أمــي وآلَزمــــن
للكــآتــبــهّ نــوٌر آلــــهدى #
آلبـآرت آلرابع عــشــر ♥
أنتِ أحبُّ من نَفسي لنفسي
وأنتِ أعزُّ من هَامِي لرأسي
وأنتِ لي السما، والأُفق، والغيما
انتِ، والأنوارَ ، بل ضوئي وشَمسي
مقامك خافقي ، ومَداكِ عيني
وحُبكِ حاضري ، وغَدي، وأمسي
أحبكِ ، لو همستُ ببعضِ حُبي
لخَرَّ الكونُ مُنكفئاً لهَمسي
وأعشَقُ فيكِ ما تَدرين أنت
وما يَخفى على نظَري وحَدْسي
أحبك كُل نبضٍ في دمي ، يرجو
كِ أن تستوطني في ذاتِ حِسي
وأَن تُلقي بظلك في حياتي
لتستفيي به رُوحي ونَفسي
دَعِيني فيك أصطنعُ انتصاري
على قَدري وآلامي ونحسي
ففي عينيك آمالي ويأسي
وفي شَفتيكِ راحاتي وتَعسي
أُحبكِ ما علمتِ ، وما لم تعلمي
من غيبهِ إلا ابتساماتي ويأسي ( كميله وكريم )
ياسمين : الأهم وليريحني الكل يحبني ويحترمني وظلينه نسوولف ونصنف ونضحك اني واختي وامنه وهيه تباوع ماعاجبهه حجينه واحنه نسوولف وخلصنه غده وشلنه الصحون وغسلناهم ونظفنه المطبخ اني واختي وأمنه وذيج هنوده اختها مكتره روحها عفتها مااهتميت وره شويه راحو أهلي وبقى مكانهم فارغ دمعت عيوني راح أشتاقلهم
كميله : اني كميله أكبر وحده أبنات أبو عصام وره زواجي بدت حياتي تستقر يوم بعد يوم لحد ماصار الجيش وحرب ايران كلبت الموازين ناس متشرده وناس ماتت أرجعلكم
قبل زواجي جنت ادرس ومتفوقه واشطر وحده وأبويه لبسنا عبايه أني ومرام وياسمين مرت الأيام وأني امشي راجعه لطريقي للبيت لاحظة شاب من منطقتنه أجوارينه يصير وبيتهم بصف بيتنه كلش وهم أعرف اسمه عن طريق أخواني دائمن يحجون بيهم أسمه كمال واكف يباوعلي ويمشي بكل خطوه أخطيها كمت أرتبك منه و امشي سريع أريد بس أوصل للبيت وصلت للبيت وكلبي يدك دكات سريعه اكول بنفسي يا شبيه اني صرت صفره دخلت غسلت وبدلت وبده عقلي مشوش ياترى ليش يراقبني ويتبع خطواتي وقبل يوم هم شفته ضحكت كلت يااا بس لا يحبني تالي كلت لا اصحي عل روحج كميله ياحب ياخرابيط حت ابويه يكسر العصه عل راسج مرت الأيام اروح وارجع وأشوفه شاب مرتب وشخصيه ضليت افكر بيه ليش ينتظر طلعتي من الدوام وحتى بس يشوفني مرت الأيام وأمشي بدربي وأشوف شاب ثاني كلت يا هذا منين بعد مااعرفه هم أجوارينه نظراته تتخطف عليه أكول بكلبي شنو بس أني امشي بالطريق
ياااعابت شبيهم راح ياكلوني بعيونهم صح أني حلوه وأشطر البنات وهادئه كلنه تربينه عل هذا لطريق لبسنه محشوم وساترين نفسنه ونمشي برزانه وأدب بنات حجي أبو عصام ينضرب بيهن المثل بلأدب والأخلاق وره يوم راجعه تعبانه صبو الغده وكملنه والعصر أندكت الباب طلعت امي تفتحلهم أشوف نسوان دخلو دخلتهم امي للدوانيه وكعدو يسولفون
رحت يم خواتي اريد اعرف الموضوع
كميله : بنات شنو ومنو هذول النسوان
مرام : عيني كموله جايين يخطبونج يلا نهلهل
كميله : لا صدك أوكفي شنو اتهلهلين غير أفتهم السالفه شنو هذوله الناس ومنين وامس هم أجو غيرهم
مرام : خيه اجوارينه بيت أبو كمال وأمس هم أجو اجوارينه غيرهم الفرع الثاني هم خطابه
عليج واحد داز مرت أخو واحد داز اخته الظاهر ميتين عليج وعل جمالج من هيج كل شويه دزو وحده. جان اطكني عل راسي عل كيف شبيج قابل جاي أكذب هههههه
