109(جزء2)

1.5K 54 1

بواسطة Ffifi1915

بقلم Ffifi1915

#الجزء_الثاني😍🌸
#الحلقة_109
#جزء_2
🌸#Mîss_Rõssįlã🌸
#جوري_تحكي:
تكيت على الفرش..مزالني موجوعة من الولاادة ..مزالني لتوا تااعبة ..نتحسس في بطني ...لساعتين لتاالي كاانو هوني..سبحاان الله في خلقه ...تعدات لذاكرتي لحظاات ولادي اللي تفاصيله مش رح تتفسخ من مخي جملة ..مش رح ننسى طعمة وحلاوة الوجيعة المخلطة بالفرحة ...احساس لداخلك يتغير وهرموناتك تتبدل 360درجة ...احسااس يخلي قلبك لداخل يرفرف..وبدنك يشوك كله ...كبدتك لداخل تحضر بلايص لكل حد منهم ..للحظاات تعداات قداام عينيا لنك رح تحس بنفس وجيعتها وتعرف شحال ضحات على خاطرك وشتحملت ...خيالها وصورتها مش رح يفاارق عيونك طول لحظااات ولادتك ...تمنيت صورتها تكون حقيقة ...حبيتها تقرب مني نعنقها ونشبع بريحتها ...تمنيتها تبقى وتشد بايدي ..أما في لحظة تفسخ وقت تحطو صغاري على صدري يبكو ...بأجسامهم الصغرونة ...تخلطت ضحكتي بدموعي وانا نرى فيهم قدامي ...ناسية كل وجيعتي ...جيست فرحانة وقلبي يخض لداخل صدري ...من شوفتهم قداامي ...اما لحظاتنا مع بعض مكانتش طويلة ..خذاوهم مني بش ينظفوهم ويعدي عليهم الطبيب...تذكرت جااسر اللي في بااله أنو عنا زوج توامه ..بنت وولد...أكيد رح يتفجع وقت يرى الثاالث...حتى ولادتي مكانتش في وقتها ...وطلع حسابي غاالط...كنت رح نفاااتحه بالموضوع .ونحكيله على قراري اللي خذيته ..منعرفش اذا رح يفهمني ...واذا يتقبل اللي مقررتو أما رح نحاااول نقنعه ...لني مش رح نتحمل نراها وهي تتحسر على الصغااار ودموعها المحصورة داخل عيونها ووجيعتها اللي تخبيها عليا كل ماترى بطني ...تحااول تضحك وقلبها دم ..وسكاكن تقطع فيها بالساااكت مش رح نقدر نراها هك وأنا قاادرة نعاونها ونفرحها حتى لو كاان على حسااب سعادتي وعلى حسااب كبدتي وواحد من صغااري ...شفايدة اذا كنت أختها الوحيدة وأنا مناقفش جنبها ..قطع عليا سرحتي ورجعت للواقع وقت تفتح الباااب ودخلو عليا ووجوههم فرحانة تضحك ..مسحت دموعي بزربة بش مايشلق عليا حد ورسمت على شفافي تبسيمة صغيرة ...قربلي وطبع بوسة على جبيني مرصوصة ..غمضت عينيا مستحلية قربه مني ..يمكن هذا اللي أنا بحاجته في هذا الوقت ..قربه هو اللي يريحني ويحسسني بالأمااان ...هو أملي وملااذي الوحيد ..
جاسر: مبروك علينا ياروحي على سلامتك..
أنا: حمد لله صغار ملاح صحتهم مليحه..
مراد: ملااح ملااح والله كبرت يافرخة ووليت أم ...
قربلي وعنقني ...مبروك ياروحي يتربو في عزكم..
قيصر: ابعد ابعد ...صار دوري ...نباركلها ...
ضحكت على هبالهم ..وتخرنينهم وغيرتهم من بعضهم ..شكون كاان يقوول يجي نهاار ونفرح ويولي عند بدل اخ واحد اثنين ..حمدت ربي في سري ...بعد كل عتمه يجي الفجر وبعد كل ضيق يجي الفرج ..حمد لله ..
