Jozefinn

Pastè Erod

Mwen a jozefinn pa't janm reyisi angaje nan on relasyon vre. Li te toujou di'm li potko pare pou sa. Mwen pat janm konprann poukisa men sa pat deranje'm; li te pou mwen.
Jozefinn te akoupi devanm nan li t'ap ri, reyaksyonl lan te rann mwen pèpleks. Sè kamèn t'ap frape deyoa tout figi Jozefinn te plen a dechay men li te femen je'l epi li t'ap ri.

-Matant, Kalanri vini.
-kisaw dim la tigason? Kotel ye?
-m'te kwazel piwoa li genle antre lakay li
-Jozefinn mwen kite de sache deyoa vinn pran yo map vini.

Men sa ki te sove'm. Mwen pa konn kijan m'ta pral reyaji si sè Kamèn te vinn jwenn mwen nan pozisyon sa.
-poukisa w'ap ria? Nan vwam Jozefinn te ka we janm nève men li te kontinye ri.
-sa te manke'm m'pa fe bagay konsa depi lew ale a.

Mwen pa't konn sa poum reponn m'pran valiz mwen m'soti. Mwen pa't rekonet vwa tizanj ki te vinn sove'm nan men si mwen te jwenn li mwen t'ap bal san goud. Byen vit m'pran rout lakay mwen li pat trop lwen kay sè Kamèn nan.
Le'm rive mwen vinn jwenn sè Kamèn ki t'ap tann mwen devan pot la. Mwen salyel menm kotea li komanse bonbadem a kesyon: kotew te ye la? Dat map tann ou. Antre vit mpral fè manje pou ou. Ou pale a Manmanw? Koman li ye? Saw regle potoprens? Yo dim ou fini lekol...
Sè Kamèn t'ap pale men mwen pa t'ap tande mwen t'ap panse a Jozefinn.

Kou brenn femen m'pran rout kay pastè Erod. Sou rout la m'pase kay Imann m'achte de poch sigaret.
-Ou pa kite fimen Kalanry?
M'pa fimen men depi lontan se mwen ki toujou al achte pou pastè Erod, mwen pa't ka di se pou li. Sa te konn fè'm gen gro problem a manmanm men m'te aranjem a Imann poul pa pale sa fò.
-ou t'ap pedi on bon kliyan sim ta kite fimen.

M'pase pa deye legliz la, mwen antre kay pastè Erod la. M'antre nan kizinn nan anvan mal jwenn pastea, m'te bezwen alimet.
Lè'm antrea m'vinn jwenn li kouche li fe efo leve. Se te premye fwa mwen antre nan chanm li an.
-Komanw ye Kalanry?
M'chita kote'l la nou pale de mwen, de li. Depi lontan pawol nou pa't janm gen bout m'te ka di'l tout bagay limenm tou.
-ki tifi sa ki nan kizinn ou an?
-Pitit Odèt la wi, ou bliyel? Saw we? Li vinn bel timoun. Men sa pa poy mwen men si epa sa m'pase sa anba danm deja.
Mri, li kontinye. Li di:
Jozefinn te la talea wi ou poko al wel
M'te santi'm malalez mpat anvi pale de Jozefinn m'fe komsi m'pa tande
-kot medikamanw yo? A kile pou repran yo?
-Jozefinn banmwen yo deja. Se li ki nan famasia depi lè manmanw alea. Ou anvi chanje sijea? Ou konn ki problèm ou? Ou fè komsiw pa gen santiman pou li, ou metew komsi anyen pa atenn ou. Men se pa sak lanmou ou panse l'ap diw wi lè'w mandel renmen si ou pa montrel kel konte pou ou.
Tout defans sa yo ap blesew plis ke yo protejew. On jou li prale, w'ap regret, paske ou pa't konprann li lè'l te laa.
Mwen konnen fow pridan, boukliye ou metea ka anpeche moun detwiw men siw pa depozel on jou wap pedi moun ki renmenw lan.