهم  حوض جبير بالحديقه  يسبحن بيه حلو منضرهن وهنه يسبحن نتونس عليهن اكو غرف بالبيت للبنات وللولد وحوش داخل البيت جبير وموزع عل الغرف ودرج داخل البيت من خلاله نصعد للسطح يامحله السطح گظينه أحلا أيام عمرنه بيه نكعد نسولف ونضحك ووقت النوم انذب فرشنه ونام على  الهوى العذب والهوى  ليرد الروح،،،