ياسمين : ههههه يمكن هذا تحدي خلي نشوف منو يربح بكموله مبينين هذول الشباب عاجبتهم اختي كموله و يدرون بيها الجبيره والشاطره
مرام : اي ولج خلي نركض نشوف ونسمع الأخبار رحنه ركض يم الدوانيه وعفنه كميله حاطه أيدها عل خدها وتفكر
حجيه زكيه : هله وميت هله بأم كمال
عيني زارتنه البركه
أم كمال : هله بيج خيه أم عصام والله جايين نخطب بتكم لأبني كمال
حجيه زكيه : انشالله خيه أنطي كلمه لأبو عصام وأبلغه وانشالله اردلكم خبر
وره مااجه أبويه من الدوام اتعشه وارتاح
دخلت أمي للغرفه وفتحت الموضوع وياه
حجيه زكيه : أبو عصام اليوم جوارينه اجو خطابه عل كميله
حجي عوده : شنو هاي بنفس اللحضه اثنينهم اجوارينه طلبوها
حجيه زكيه : اي اثنينهم
حجي عوده : تعرفين بيت أبو كمال خوش ناس يمكن انطيهه لكمال لان ابحده وموعائله هواي وامهم فقيره
من سمعت كميله رد مي وجههه نشنشت احنه طبعا وشي اكيد حاطين ذاناتنا ونسمع الهم ولحجيهم
حجي عوده : ام عصام رايح أنام والله كريم منا لباجر
مرام : كميله ولج كون يقبل ابوي وانتي تتزوجين يمنا
كميله : بعد بكيف ابويه راسمه عل وجهي أبتسامة خجل وكل شويه وحده تذب كلمه ولايكعدن راحه صار الصبح واحنه كاعدين هم نتاني شنو قرر الوالد اشوفه بدل ملابس البيت ولبس الجفيه والعكال
حجيه زكيه : خير ابوعصام وين رايح
حجي عوده : رايح لاخوي الجبير جواد استشيره وهم عنده ولد يجوز يريدها لابنه
حجيه زكيه : من هذاك اليوم ولهذا ليوم ماشفت جواد وأولاده اجونه وكالو عمي نزوره نشوفه شمحتاج مامحتاج انوب يردون بنتك
حجي عوده : لازم اروح هسه يكول اخوي خلاني وراه ضهره وماكلي بعد انتي تعرفين الحجي اشكال والوان
يلا رايح الله وياكم ركب بايسكله وراح
واحنه بدت النقاشات تاكل بينه كل وحده ألها رأي
وحده تكول اكيد هسه يكلوله مانريدها انطيها ومشي قسمتها
وحده تكول لايجوز يردوها وين يلكون مثل كميله احنه كريم ابن عمنا خوش ولد مؤدب ومرتب وماتطلع العيبه منه وحلو بس مايجينه بس اخوه الجبير جابر يجي لابوي بالمناسبات قليله جياته كلش وهو متزوج وعده. ولد وبنات ماشاء الله
ومانعرف عن كريم شي سوى ابن عمنا وبس
وانتظرنا على نار وخصوصا كميله ضاله حايره وخايفه وتتصفن لان ماتعرف ابن عمي شنو أطباعه وأبويه تغده يم اخوه وضل للعصر
يلا اجه بس دخل للبيت كلنا صرنا بالانذار وكفنه عل صفحه
مرام : يابه الله يساعدك
ياسمين : الله يساعدك يابه
كمليه : هلا بيك بويه
حجي عوده : الله يساعدجن بويه
حجيه زكيه : تاخرت ابوعصام
حجي عوده : اي مقبلو أضل وجلبو بيه الا أتغده
حجيه زكيه : اي وشصار بموضوع كميله
حجي عوده : فد شويه ارتاح واحجيلج
واحنه كاعدين على اعصابنا ننتضر على نار
وحجه ابويه وكال
حجي عوده : الجماعه يردونهه لابنهم كريم
مرام : أباوع لكميله مثل الصاعقه الخبر نزل عليها
احس بيها مثل الضاجت كلت بويه شلون مو احنه مانعرف ابن عمنا
حجي عوده : بعد اخوي جواد حجه وياي وكال خليها النا لبنيه نريدها لأبني كريم وانه كتله تم يعني تم و الأسبوع الجاي الخطبه
ياسمين : اباوع عل كميله ضاجت وتفرك بأيديها من التوتر
كميله : الولد مااعرفه وبيتهم هم بعيد شلون بويه هيج بسرعه تريد تنطيني
حجي عوده : لابويه مو بسرعه تعرفين معزتج عندي بس أبن عمج هذا اعرفه وانطيج أله وانه مغمض
