Jozefinn

dimanch swa

Se pa't ko plenn linn men syel la te klere. Anvanm vinn sou plaj la, m'pase kay Imann poum achte on pòch sigaret. Dabitid, mpa fimen men m'santi jodia m'te bezwen sa.
Pandan m'ap desann ti eskalye devan kay Iman nan, m'manke tonbe. On neg a on timoun ki te devanm nan dim: kenbe kow salòp". Nan tan nomal, mtap kontinye rout mwen paske mwen pa on moun ki konn nan tròp zanmitay a moun. Men fwa saa m'ri. M'ri jis tan dlo sot nan je'm, apresa m'santim byen. M'chita anba on pye kokoye m'ap gad vag yo kap vinn mouri sou plaj la.
Poum te bliye sè Kamèn te bezwen marye Jozefinn mwen t'ap panse a sa'm t'al fe kay sè Odèt la kou legliz la finn lagea.

M'antre, nou pale, li mande'm sa'm devni. Nou pale de lavia Potoprens, li rakontem kijan sa ye Pwentaraket depi lè malea.
Mari te la. A on seten moman sè Odèt mande Mari poul soti al achte on bagay pou li. Kou Mari soti, li take pòt la. Li envite'm nan chanm li. Anpil tan pa't pase le pòt la ouve sou nou m'manke leve kouri, mpanse se Pastè Bèlòm, ansyen souvni yo pa ale. Se te Mari li te gen kle'l nan menl,li te kanpe toutouni : "mvle tou".

M'te kite yo fèm sa yo vle, kòm selman ki te la tout bonnanj mwen pat sou mwen, nanm mwen te kite kom poul vwayaje men tout rout li te pran se te pou al cheche Jozefinn. Tout sam te bezwen se te Jozefinn. Lèm prale tou de te kanpe nan pa pòt la : tounen lew vle men tounen vit.

Yo t'ap souri petèt paske yo te pran plezi nan sa yo t'ap fèa men mwen se m'te endiferan. Mwen t'ap antre lakay mwen menm jan mwen te vini an: tris, mosad. Mwen te anvi al wè Jozefinn men mpa konn sa mwen ta pral dil. Paske jodia anvan Pastè Erod komanse prechea sè Kamèn pase devan pou'l anonse tout moun ke mwen a Jozefinn pral marye nan jou k'ap vini yo. Jozefinn akize'm ke se konplo mwen fè a manmanl pou'n fose'l marye. Mwen eseye eksplike'l menl pa't vle tande'm. Menm jan ave'l mwen pa't konn anyen nan bagay sa, se premye fwa mwen t'ap tande koze konsa.

Se konsa mwen te rive bo plaj la, mwen t'ap gad vag kap kouri.

Potoprens, mwen t'ap preparem pou'm ouvè pròp kabinè pa'm. Tout sa'k te kanpe'm, se te moun ki te sipoze asosye ave'm nan. Mwen t'ap gentan ouvè kabinèa si li pa't aprann mwen te kouche a madanm li. Malgre tout prekosyon pou sa pat janm rive, li te konnen kanmenm. Mwen te fè tout sa'm kapab poum fel kwe sa te rive on sel fwa, se te on aksidan, ke li pa sipoze kite sa afekte relasyon nou menmsi an reyalite, se yon bagay ki rive souvan. Madanm li konn menm planifye sa lè misye ap vwayaje. Nou pran on ti distans li dim li te bezwen reflechi sou priyorite'l. M'te ka fel poukòm men epòk filo, mwen te prezidan klas mwen e Se pa't on bagay ki te fasil, yo te atann anpil de mwen men pastè Erod te banm on ti konsey pataje responsabilitew yo si'w pa vle nan cho.

-yo tap dim sa mpa tap kwe. Ou fimen Kal?

Anvan li rive kote'm nan, m'etenn sigaret la. Jozefinn pa renmen sant sigaret.
...M'chechew tout kote. M'konnen mwen t'ap jwenn ou laa
-komanw ye?
-mbyen Kal e oumenm?

Nou t'ap pale, mwen te tankou on gwo egare. M'souri chak lè'l di on bagay m'pa konprann tout fason lem ave'l m'telman stipid.
-...sispann pasem nan betiz epi saw souri konsaa?
M'ri. Li kontinye: Kalanri ou biza ou si se sigaret ou t'ap fimen laa?
Mwen ri plis. Le'm pa ri li di'm trò serye lè'm ri li jourem vivi.
- non se pa sa Jo mwen renmen'w
Li ri tou, mwen ri ave'l.
- sa vle di mwen ki mete'w nan eta saa? Mwen ki gen tout pouvwa saa?
Nou kontinye ri on moman epi m'vinn serye

-mpa fè konplo a manmanw mpat konn anyen sou koze maryaj la men mwen renmenw Jo, mkonnen ou pa kwè'm petèt mpa fè ase pou montrew sa, men kisam ka fè anko? saw vle'm fè pou'm montre'w sa?
-Kalanri si se poutèt sa manmanm te di talèa...
-non Jo. Mpa anvi kache anko mvlew pou mennaj mwen... Jo! Joo!!!