في قلب الصعيد في مدينة أسيوط
في شقة صلاح عبد الله
صلاح:ألحقيني يا ماجدة أنا حاسس أن قلبي واجعني قوي أتصلي بالدكتور بسرعة أنا مش قادر أخد نفسي
ماجدة :صلاح رد عليا إيه اللي حصل ،انت كنت بخير من شوية
صلاح:بقولك قلبي تعبان كلمي الدكتور مجدي بسرعة
ماجدة:آلو دكتور مجدي ،ممكن تيجي بسرعة صلاح تعبان ومش قادر يأخد نفسه أرجوك متتأخرش
د/مجدي: حاضر يا مدام ماجدة بس هو اللي حصل
ماءجدة: صلاح تعبان الظاهر قلبه رجع يوجعه تاني
د/مجدي:ماشي متقلقيش خير إن شاء الله نص ساعة وهكون عندكم
ماجدة:حاضر بسرعة لو سمحت
بعد نصف ساعة وصل د/مجدي لشقة صلاح فهو صديق للعائلة منذ زمن ،وصل بسرعة قياسية ووقع الكشف علي صلاح ولكن للأسف سبق السيف العزل تبين لدكتور مجدي حدوث جلطة فى القلب لصلاح ولابد من إجراء عملية جراحية لإذابة الجلطة وطلب عربة الإسعاف لنقل صلاح إلي المستشفي
د/مجدي : صلاح لازم يدخل العمليات عشان ندوب الجلطة بسرعة
ماجدة:أرجوك اتصرف بسرعةيا دكتور مجدي ،انا خايفة قوي
د/مجدي:أنا طلبت الإسعاف وهتيجي كمان خمس دقايق وهنقله المستشفي عندي
بعد فترة تم نقل صلاح إلي المستشفي الخاصة بدكتور مجدي وقد اقترح بعد الأطباء الآخرين محاولة إذابة الجلطة بالعلاج اولا وإذ لم يحصل الأمر سوف يدخل صلاح العمليات
شرح دكتور مجدي الأمر لماجدة علي الوضع كله ووضعها أمام جميع الاحتمالات وطلب منها الدعاء لزوجها لتخطي الأزمة بخير ،وأخبرها برغبة صلاح في رؤيتها
ماجدة:الف سلامه عليك يا صلاح ،أنا عارفه انك هتقوم منها بخير عشان خاطرنا وعشان خاطر هنا حبيبتك والدلوعة بتاعتك ،قالت ماجدة ذلك شرعت في البكاء بشدة
صلاح:, ماجدة خليكي قوية عن كدا عشان خاطر هنا هي ملهاش غيرك دلوقتي
ماجدة:متقولش كده إن شاء الله هتقوم بالسلامة وتعيش وتجوزها هي وأخوها وتفرح بأولادهم
صلاح بصوت منخفض أجوزها عندك حق
ماجدة: بتقول حاجه ياصلاح
صلاح :,اناعايزك تكلمي فهمي أخويا وتقولي ليه يحي بسرعة ها بسرعة ياماجدة
ماجدة: حاضر ياصلاح بس ارتاح أنت
خرجت ماجدة من غرفة صلاح وقامت بالأتصال بفهمي شقيق زوجها والذي يعيش في القاهرة ويدير شركة للمقاولات خاصه به ومعه ابنه آسر
ماجدة:فهمي صلاح تعبان قوي وطلب مني أكلمك تيجي ليه بسرعة عايز يشوفك قبل،....
فهمي:ياساتر يارب ماله صلاح ياماجدة ايه اللي حصله
ماجدة: صلاح حصله جلطة في القلب والمفروض يدخل العمليات كمان ساعات
فهمي : حاضر أنا هتصرف وأنزل بسرعة ،خليكي قوية وإن شاء الله هيكون بخير
ماجدة:يارب يافهمي أنا خايفة قوي على صلاح
بعد دقائق قامت ماجدة بالاتصال بابنتها هنا كما طلب منها صلاح أيضاً بعد فترة قصيرة
هنا بصوت مختنق من البكاء: ماله بابا ياماما مش هو كان كويس وبخير قبل ما أنزل
ماجدة:أيوة ياهنا بس فجأة لقيته بيصرخ بوجع ويقول ألحقيني يا ماجدة وأنا كلمت دكتور مجدي وجينا هنا وعلي فكرة بابا قال لازم تدخلي عنده أول ما توصلي المستشفي
هنا :هو فين أنا عايزة أشوفه بسرعة
ماجدة:حاضر ياحبيبتي،بس بلاش عياط مش عايزاه يشوفك كده ويتأثر انت عارفه دمعتك غالية عليه إزاي
هنا: حاضر ياماما هحاول
دخلت هنا غرفة العناية الخاصة بوالدها صلاح ولكن لم تستطع الصمود أمام مظهره ذلك فأطلقت العنان لدموعها وارتمت في علي والدها
هنا:ألف سلامة عليك يا بابا
صلاح:بلاش عياط يا هنا أنا عايزك تسمعي الكلام اللي هقولوا دلوقتي من غير نقاش ولو كنتي بتحبيني فعلاً هتنفذيه من غير نقاش
هنا: حاضر يا بابا اللي حضرتك عايزه هعمله
صلاح:أنا عايزك،........
في القاهرة في شركة فهمي للمقاولات
فهمي:آسر ياابني عمك صلاح تعبان قوي ووأنا لازم أنزل البلد عنده بسرعة هو لازم يدخل العمليات كمان ساعات
آسر: خير يا بابا هوعمي عنده أيه
فهمي:جلطة في القلب
آسر :,خلاص يا بابا أنا هحجز لحضرتك تذكرة طيران وحضرتك روح المطار دلوقتي وأنا هظبط الشركة هنا وهجي علي طول
فهمي:وأبقي أتصل بوالدتك وقلها علي الموضوع
آسر: حاضر يا بابا وإن شاء الله عمي هيكون بخير
نهاية الفصل
ياريت تشاركوني رأيكم في الروايه
وتقولوا رأيكم بصراحة 😍😍😍
