Erod, se te non pastèa. Li te soti potoprens. Avoka, profesè inivesite mwen pa't janm konprann poukisa li te kite vi li t'ap viv la poul te vinn abite Pwentaraket. Siman pou kek move zafè anfen se sa mwen te panse.
Mwen te gen dizan lè'm te we sèn pastè Erod ak sè kamèn nan nan lot ti pyes la,mpotko gen laj poum konprann sak t'ap pasea men mwen te renmen sa'm te wèa e pandan on bon bout tan mwen te ret gade.
Mwen t'ap kouri sou senkan depi mwen pat rewè pastè Erod. Mwen te fini lekol e gras a li mwen t'al viv potoprens pou'm te etidye dwa menm jan ave'l. Li te peye tout bagay pou mwen. Mwen pa't janm tounen Pwentaraket e mwen pa't konte tounen tou. Mwen te fini inivesite gras a kek kontak pastè Erod mwen te jwenn travay byen fasil.
Se Manman'm ki ta pral fè'm tounen Pwentaraket. Li te gen poul al jwenn tontonm jakob nouyok, li te pase lakay mwen potoprens.
-Kalanri papaw malad fow al wel.
Se sa li te dim anvanl ale, byen ke mwen pat pran abitid rele pastè Erod papa, manmanm pa't konn mande'm pou'm relel konsa non plis men li te toujou la pou mwen tankou yon papa. Manmanm te konn di neg sa se yon zanj bondye voye.
Mwen te rive Pwentaraket de jou apre manmanm te kite Ayiti.
Premye kote mwen te ale se te kay sè Kamèn. Mwen te rive devan lakay li a tout valiz mwen, se pandan mwen finn leve menm poum frape mwen sonje ke nan tout kalkil mwen, mwen te bliye yon sel bagay: Jozefinn
Kòb legliz la te okipe de fanm sè Kamèn epi Jozefinn, manman a pitit. Paste Erod pat konn kite moun antre nan chanm li,menm mwen mwen pa't janm we a kisa anndan chanm li sanble, epoutan sè Kamèn te konn antre, plis ke sa sè Kamèn te konn domi kay pastè Erod, nan chanm pastè Erod. Pastè Erod te chaje Fanm men sa pat janm sanble inkyete sè Kamèn. Yo pa't nan yon relasyon ofisyel men sè Kamèn te konnen ke se li ki madanm pastè Erod e sa pat deranjel poul pataje, antouka se sa manmanm te konn dim. Jozefinn se te fanm pam tout ti kob pastè Erod te konn banm te konn pase nan Jozefinn. Mwen sonje nou te konn sove poun al nan fèt senlwi. Premye fwa mfe lanmou se te bo plaj la a Jozefinn.
Mwen te sou rout poum fe demi tou le m'sonje Jozefinn nan paske mwen pa't anvi wel; non se pa ke mwen pa't anvi wel men mwen pa't vle gen on move sipriz. Male pou'm vire men pot la ouve Jozefinn te la devanm mwen pa't konn sa pou'm dil.
-saw ta pral fe la?
-eee
komsi mwen bèbè mwen te ka jwenn on paket eskiz pou'm bali men ankenn pawol pa't ka soti
-wi, mwen t'ap veyew. W'ap antre oubien?
M'antre, mwen depoze valiz mwen nan on kwen. Mwen pat pot anpil bagay, mpa t'ap ret pou anpil tan fò'm te tounen potoprens.
-kot manmanw?
Mwen annik finn di sa mwen pran on souflet, epi on lot, epi on lot anko. Yon refleks fè'm kenbe'l nan kou epi'm mandel: Saw genyen?
-poukisaw pa't janm tounen? Ou jwenn on lot fanm lotboa?
Mwen t'ap gadel nan je e chak sa li dim t'ap fe'm peze koul pi fò
-Anben toufem non. Toufem Kalanri.
Tout sa'm te anvi fe se te bol e se sam fè.
Kek minit pase mwen te gentan bliye ke mpat anvi wè Jozefinn, m'te gentan bliye si Jozefinn te pase'm twa souflet pou'm sonje ke pa gen pesonn ki fè tibèf pi byen ke Jozefinn. Pandan mwen t'ap jwi moman an pot la frape.
-Joz poukisa pot la take?
Se te sè Kamèn ki te vini kè'm telman sote, m'voye.
VOUS LISEZ
Jozefinn
Romantizm"sa pa nomal non pou valè fi ki genyen se yon sel grenn ki atirew. Si ti sel grenn sa pa vle avew, ou ka fou nan mande tet ou si problem nan se pa nan ou li soti men sak pi grav la, ou pa ka jis leve on jou pou di ou pa renmen entel anko. Sa enposib...
