أمــي وآلَزمــــن
للكــآتــبــهّ نــوٌر آلــــهدى
آلبـآرت آلحادي عــشــر ♥
إليك يا من أحبك القلب
إليك يا من إحتوتك العيون
إليك يا من أعيش لأجله
إليك يا من طيفك يلاحقني
إليك يا من أرى صورتك في كل مكان
في كتبي .. في أحلامي .. في صحوتي
إليك يا من يرتعش كياني
من شدة الشوق إلى رؤياك
فقط عند ذكر إسمك احبك
ياسمين : باس ابويه وطلع واني جنت واگفه واسمع الحجي وسمعت ابوي يحجي وياه على مواليده بس كلش انقهرت بوگتهه وظليت افكر برضا واندعيله الله يحفظه من كل شرر
وره كم يووم قررنه نطلع اني وامي للعشار يم عبد الله أبن علي نشتري ملابس لان مابقه شي عل زواجي وأبويه هوا ياخذنه علىمود نشتري الذهب
هنا اجت جنات
جنات : عفيه حبابات يمه ياسمين اريد أروح وياكم والله ضايجه ومخنوكه حيل من البيت
ياسمين : جنات والله علواه اني ابدي ترحين تغيرين جو وهم نتونس ونكعد نختار بلملابس وامي تقبل ماتكول شي
جنات : ها خوش خلي اكوم أبدل واروح وياكم راح البس البدله الصفره وبيها ورد ابيض شتكولين
ياسمين : اي لبسي حلوه هاي البدله عليج بس استعجلي هسه يجي ابويه لانتأخر
جنات : ماشي ماشي راح ابدل كمت ركض بدلت ورفعت شعري سويته ذيل حصان شعري مو سرح كلش نفس ياسمين لا اني بيه رده لبست وحطيت عطر حلوه ريحته اتخبل ولبست العبايه وكفت يم امي وياسمين اجه ابويه وشافني وعاااط كمزت منه
حجي عوده : ها جنات شتصخمين أمبدله ورايحه ويانه
جنات : كمت ارجف كلت بس لا مايخليني اروح اموت روحي غير مااعول اطلع اشم هوا الله
حجيه زكيه : ابو عصام لاتعصب خليهه اتروح خطيه ماتتطلع
ياسمين : اي يابه عفيه اريدها تروح وياي
حجي عوده : انتي شنو قابل رايحه تتونسين نشتريلج ملابس ونرجع جنات تعاي يمي
جنات : ها يابه اجيت رحت ارجف وكفت يمه
حجي عوده : ها جنينه راشه عطر ولج شلون اترشين عطر ولج تردين ترحين وتمشين ويشم ريحتج الأجنبي يلا دخلي لااااااااكسر راسج ماكو طلعه
جنات : بسرعه حصرتني الدمعه اهووووو ياأجنبي هذا وبعدين ماراشه واجد حباب بويه خليني اروح كمت ابجي
حجي عوده : كتلج ماكو طلعه يعني ماكو وطبين وتكعدين يم خواتج احسلج رايحين احنه مانطول
جنات : كمت ابجي دخلت نزعت ملابسي رجعت عل ملابس البيت وهما راحو واني مقهوره حيل من تصرف ابويه مره بحياتي اريد اطلع يعرضلي ويسدها بوجهي يلا بويه مقبوله منك عكب حجايتك ماكو حجايه النه
أنت تقرأ
امي والزمن 💔
Ficção Geral🌸 استفد من جميع الناس ، الكبير والصغير ، العالم والجاهل ، ولا تحتقر رأي أحد مهما كان ، فقد يكون لديه من سداد الرأي ما يفوق تصورك. 🕊🌺