قيصر: مبروك عليك يتربو في عزكم ..وترى احفااد أحفاادهم ..وتنهد تنهيدة هدتني وكسرتني ..غفلتني دمعة تحرق على خدي حاسة بوجيعتهم اثنينهم ..
أمي: حمد لله على سلامتك ياروحي ..
بابا:مبروك ياااروحي ..حمد لله شفت احفاادي قبل لا تناام عيني ..
أنا: بعيد الشر عليك ...ربي يطول في عمرك ..مخمم تخليني لهذو اثنين ياكلوني بلا ملح ...
شهد: ههههه عندها حق عمي..ايه شقررت تسميهم..
أنا: البنت جاسر مقرر يسميها وخزرتله نستنى فيها يحكي..
جاسر: قررت نسميها #جيلان ..هو صغير الغزال معناه الصفااء والنقااء نشاء الله تكون اسم على مسمى😍..كيف أمها وغمزني ..ناسي أننا مش وحدنا ..
قيصر: اسم حلو ..اييه وانت شقررت تسمي الولاد ..
أنا: واحد أسمه #أصلااان وانت سمي الثااني 😍
قيصر: من نيتك ...قصدك نقدر نسميها ..فرحتني ياروحي ..
جاسر: هااخطيني من المشااعر هيا اعطينا اسم ..ازرع ينبت ..
مراد: ياخوفي يسميه قدور 😂😂
شهد: اسكت يا مهبوول ديما مبهدلنا ..
قيصر: قال قدور قاال ...قررت نسميه #أرسلان..شرايكم
شهد: أساامي حلوة تهبل ..مش هكا أصيل عجبوك ولاد خاالك ..وهو تقول فهمها يضحك ويسفق بايديه الصغرونين..
كهينة: عااشت الأسااامي ربي يطول في أعمارهم ويتربو في عزكم يااولادي ..
نجية: مبروك يابنتي يتربو في عزكم نشاء الله ..
جااسر: يبااارك فيكم النااس الكل ..
نخزرلها قاعدة لتالي مهبطة راسها وتلعب باصباعها داخلة بعضها ...سااكته من وقت جاات مانطقت بولا حرف .. أما دموعها المحصورة لداخل عيونها تحكي ..ووصلتلي برشا كلااام ...خلتني نتأكد أنو قراري صحيح ..
أنا: أختي علاه قاعدة فما ..ايجا قرب ولا مش رح تباركلي ..شبيك بعيدة ..
منيار: ايه ...اه..مبرووك (نطقتها بغصة واحلة لداخل حلقها متااع بكااء) يتربو في عزكم ويطول في عمرهم..
غمزت مراد بش يخرجهم النااس الكل لازمني نحط حد للحكاااية ونحكي من جااسر ...ياااربي يوافقني ...ويفهمني ويتفهم احساسي وتخمامي ..ومايفسرش من عنده ...وبطبيعة فهم عليها وقلي خليها عليا وقت عمل بايده👌👍..حركتنا وقت نتفاهمو على حااجه ..
مراد: هياا ياجمااعة يقولو زيارة المريض قصيرة ..بلا مانعملو زحمة هوني ...هيا ..
نجية: ايه عندك حق ..
شهد: جاسر رد بالك عليها ..وعلى الصغاار ..وانتي اذا احتجت حاجه من غير ماتنسى انا هوني ..هيا بسلامة..
استنيتها تحكي شي ..تعنقني ولا تقربلي ..أما عطااتني بظهرها وخرجت من غير ماتتلفت وراها ...
قيصر: سامحها ياروحي امسحهها فيا ...مهم انت تهلا في روحك ومنيار متخاافش عليها انا بحذاها..جاسر بلا منوصيك عليها .
جاسر: اللي تحكي عليها روحي كون مهني ..
أنا: طمني عليها وقت تهدى عيش خويا ..#يتبع