Jozefinn

Retrouvay

-Li te rele Marilinn...
-ou te renmenl?
-mta renmen diw non men malerezman oui mte renmenl.
Pastèa gadem li souri. Mkontinye:

m'te santi on fos, m'te ka fe nenpot bagay si sa tap pèmet mwen posedel. Li te denye pansem anvanm domi, li te premye sak monte nan tet mwen lem leve. Mwen gadel, mwen reve… kisa mwen pa tap bay pou li.
Men premye fwa mwen te pale avel oubien pito'm di premye fwa li abòdem li dim si mwen bal fe de tou bekan lap banm we kilòt li. Mwen di'l li met fè kantite tou li vle, desepsyon fem al kache poum kriye.

Pastea tonbe ri. Mte malalez.

-Epa jou sa ou te kase ponyet ou a?
-wi
M'bese tet mwen, pastè Erod kontinye ri. On ti moman li tounen serye epil dim: se sak fe ou konsaa? Se sak fe ou pa ka montre santimanw yo?
-O non. On paket fanm blesem sitou pandan mal potoprens lan. Mpa pè pou moun blesem; mpè pou moun saa se Jozefinn.

-Tout fi pa fet pouw renmen yo. Genyen se pou jwe genyen se pou respekte. M'kontan ou te viv eksperyans sa bonè men sitou m'swete ou kenbe sa kom leson. Men sam ka diw sa di vre pou we on fi ou te pre pou soufri pou li livrel baou fasil konsa. Tan ou pedi nan flew la rann flew la pi enpotan, plis ou pedi tan pou li plis li gen enpotans nan jew. Se konsa lanmou ye si sa tro fasil sa pa bon siy. Men mkonnen oumenm a Jozefinn se pa jwet.

Demen maten vè Zòn dizè mwen t'ap sot kay pastè Erod la. Tout rout la mtap panse a sak te rive apre pastè Erod te finn domi an. Mtap soti poum ale lem kontre a ti demwazel la,pitit odèt la. Li tap preparel poul al lakay li.

-Bonswa
-bonswa
-wap domi laa?
-non, mprale anvan li tro ta
Mpase tet mwen deye pot la poum gad deyoa epim dil.
-esi li gentan tro ta pou ale
Li souri epil reponn:"ou pa tap rete oumenm, si wap rete mprale"
-mta prale men kom ou la map rete

Mtake pot la epim prochel
-poukisa ou pa chita?

Nou pale pandan on moman men rive on lè li leve li di li pral domi. Mleve tou mwen avanse sou li.
M'plakel nan on mi elaa mte ka fe sam vle avel. M'antre avel nan ti pyes kote mte we sè Kamèn a pastè Erod la. Kò'l te aksepte chak ti kares mtap bali. Mmanjel tankou on bet esa pat gadem sil te vyej. Antouka li pat vyej.

M'te rive devan lakay la epi msonje li te banm nonl men mbliyel. Men sa pa enpotan.
Mleve jem mwe Jozefinn te kanpe devan ti famasia. M'remake li tap gad pantalonm. Mwen te bande mpat eseye kache sa, mret nomal.

-Bonjou. Komanw ye?
-Sa vreman enteresew?
Mpat konn poukisa li te reyaji konsa. Mpa okipel m'rantre. M'fe on ti tan anndan men msonje se toujou konsa mreyaji chak le li fem sa, fwa sa mwen deside soti.

M'paret nan ti fenèt famasia.
-Ke'm diw,sim diw ki maladi m'genyen w'ap banm on remed?
-pale non
-ok. M'gen on fanm m'renmen anpil, m'sot potoprens,mwen fè on paket tan sanm pa wel epoutan le'm vini se dan lap banm. Ki medikaman ou preskrim?
Li gadem dwat nan je li dim: si ou te konn ki maladi ou soufri mwen t'ap baw on remed.

Mri, komsi mwel pi bel lel fache.

-vinim palew, mgen on kado pou ou.

Anverite, mpat gen okenn kado pou li vre men msonje mte jwenn on bag nan valiz mw an lem tachtel la. Chans pou mwen mwen pa't janm retirel.
Jozefinn te suiv mwen vre mantre nan chanm mwen an avel m'ouvè on ti poch nan valiz la. Mwen femen jem mwen respire, mwen ta pral bay on manti. Mwen retire bag la nan valiz la, se te on bel bag an ajan.

-mtachtel pou ou, mpa vini a bwat la li tap kraze nan valiz la. Mpat bliyew Jozefinn, mpanse avew chak jou. Mrenmenw mpansew te konn sa esiw pa kwem…
-silans
Li fe on grimas a figim epil dim: siw te fe on ti souri petet mtap kwew.

Li bom, li ri, li leve. Anvanl soti li dim.

-mrenmen bag la, mkenbel. Epi ou gen on koka bo kouw.