Haunting Aubrey (SEXY BLACK Duology Book 1)

Chapter 11: New Side

Chapter 11: New Side

PAGKABIHIS NI AUBREY, bumaba na siya sa lobby ng hotel. Pero wala namang Chester ang nakapuwesto sa alin mang sofa na naroon.

            Tumingin-tingin siya sa paligid, hanggang sa makita na niya ito malapit sa reception desk. May kausap itong dalawang hotel concierge na agad ding yumuko bago umalis. Then sakto, may dalawang kararating lang na guest ang dumiretso sa reception area, whom to Aubrey’s surprise, ay niyukuan ni Chester.

            Hindi nga? Marunong magpakita ng galang ang gagong ‘yan?

            And Chester even smiled, making Aubrey more skeptically surprised.

            Th-the jerk smiled. Take note—smiled. Not smirked!

            Nalingunan na siya ni Chester. Nakita niya ang bahagyang pagkagulat sa mga mata nito, bago ngumisi. Napaikot naman ng mga mata si Aubrey sa pag-ngisi nito.

            Here goes that annoying smirk of his again.

            “Is there anything I can help you with, ma’am?”

            Aubrey shivered at Chester’s husky, cold voice. Nakalapit na pala ang gago sa kanya. Nang tignan niya ito, aba, nakangisi pa rin.

            “Ah, yes, yes.” Sagot ni Aubrey nang nakataas ang isang kilay. Tinuro niya rin ang nakangising mga labi nito. “That smirk on your face pisses me off. So puwede pakialis?”

            “Oh... Pisses you off? Or seduces you?”

            Seduces. Naestatwa si Aubrey sa salitang iyon. Hindi siya kumportable na lumagpas muli sa linyang namamagitan sa kanila ng lalaking ito.

            “Hmm anyway,” biglang nag-iba ang boses ni Chester, from huskily cold to casually cool. “The tour service is going to start now.”

            “Tour service?” Medyo nagulat si Aubrey. Akala niya si Chester ang mismong sasama sa kanya sa pag-iikot base na rin sa sinabi ng kanyang nobyo. Pero ayun pala, may tour service na inalaan ito sa kanya.

            Right. This hotel must be offering such service. Nagkibit-balikat na lang siya at ngumiti. Much better.

            Unti-unti nang nagbubunyi ang kalooban ni Aubrey nang makita naman niya ang muling pag-ngisi ni Chester—kasabay ng pag-unbutton nito sa suot-suot na black suit.

            “Ahuh. Tour service.” Ani Chester. “Chester Salviejo’s Personal Tour Services. So, c’mon.”

            At nauna nang umalis ang binata, habang naiwang nakanganga si Aubrey.

                                                            ***

CHESTER SALVIEJO’S PERSONAL Tour Services? Yeah right.

            Nakasimangot si Aubrey habang tahimik silang naglalakad ni Chester.

            Oo, naglalakad lang sila mula pa nung umalis sila sa hotel at walang ideya si Aubrey kung saan sila papunta. Wala na rin siyang pakialam. Isinawalang bahala na niya kung paano ang magiging takbo ng tour service-kuno ng gagong kasama niya.

            Wala na talaga siyang pakialam. Basta masunod lang ang gustong mangyari ni Justin, ayos na sa kanya. Kaso, sadyang mahirap kalabanin ang emosyon ng isang tao. Nung makarating kasi sila sa isang istasyon ng tren at sabihin ng kasama niya na sasakay sila roon, na-excite siya. Isa kasi iyon sa mga gusto niyang maranasan sa Japan. Ang makasakay sa mga public transpo rito.