كرونيك :حب تحت رحمة التقاليد 💕الجزء الثاني 💕

107

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_107
#الجزء_1
🌸#Mîss_Rõssįlã🌸
🌸بعض المشاعر أعمق من أن تترجم🌸
🌸واقفة مقاابل المرايا ...تحطلها في الرتوش الأخيرة من المايكاب ...كرشها مكعبرة قدامها ...أما فرحتها رح تنطق من عيونها ...مش سايعتها الدنيا ..أنك ترقد وتفيق وتلقى عندك أخت وأخ ...حاجة تفرح وتخلي قلبك يطير من بهجته...صحيح صاار بيناتهم برشا مشاكل وكبرت الفجوة بينااتهم...أما رابط الأخوة الي بينهم ...خلى كل شي يرجع لبلااصته ..وصحيح كيف ماقالو نااس زماان عمره الدم يولي مااء ...وعلاقتك بخوك ولا بأختك مش رح تتكسر وتنهد بمجرد أنو يهزها الريح ...دمعتها محصورة في عينيها ...وقت خسرت كل شيء ...وفقدت أملها من الدنيا...ربي عطاها فرصة ثاانية ..عطاها العايلة الي تحرمت منها السنين هذي الكل ...وربي رحيم وكريم ..ديما وقت تيأس يعيطك دافع وأمل جديد بش تاقف على رجليك من جديد..
جوري: كملنا ...خمووس وجبريل على اختي المزياانة ..طالعة تفتق ..اليوم يتجلط قيصر خويا 😂😂..
منيار: جوري أنتي علااه طيبة لدرجة هذي ...علاه قلبك رقيق ومسامح ..رغم كل شي عملتو معااك ..(سكتتها وقت حكاات)
جوري: اشششش...من غير مااتكمل ..الي صاار صار في المااضي ..وأحنا ولااد اليووم ...أنا نسيت كل شي ..وأنتي أنسى ..ومن غير ماتخمم شيء...ساامحتك من زمااان ..أنتي أختي قطعة من روحي ...ورد بالك نسمعك عاودت الكلااام هذا ...مرة أخرى...اليو م نهاار فرحتك ملا من غير ماتنغسها بكلاام كيف هك ...تسمع فيا ...
منيااار: مغسي ياروحي ربي يخليك ليا ..ولا يحرمني منك ..حمد لله طلعت أختي ...تعرف من صغرتك كنت نحلم أنو تكوون عندي أخت ...وحمد الله ربي حققلي أمنيتي ...(سكتت ..وقت شافت وجهها تغصور وحطت إيدها على كرشها كأنها موجوعة)..جوري شبيك موجوعة..احكي ..شبيك؟؟
جوري: ههه مليحة ..مابيا شي ...جيست الصغاار حركتهم زايدة أياام هذي ...وهما توا يضربو في بطني بقوة كأنهم فرحانين لفرحة خالتهم...اعطيني ايدك ...قربتها منها ترجف ...وحطتها على بطنها..وقت حست بحركتهم ...شي لداخلها تحرك وخلى قلبها يدق بسرعة...حسسها بوجيعتها ونقصها ...ذكرها بصغيرها اللي خسرتو ...ذكرها أنها نااقصة ...مش رح تحس بطعمة المشااعر هذي طوول حيااتها ..مش رح تكوون أم..غفلتها دمعة سخونة طاحت تجري على خدها ...جاات تمسح فيها ...سبقتها جوري وقت حطت إيديها على وجهها محاوطتو وسطهم ...
جوري: فاهمتك وعارفة أحساسك ..أما هذي ارادة ربي العالي...شكونا احنا بش نعارضوه ...أما صغااري هما صغاارك ونوعدك يااروحي أنك رح تكوون أم على قريب ..
منياار: شقصدك ...على شنوا تحكي ...
جوري: مااقصدت شي ..اييه اذا قعدنا نحكو والله يهجم علينا قيصر هوني ...(دخلت بعضها وحاولت تلف الحكااية) هيا امسح دموعك ...اليووم لازمك تضحك وتفرح ...هيا عيش اختي خلينا ننزلو...
لابسة روبة في أبيض ...مكبوسة من فوق ..ومفروضة من تحت ...مواتيتها عاللخر...حاكمه شعرها الكل لامتو ضفيرة ...وعاملة مايكاب فينو عاللخر ..وهاادي ..طاالعة تفتق ...وجوري كيفها طالعة حلوة ...لابسة روبة في الأصفر ..وشعرها مسيبتو على كتافها مموج وهايج ..أصفر كيف الشمس ..حاطة مايكااب هادي وفينو ...نزلو مع بعضهم ..تسايس فيها ...لنو صايره رزينة ...في شهرها الثااامن ...مابقااش على ولادتها برشا ...منياار راحت للكوزينة وجوري راحت للصالة وين قااعدين الجمااعة ..
#يتبع
#Mî_Rõ