امي والزمن 💔

البارت السادس عشر

(أمــي وآلَزمــــن )

للكــآتــبــهّ نــوٌر الهدى

آلبـآرت آلسادس عــشــر (بارت قصير )

لا تـُسْـرفــي باللــوم ِ والعَــتـَبِ
فأنا ـ وإنْ جزتُ الشبابَ ـ صبي

قـلـبي بـه ِ للحـب ِ ألـفُ مــدىً
رَحْـب ٍ وِغاباتٌ من الـوَصَـب

إنْ أغـْضَبَتـْك ِ صـبابـتي فـأنـا
أطـْفَأتُ فـي نيـرانها غـَضَبي

قـدْ أوْرَثـَتـْني عِـفـَّة ً بـهـوى ً
أمّـي .. وأوْرَثني الوفـاءَ أبـي

قالـتْ : رأيتكَ ذابـِلَ الـمُـقَــَل ِ

أمِنَ الدُّجى ؟ أمْ كثرة ِالشـُّعَل ِ؟
فأجَـبْـتُ : إنَّ كـليهـما هَـتـَكــا

عـَيْـنيَّ يا صــوفِـيَّة َ الـقـُبَـل ِ
بصباحِ وجْهِك وهو نهرُ سـنا ً

وبليل ِ شعرِك ِ هـائِمِ الخـُصَل ِ
بعضُ الجنون ِ ضرورة ٌ لفتىً

خَبَرَ الهوى طفلا ً.. ولمْ يَـزَل ِ

خِلـْتُ الجفونَ تـَفـُرُّ من حَدَقي
لِـتضُمَّ زنبقَ وجْـهِِـك ِ العَـبِـق ِ

وَثـَقَ الـربيعُ بنا .. فـأوْدَعَـنا
سِــرَّ اتـِّحـاد ِ الـوَرد ِ بالـعَـبَـق ِ

غَـسََلَ الأصيل ُوقد رآك ِ معي
منك ِ الخدودَ بِحُمْرَة ِ الشـَّـفـق ِ

وأنا غداة َ رحلتِ عـن مُـقـَلي
غـَسَلتْ عيوني وحشة ُالغـَسَق ِ

حاولتُ مـرّات ٍ .. ولمْ أُصِب ِ

رسْمَ الرحيق ِِ بِـثغرِك ِ العَذِب
يا أنت ِ .. ما أقساكِ في شفتي

بَوْحا ً وما أشجاك ِ في عَتَبي
زَخَّ الفؤادُ عـليك ِ من شـَغَـف ٍ

نبْضَ الهوى فاعشوشبتْ كتبي
وضحكت ِ لي يوما ً فضاحكني

قـَمَرٌ جـَفاني مـنذ كنتُ صـَبي

إنْ تـسألي شـفـتي فلنْ تجـِدي
ماءَ الجواب ِ المرتجى لِصَدي

فاسْـتنطقي عـَيْنا ً يـُحاصِرُهـا
شــوق ٌ به ِ يـومي أذلَّ غـدي

واسْـتحْـلِفي قـلبي : أفـارَقـَهُ
شـَغَفٌ الى الأحباب ِ والبَلد ِ؟

مـنذ ارتمـيـتُ بغـربـة ٍ وأنا
مَـيْتٌ .. ولكنْ نابضُ الجَـسَد ِ

_______________

مرام : وصل النه خبر كريم ابن عمنا تأسر والخبر مثل الصاعقه اجانا ماصدكنا رحنه ركض لبيت عمنا لكينه الأمه العربيه كلها هناك وتتصارخ الناس وتبجي وكميله هم كاعده تبجي كسرت خاطرنا حضناها وهي شهكت وتبجي وتكول عافني راح كريم راح من أيديه ولابسه اسود كعدنا يمها تبجي صار بيتهم مثل البيه فاتحه وناس تروح وناس تجي النسوان جوى البيت والزلم بالديوان كها تتصارخ بويه يا كريم كلبي أنقبض اباوع على كميله الدموع ماتبطل منها هاي الناس شبيها هوا موميت ليش يسوون هيج محد كاعد يصبر على امه وعلى مرته صغير و جبير يصرخ ضلينا يم اختنا مافاركناها مدة اسبوع شويه وخفت الناس كلمن رجع لبيته ضلت بس اخت كريم أتنوح و تبجي صبح وليل ماتسكت اااابد كلولهه موزين هو عدل اسير مو شهيد تكول لا الفركه مثل الموت خويه ياكريم شلعت كلبي بغيابك نريدها بس تسكت لأن كميله تعبت يمها تنوح وهيه منا ضعيفه نخاف عليها اطيح علينه وتتخربط
ناس تكول خذوهم كتلوهم لان هما حاقدين على العراقيين نريد بس خبر يجي ويكولون هوا عدل موميت
اكو ناس تطلع اذاعات الراديو بالخفيه الحكومه ماتدري بيها ضلت وحده من قرايبنه تراقب هاي الاذاعه بس صوتها كلش مو واضح وساعات يسوون عليها تشويش حتى العالم لاتسمعلهم وساعات ينطون اسماء الأسرى وضلينا حوالي اشهر نتاني بس خبر يفرح كلبنه وبيوم اجه واحد قرايبنه يصيح كال سمعته سمعت الأسرى يلتقون بيهم تفاجأنه ماصدكنا وكال سمعت كريم واسمه الثلاثي انطاه احنه كيفنا وكال راح يعيدونها بالليل وكاعدين كلنا وانطو الاسماء ابويه يامنبع الحنيه صح هوا عصبي جان ويانه من جنه أزغار بس يحبنه وحنين علينه وربانه وعلمنه اهواي شغلات بالحياة وخصه احنه البنات من نكعد نلتم يمه يكول انتو شمعات البيت بدونكم البيت مضلم وهسه أباوعله عيونه كلها دموع وخصه من شاف حال كميله انقهر حيل ضل حاضن الراديو على طول وحاط ذانه عل سماعه لان الصوت ناصي يتاني اي خبر يجي وهم هوا أبن اخو ويحبه باله كله يمه ويفكر بيه ومن يشوف حال اخوه جواد جاي يتخربط عل فراق أبنه شويه دقايه طفر أبوي من مكانه وصاحلنه اجينه نركض وامي أول وحده