جنات : هسه شوفي ابن عمج وهم يمدحون بيه وبأخلاقه مو مهم بيتهم بعيد اباوع أبويه كام من يمنه راح لغرفته
مرام : أكلج كموله بفتره الخطوبه بلكي يصير انجذاب حب رررومانسيه وتكومين تتعلقين بي
كميله : اسكتي مرام ياحب يارومانسيه يابطيخ شتحجين أنتي واني ماأعرف عنه شي وحت شكله ماشايفته
حجيه زكيه : بس يمه انه الاعرفه عن كريم حباب واخلاقه ينحلف بيها بلكي يصير يايمه من نصيبج وانتي هم فكري بيها زين ماكو احسن من ابن عمج وادري بيج مااكسرين كلمة أبوج وتفشلينه كدام أخوه
كميله : لايمه يهو يكدر يكسر كلمة أبوي يعني لو كال هذا الشي يصير يعني يصير واني موافقه لخاطيركم ولخاطر أبوي
حجيه زكيه : عفيه بنيتي انشالله اشوفج احلا عروس مر الاسبوع بسرعه واجت العشيرتين ماشاء الله عشيرتنه وعشيرة ام كريم يعني خوالهم ماشاء الله اذبون الملح ميطيح بالكاع وعقد السيد وقبل بأيامنه ماكو تأجير وصالونات حي الله بدله تلبسها العروس وتكعد
دخلت امه حبايبها يهلهلن وطشن الجكليت
وأشكال الهوسات وهما هواي خوش حفله صارت تالي دخل كريم على كميله واجه سلم عليهه وكعد يمها شويه وراح
كالت مرت اخوه ألي هيه المسؤله عن مشتره النيشان وباقي الاغراض
باجر ناخذج نشتريلج أللي نفسج بي اني مرت الغالي جابر بس اشري وطلبي
مرام : نباوع لكميله ماشاء الله جمال ماكو هيج اخدودها وردو من الخجل فزادها جمال على جمالهه كمنا نوزع الشربت والكيك على الناس وفرحانين كلش لان اختنا الجبيره انخطبت وراح تتزوج وكام يجي كريم وياخذها تروح وياه تشتري الذهب وشترولها ملابس وشغلات العروس كلهن وتعودت على كريم نحس بيها فرحانه ومن نشوفها تضحك كلش نفرحلهه وتقربو من بعض بفتره الخطوبه واحد فهم الثاني لان هو طيب وهيه هم فقيره وطيبه الحمدلله توالمو وحددو موعد الزواج وجابولها.بدله واجت وحده من كرايبهم تمكيج كميله وهي منا حلوه طلعت تخبل
واجت الزفه بس شلون زفه ماشاء الله محد ضال ابيته ههههه كلها تروش بالعرس 20 سياره ماتكفيهم ودخل عمي عليها هو كريم كوموها وطلعت من بيت بثوب الأبيض عسا حياتها كله سعاده كميله شالت البيت وراحت لان هي العقل المدبر وكلنا نخاف منها ونحسبلها الف حساب وابوي ابد مامد فد يوم ايده عليهه ويحترم رأيهه بالصغيره والجبيره وهيه متفوقه من جانت بالخامس اعدادي وشاطره نار. والمدرسات يموتن عليهه يكلولها هم جمال وهم اخلاق وادب وشاطره لهذا يحبنهه بس ابويه ماقبل تكمل كلها بعد هاي قسمتج واجت بعد شلج بالمدرسه
وصلت الزفه واحنه وياهم لان بيت عمي موغربه
بدلنه ورحنه وياهم وشلون سووعرس كلها الناس تحجي بيه لان ناسهم هواي وخواله هواي واولادهم ونسوانهم وهمه من الأرياف ودخلوها بالهوسات ساعه كامله ياله خلصو بس حلو يونسون والرياجيل هم ماقصرو هوسات ورمي علك الطلق للستار طببوها بلصلوات وذبحو ذبيحه على رجلها وكعدناها بلهفه البيت جان جبير واحنه يمها مافاركناها ونشوفها تبتسم بس خايفه
صبو العشا واتعشو الناس وكالو راح يزفونهم وضلت كميله تفرك ايديها والسوارات السته بايدها يشعن عليها و النسوان مكابلاتها وكاعدات صافنات عليها كلنهه لكموله باعي حقهن ماشايفات جمال وحدتهن جنها عتوي وهيه كموله تضحك تكول شني اني تلفزيون وصافنات بوجهي ضحكنا وياها وكالن النسوان دخلوها بغرفتها غرفتها كلش حلوه اخشاب نجاره قويه والفرشه بيضه مطرزه بنمنم وخيوط لملعه تجذب النظر
