Jozefinn

yon jwèt aza

-Galon

On bel jounen! Tan an pa led. Mwen te anvi fè on ti mache. Mwen rankontre Kleren,se konsa mrelel men se pa bon non'l sa. Alepok pastè Erod te konn voye'm al achte bagay li pa't vle moun konnen li konsome, se li ki te konn achte kleren pou mwen. Li te rele'm Galon paske mwen te konn bal galon, mwen te rele'l Kleren paske'l te konn remet mwen galon yo a kleren.

-Galon apa wap pase lwen'm
-Komanw ye?

Mwen t'anvi rele'l pa bon non'l men mwen bliye'l oubien mwen pa't janm konnen'l, mwen pa sonje.

-ah mwen pa bon menm siw te ka ban'm on bagay li t'ap bon pou mwen
-m'ap ba'w. m'ap ba'w kile w'ap ban'm oumenm?
Tout mwen t'ap pale ave'l la Mwen t'ap swiv Jozefinn ki t'ap jwe sou lakou devan legliz la avek on pil timoun e detanzantan mwen t'ap fe tikoudey gade'l. Li telman bel le l'ap ri.

-31 ap soti nan bolet la pita yo pa vle banm boul la
-Pou konbien ou te jwe
-di goud m'te genyen
-koman yo pa baoul la? yo konnenw gen plis?
-m'dwe Jowel, esak fe sa
-Men san goud li kont?

Si se pa sa li pa t'ap lage'm yon fwa li finn ale mwen antre nan lakoua, mwen chita, map gade timoun yo kap jwe. Manmanm te sipoze rele'm lè li te rive nouyok la. Mwen te ba'l nimero lakay mwen o ka ou mwen pa ta gentan rive pwentaraket epi li te gen nimero kay pastè Erod la tou. Mwen t'ap eseye sonje ki kote mwen ye met nimero tonton Jakob la. Petèt pastè Erod genyen'l, petèt pastè Erod pale ak manmanm deja. Mpa bezwen enkyetem.

"Twa fwa pasera cest la dernière qui reste là j'ai perdu ma fille..."
Msonje Elèn. Poukisa msonje Elèn. Papam, bon papam, se te moun okap. mwen te toujou konn al we grann mwen nan peyi papam e anvan m'te nan tout koze saa a Jozefinn mwen te konn yon tifi ki te rele Elèn. Li pa't menaj mwen men mwen pa konn sa m'pa tap bay pou mwen ta renmen avel. Nou te kontante nou youn renmen lot san nou pa't janm di lot sa nou santi. Nou te kontante nou youn gad lot nan je lè anndan nou te gen tout anvi. Lè'm rive potoprens, mwen te sezi wè'l. Nou te nan menm lekol e ase souvan nou te gen menm kou. Nou te pase plis tan ansanm, lè mwen te resi pare poum di'l tout sa'm santi pou li lè li di'm li pral viv an Frans. Relasyon sa t'ap enposib. Mwen te deside pa di'l anyen men mwen aprann ke ase souvan lavi retire kek bon bagay sou rout nou esa pandan nou te gentan finn abitye. Mwen t'anvi...

-Kal? Hey, ou lwen
-Wi, ou bezwenm?
-Nap jwe lago deli, wap jwe?
- Wi, wi map vini

Mwen t'ap gad Jozefinn ki prale epi m'di nan tet mwen si Elèn ale se siman paske mwen gen pi bon bagay kap vinn jwenn mwen. Mwen bien kontan rejwenn Jozefinn.

Nou te finn jwe. Li te komanse ta, tout timoun yo te ale sel mwen a Jozefinn ki te ret chita nan lakou a anba limye lalinn nan. Li te apiye sou mwen. Mtap panse a Elèn epi san fè ekspre mdi: Anyen pa fet pa aza.
Jozefinn leve tet li, li mandem poukisa mdi sa. Se nan menm moman an Kleren tap pase li remake nou men kontreman a maten an li te sou. Li proche nou epi li di : bolèt la mal tire, m'pèdi. Epi poutan yeswa m'reve 7 fanm toutouni sou on on pye palmis tet anba sim konnen m'jwe 47 mtap genyen.
-Dyeswa, mant Imann t'ap mande pou ou talèa oui ou gentan wè'l?
-non kem al kotel. Mèsi Jozefinn.
- kile yo t'ap mande pou lia?
-epa vre mte bezwenl ale... anyen pa rive pa aza?
-ou dire oumenm?
- non fo'w di'm paske Talèa n'ap fe lago, ou kenbe'm, ou mete'm atè sou do, ou te monte sou mwen, ou te bo'm. M'anvi konnen eske se te on aza oubien chak ti aksyon te kalkile.
M'ri epi'm reponn:"Mpa konnen, men mwen kontan rejwenn ou, mwen pa vle pediw.