Jozefinn

Maryaj la

Vè uitè diswa, mchita devan lakay la mlimen on sigaret. Kòm Elèn potko rantre mwen t'ap tann li. Mwen pa't konprann sa Jozefinn tap fè a men mkonnen li pa janm fe anyen sanl pa gen on plan. m'te gen on paket rezon pou'm inkyete'm. Anvan Elèn rive mte gentan fimen tout poch sigaret la, mfe tout tan an ap panse a kisa Jozefinn gen nan tet li. Finalman vè dizè Elèn rive Jozefinn depozel devan lakay la epi li kontinye rout li.

-ou sanble te pase on bel jounen?
Li reponn mwen:''poukisa ou di sa'' avek menm ti etensel lajwa li te genyen depi apremidi an.
Li kontinye:"poukisa ou te mennenm nan lanmea nan nuit. Lanmea telman bel! Jozefinn te mennenm
Nou fe jounen an ap mache nou we flamanroz yo, yo bel!"
Tout li tap palea li tap mache anndan kay la, li tap fe piwet komsi li tanvi degaje ke kontanl lan poul fel anvayi tout kay la. M'fon ti souri men le'm sonje se de Jozefinn lap pale mweb vale souria. Fanm sa banm tet fe mal.

-Jozefinn fem pale tankou moun Okap, mpa regret mte dil kotem soti, li pa rim le map pale li pa menm jan avew.
Mri on ti moman epim dil : se paske sa fem plezi lem tandew kap pale konsa.

Mavanse sou li mpranl nan bram epi'm bol. Petet sim okipe bouch li lap sispann pale de Jozefinn men li pousem epil dim: ou santi sigaret, al benyen. Ou pa menm we si tet mwen penyen menm. Jozefinn invitem nan maryaj la kom ou pat fel. Mpenyenl li penyenm. Li ta pral pretem on rad li men kom li pi mens epi li pi wo ke mwen mpa kwe lap bon pou mwen mwen pral gad si mwen pa'p jwenn on rad nan malet la.

-an palan de maryaj mbezwenw edem ekri on sèmon pou maryaj la
-e ou kap fel? Pastè ou ye?
-Wap edem oubien?
-al benyen anvan

Dabitid Elèn pa pale anpil konsa, Jozefinn genlè detenn sou li. M'konprann kounya Jozefinn konte banm on leson, si pou'm aprann li ke sa fet m'pa ka goumen anko, m'pa konn kote'm ye nan tout istwa saa m'pedi. Mwen ak Elèn nou ekri sèmon an, nou te pran plezi'n pou'n fe'l.

-ou genlè pa menm kwè nan sa wap dia Kalanri? Efase sa banm diw sa pou di.

Li te selman avek on mayo epi on ti kilot li desann kabann la pou lap pran dlo li tap mache komsi li tap banm cho. Mgad deyel, msanti ta kole danm. Li pote dlo pou mwen tou. Le lap monte kabann nan li pase devanm poum ka we li anfom. Lap tantem, li konnen li preske pranm.

-se konsa oui manman Jozefinn pral mache sou pastèa demen. Bib la pa di piga moun fe sex anvan maryaj? Sa vle di pastea fe tout tan saa san fe bagay? Podyab li.

Kem fem mal pou Elèn ki panse pastèa pa plimen

Mreponn tou ba: podyab
-Ou fini wi pa vre?
-wi mfinn rekopyel. Kounya se rad mwen an mpoko jwenn, pastèa poko voyel.
Li pase menl nan koum, li chita sou mwen, li pran kayea nan menm li depozel epil dim:"ou pa pastè"

Apre on jounen konsa kounyaa msantim byen jan Elèn ap gouye sou mwen an se tout sa mte bezwen.
-ou konnen mwen a Jozefinn nou fet menm jou?
Poukisa? Poukisa? Mpa dous nan eta saa ?pou nan pozisyon sa pou Elèn ap panse a Jozefinn? Mwen ki te gentan preske finn bliyel. Chans pou mwen pot la frape.

-kile li ye la pou moun ap frape kay moun lè saa?

