Jozefinn

yon move nouvel

Maryaj la te bien fini, fòk nou gade bagay yo sou bon kotea. Lamaryea ale nan linn de myel avek nouvo maril, tout envite yo te kontan, resepsyon an te byen pase. Kounya Jozefinn konnen m'renmenl, Elen konnen m'pa renmenl epoutan mwen m'pa konn kiyes m'renmen. Machwè'm t'ap fè'm mal Jozefinn frape'm tankou on kout zeklè. Elèn kouri apre li finn tande konvèzasyon mwen avek Jozefinn nan, m'suiv li men li pa gentan fè anpil rout li tonbe epi'l komanse vomi, Jozefinn vinn edem nou mennen'l lakay. Mwen a Jozefinn te pè gad lot nan je komsi si sa te rive nou t'ap tounen stati sèl, sa te klè ke ni youn ni lot nou pat anvi nan pozisyon nou te yea. Apre nou finn okipe Elèn, li domi. Mwen al chita deyoa, Jozefinn ale lakay li. Mwen t'ap reflechi sou sak sot pasea pandan on silwet tap vini nan direksyon'm. tank li tap avanse anba limyè lalinn nan mwen t'ap remake ke moun sa se te Mari. Mwen pa't rewè Mari depi apre mwen te sot lakay lia jou nou te mete ak sè Odèt poun te fè on ti jwèt a twa a.

-M'ka vinn jwenn ou?

Mwen ak Mari te ret pale lontan konpayi'l te fè'm plezi. Lide'm pa't tonbe ni sou Jozefinn ni sou Elèn.

-mpa konn poukisa yo di gason yo jennjan epi le se fi yo yo di yo se bouzen.
-siman paske medam yo sipoze pi sen ke mesye yo, kò yo pi sakre. Men si tout fi tap pran poz sen yo akiyes nou t'ap konyen?
-ou t'ap bat laponyet.

Nou tou de ri, li limen on lot sigaret epil di:" mrenmen fe bagay epoutan mwen fel avek de gason selman oumenm epi menaj mwen."
Li fe on ti reflechi anvanl kontinye komsi li tap fè yon kalkil:“Nou kite sa fe senk mwa, mwen an mank."

M'gadel komsi mwen t'ap tann li ajoute on bagay. Li gen bel fom, li gen bel po detanzantan li voye je'l nan nivo senti'm, li we pantalon'm anfle m'swetel konprann ke se li ki fè'm gentan bande jis tan grenn mwen fè'm mal. M'ret ap tann li fini

-mwen te toujou an mank mremake sa apre nwit mte pase avew la. mrenmen janw tap manyenm nan. Men franchman Kalanri ou bosal.

-oumenm tou Mari ou pa on ti mouton. Epoutan m'pa toujou konsa  non.
-sim tounen avel map montrel kijan mvlel manyenm
-ou renmenl?
-wi Kalanri, epitou pou tout sa nou pataje ansanm mpanse li pi bon si nou eseye ranje sa mpa anvi chita ap pase moun.
-esi on jou li pa disponib epiw sou sa.

Li ri epi reponn: pa al lwenm.

Mari deplase li mete'l fas a fas ave'm epil li bom on ti bo tou dous tou mouye, byen rapid lide pou sa dire tout tan an pase nan tet mwen. Mari lagem, m'remake on ti gout dlo koule nan jel, li kouri siyel epil dim : se konsa pou ta ap bo avek tifi Potoprens lan oubien avek Jozefinn. Mwen t'ap suiv sèn nou an talea, sim te nan plas ou li tap difisil pou mwen tou poum chwazi youn. Ou pap janm ka gen tou de e mpa ka baw ankenn lot konsey ke evite blese yo.

Mwen pat atann mwen a sa. Mte plis espere Mari tap banm konble mank li an men okontre de sa li montrem nan ki pwen mfrivol pandan on ti  moman, mte gentan we Mari ranplase ni Jozefinn ni Elèn. Mte ka ouve kem bal we kijanm fèb, kijan Mbezwen lanmou. Tank lè tap pase se tank mwen t'ap reflechi sou kisa m'pral di Elèn le'l leve. Tout refleksyon sa yo fem panse mpat janm sipoze tounen pwentaraket, anyen nan tout sa pa t'ap rive. Domi te nan je'm men mwen pa't anvi antre, poum pase tan mtap eseye devine kisa pastè Erod tap fè ak sè Kamèn, petet ke mwen te sipoze ale ave yo.

Lem levea li te gentan jou. Mpa konn ki lè li te ye men soley la te gentan wo. Lem antrea mjwenn Elèn abiye lap ranje valiz li.
-tet mwen ap vire men mprale jodia
-poukisa?
-m'pa santim byen, epi yeswa mfe on move rèv.
-ki rèv?
Elèn rakontem sak te pase yeswaa an detay men pou li se te on rèv.
-ou bwè on paket alkol yeswa se sak fe sa.
-non Kal. Mpa jwe ak rèv epi Jozefinn sanble renmenw vre. Mrenmenw tou men mpa anvi antre nan relasyon oumenm avel la.

Elèn pale men m'pa t'ap tande anyen chak pawol antre nan on zorey li soti nan on lot. Le li resi pe li komanse kriye. M'avanse mchita bò kotel epi mdil:“mte kriye lew te alea”

-poukisa?
-Paske mtap janm ka avew.
-anreyalite posedew se tout sa mte vle, mkite lafrans mtounen Ayiti jis poum te ka avew. Chak jou nan priyem mmande Bondye poul rezevew pou mwen.

M'pa t'ap ka ajoute anyen, menm si mwen t'anvi reponn m'pa kwe li t'ap tande li t'ap kriye tout dlo nan kò'l. Konsole moun se pa on bagay m'konn fè. M'kontinye ranje valiz li yo. M'tann li finn kriye. Le'l resi fini m'dil: m'vlew kòm asosye, siw vle toujou al potoprens lan m'ap baw sa pou fè pou monte kabinèa.

Li souri, li siye je'l epil di'm: ou pral depoze'm?

Jozefinn pat lakay li. Mmande Kleren men pesonn pot ko wel pou jounen an. Mwen asirem ke Elèn kite Pwentaraket e ke pesonn pap rakontel sa ki te pase yeswaa. Kleren reyisi detounen atansyonm, li rakontem on rev li fè men lap eseye detemine a ki lè li fè rev la.
-mbezwen konn si se nan bolèt nouyok la poum jwel
-esiw jwel nan tou de?
-ann pale bagay serye non

Mpat ko we kijan mtap pral edel jwenn akile li te fè rev la men sa te enteresem poum konn sa li pral fè. Mte toujou anvi konn kijan yo jwe bolèt, sou ki baz yo chwazi boul yo. Mwen mpa janm fe rèv eske sa vle di mpa ka jwe bolet?

Jounen an te preske fini. Nou deside al nan gagè nou parye sou on bon kok. Nou genyen.
-Fòm ta achte on kok wi, men mpa gen kob.
-map voye youn pou ou mkonn kote yo vann bon kok lagrandtè.
Pandan n'ap tounen mwen kwaze Mari, li pase li pa salyem. Sam fel? Sal gen avem. Byen rapid mpranl nan ponyet mralel sou kote. Li t'ap kriye.

-Saw genyen cheri
-anyen Kalanri. Non mvle konnen pale avem.
-Mansent
-Poukisa wap kriye? Ou pa di menaj ou sa?
-ou bliye sam te diw yeswa. Nou kite sa f senk mwa.