ياسمين : بالعافيه عليج كموله حبيبتي
مرام : الف مبروك ياكمر مهنايه شايفه كل الخير
جميله : الف مبروك حبيبتي
جنات : افكر شلون نرجع وانتي ماكو بالبيت انتي شمعة بيتنه كموله الله يسعدج تستاهلين اكثر
صفا : هله هله باع الغرفه تجنن مبرووك كموله
كميله : يوم الألجن حبيباتي ودخلت امه طبعا امه أم جابر كلش طيبه مره جبيره
حجيه أم جابر : يلا يمه عدلتن اختجن يله طلعن الولد بالباب راح يدخل كنالها ماشي طالعين امي شاورت كميله
حجيه زكيه : كميله صيري سباعيه يمه وطيعي رجلج بكل شي وبوسناها وطلعنه وجابو كريم بس شكد شباب وراه العشيره كلها وهوسات حلوه تخبل بالباب وتالي دفعوه استلمه النسوان هم هوسات وردح خوش يردحن ولا يتعبن ولا يملن المسعدات وهلاهل ونوب دخلوه على مرته
مرام : وضلينه احنه عدهم كاعدين ورى ساعه انفتح بابهم كلها تباوع تريد البشاره امه وعماته والزلم بالديوانيه تنتضر ومدت راسها كميله وصاحت
كميله : تعالو صيحولي عمه
عمتها فرحت وراحت تركض جان تكلها
كميله : لحكي عمه كريم ماأعرف شبيبه
خطيه طفرت امه وراحت سدت الباب
ماعرفنا شصاير ويه كريم وره شويه طلعت وطلع كريم وياها يتقيأ ويصرخ من بطنه دخل للحمام واحنه كلنه كاعدين ضايجين عليه خطيه بليلة عرسه هيج يصير بيه وضجنه على كميله خطيه تبجي عليه تالي رجع لغرفته
كميله : كاعده واسمع هوسات الزفه كلبي ضل يدك حيل تالي زفوني دخل عليه كريم بشخصية الحلوه صح ابن عمي بس ابد ماشايفته و مااعرفه بس من عرفته حبيت شخصيته و طيبة كلبه بمرور فترة الخطوبه بده يحبني وكمت حت أني احبه وزاد حبي اله يوم بعد يوم دخل للغرفه وأني بثوب الأبيض لكل بنيه تحلم بيه تقرب يمي وباس راسي وكعد عل جربايه وحظني بكل حب وحنان وتالي اتمدد عل جربايه وكام يتلوه ويصرخ بطني أني من شفته هيج طفرت عل عمتي صحتلها تالي اخذته للحمام وكام يذب شكو بمعته غسل ورجع دخل للغرفه وأني كاعده عل الجربايه وأبجي بهدوء
كريم : ههههه كميله هاي صدك تبجين
كميله : مسحت دموعي بسك تره ماجاي اشاقه والله خفت عليك
كريم : لاتبجين حبيبتي هسه شويه وأصير زين وبعدين يهو يكدر يفكج مني
كميله : ضحكت وأعرف بيه يكتم الألم عني
وضل كل ساعه يتقيأ لحد ماغفه ونام وضليت مكابلته وكاعده وعيني ماغفت و تالي اجت امه وكالت اذا كعد ووجعته بطنه صيحي عليه وسدت الباب علينه وطلعت
مرام : نقهرنه عليهم غير ليلة عرس هاي بلكي من يكعد كريم تتحسن حالته شويه والحمدلله كعد كريم من الصبح وسووله شوربه ويسولفون هو وكميله ويضحكون بالغرفه
من طلع من الغرفه كلهم كاعدين سلمو عليه وتباركوله وتحمدوله على سلامته واستمرت حياتهم هاديه وكل اسبوع يزورونه ونفرح بيهم
يتبببببع .........
أنــتـظــرونــي ـ ـ يــآ مــن لكــم نــوٌر عــيــونـي ♥يــأأجــمــلَ مــتــآبــعـيــن بقلمي نــور آلهـــدى😉
أنت تقرأ
امي والزمن 💔
Fiksi Umum🌸 استفد من جميع الناس ، الكبير والصغير ، العالم والجاهل ، ولا تحتقر رأي أحد مهما كان ، فقد يكون لديه من سداد الرأي ما يفوق تصورك. 🕊🌺