Mri sal dia. Li desann sou mwen m'al ouve pot la se te kostim mwen yo te pote. Kom m'te toutouni ti nonm ki te pot kostim nan pat ret trop tan li te santi kel deranje'm. Le'm antre mwen te anvi di Elèn si li renmen Jozefinn nan pwen sa envitel poun fe on plan a twa. Mkoke rad la on kote mbwe on ti dlo. Mfe on ti ezite anvanm monte kabann nan Elèn gadem li dim bònnui epi li kouche li domi. Li te gen rezon tap pale de Jozefinn nan. Kom mpat ko fini mantre nan twalet la epi mbat on laponyet.

-Ou bwe trop epa pou ou selman li ye. Deplase la Kalanry.
Mpat konprann Kleren tap dim mbwe trop, koktel la te gou. Moun tap pase devanm a tout koulè rad, moun tap salyem mandem komanm ye. Repons mwen yo te otomatik men nan tet mwen mtap panse a konbyen vè koktel ki te ka soulem de tout fason nou te fe ase koktel pou soule ni mwen, ni pastè Erod, ni Kleren. Jozefinn te met bag la, kwe li fache avem. Mri. Similak, tout sa se te similak. Maryaj la fini bien vit mpat gen tro gro souvni ni de sak te pase yo ni de sa mtap fèa apa sè Kamèn ki te vinn palem de maryaj mwen a Jozefinn nan, li tap dim poum konvenk Jozefinn paske Jozefinn pa pale avel depi jou li tal fe anons devan tout legliz la. Li menm palem de manmanm, menm manmanm genle ban kou a tou, sim byen konprann yap kite isia avek Jozefinn yap f maryaj la kou yo sot nan lin de myel la. Tout moun te sanble kontan nan resepsyon an mwen t'ap suiv sè Odet, sè Chantal, sè Mina on paket lot sè pastèa te konn al priye ave yo tou, mwen te anvi vomi. Yo te ale anvan resepsyon an fini, pastè Erod epi sè Kamèn, mpat menm sonje mandel kiyes ki Lèlèn nan.
Elèn te fe tout resepsyon an ap pale ak Kleren, lem vinn jwenn li, li te gentan sou. Mpat sipoze fel a kleren blan epi nou te met trop kleren. Li te gou vre men li tap pi bon a Vodka.

-Tout moun renmen koktel la nou te gen rezon fe tout saa oui Kalanry.
-Kleren genle se sel ou ki pa sou?
-Non ou te di'm pa bwe, sel sant li m'pran. Le'w ale map fe on komes pou lè gwo okazyon.
-chak mwa map tounen vinn Touche kob pa'm.
-ah Galon tan je'w kale.

Elèn t'ap pede ri san pesonn pat bal blag mantre avel mwen mete'l kouche kay pastèa. Lem soti Jozefinn te kanpe bò eskalyea m'prochel.

-Ou met bag la?
-Wi. Se pa pou mwen li ye?
Nan pale li fem konnen ke prezans Elèn deranjel.
-enben poukisa ou alez avel konsa?
-li pa fem anyen, mpa ka nan kont avel men mkonprann ou wi ou anvi'm fe jalouzi.
-poukisa manvi few fe jalouzi la? Bon ou dim ou pa vlem.
-kile mdiw sa.
-janw aji montrem sa.
-ou pa ka konnpran, mdiw mpa pre pou sa, mpoko pre. Ou pa gen pasyans.
-wap palem de pasyans? Mwen? Ou konn depi kile map pasyante?
-ou pat la Kalanry, ou te ale men di ou pa ka tann kounya, ou pa ka pran pasyans avem. Ou te supoze di Elèn se mwen ou vle kounya ou kitel met on paket lot bagay nan tet li.
-se ou mvle mpa renmen Elèn se oum vle.
-evre Kalanry?
Elèn te kanpe sou mach eskalyea, mpat konn depi konbien tan li tap tande. Le tan poum gentan reyaji Elèn kouri poul antre lakay epi Jozefinn flankem on souflet epil dim: pa panse ou ka jwe avem.