حجيه زكيه : ها ابو عصام خيرك خو مابيك شي
حجي عوده : كام وعيونه كلها دموع وكال كل الخير سمعته اليوم وسمعت صوته وأنا ضني مايخيب هوا هذا ياأم عصام كريم انا اعرف صوته خلي كميله تبرد نار كلبها
مرام : الناس كلها سمعت ورحنه من الصبح لبيت عمي لكينه الدنيا مخبوصه كلها تدري وسامعينه وصار اتفاق بين الطرفين العراقي والايراني يوصلون رسايل عن طريق الصليب الاحمر هاي منظمه بين الدول ضلينا نتاني الرسائل وبهاي الايام كعدنه يم كميله
جنات : كميله بعد انتي ذبي الاسود مادام رجلج عايش ويشم الهوى
جميله : اي والله صدك واني هم سامعه فال مو زين هيج اتضلين لابسته
كميله : مااذبه جنات جميله مااذبه لاتلحون الا يجي يلا وضلت مكتأبه وماتحجي كال ابوي ناخذها عدنه شويه تغير جو يم خواتها و ماقبلو عيالها وضلت عدهم بس بين فتره والثانيه تضل عدنه كم يوم وتروح حاجيناها وحاولنا نقنعها خلي تذب الاسود كالت اذبه بس موألوان لو جوزي لو نيلي يعني مثل العجوز ضاجت روحها من الدنيا لارجل يمها لاطفل صار عدها وتلتهي بي مشت الايام واجت رساله من كريم والمرسال ألي رسله هم يريد رساله من اهله حت ياخذها أله
كميله : من يوم ماغاب عني كريم واني حياتي صارت لاشيئ بدونه تعلمت عليه واحنه بعدنه عرسان ماشفنه شي من حياتنه وره عرسنه اجت الحرب والقتل ومن طلبوه للجيش والتحق كلبي راح وياه وبكل خطوه أدعيله وماغاب من فكري ها أخاف ما أكل ماشرب وين ينام وأني اشوف وأسمع الهاونات والقذائف ماتبطل وبيوم لأجاني خبر التأسر مالته روحي راحت احس الدنيه صارت ضلمه بعيني خيمني السواد وضلمة الليالي بعيني كمت ابجي ليل ونهار وامه واهله مو اكثر مني موقف صعب من يتأسر شخص غالي عليك وأنت تعرف بأمل رجعته قليله لأن ليروح بين أيديهم مايرحمونه وما ياخذون ثارهم أله بالقتل مشت ايام وناس اتابع اذاعات بلكي يسمعون خبر عنهم ضليت الليل كله اندعي كون عايش واسمع خبر عنه يفرحني وره يوم الصبح سمعو بكريم عايش وأني روحي مثل الطير طارت دمعت عيوني وكلت الف الحمدلله والشكر ألك ياربي وكالو دز رساله لأهله وصلتني الرساله وأني دموعي مابطلت كمت أقره وأبجي عبالك يمه وأحاجيه وكالو اهل المنطقه باجر نجي على الرساله كتبوها وضليت الليل كله أقره الرساله وأحضنها واحاجيه ليش عفتني حبيبي اشتاقيتلك هواي هوااي بكل كلمه تطلع مني وياها غصة الم الفراق كمت ابجي ماحسيت أله اني نايمه على رسالته واجه ثاني يوم الصبح و كتبت الرساله بحضور اهله وسلمو عليه سلام حار وغلفوها بضرف وانطوها مشت الايام ثقيله والحرب مستمره وتحصد بالشباب وراحت الالاف بين شهيد وجريح ومفقود والرسائل صارت كل شهرين ياله توصل وتعودنه على هالوضع
مرام : وره فترى مات عمي ابو جابر بحسرته وقهره على ابنه تمرض ومات حيل انقهرنه وابوي خيم عليه الحزن بفقد أخوه جان حنين ويحب الكل الله يرحمه سوينه فاتحه جبيره واحنه ماعفناهم ابد وياهم بكل شي
خلصت الفاتحه وكفت الناس كلمن لبيته وكامو يسوون ثوابات كل خميس واحنه كمنا نروح نساعد كميله مايهون علينه تشتغل ابحدها نساعدها بكل شي مشت الايام والسنين والوضع من سيئ الى اسوء