كرونيك :حب تحت رحمة التقاليد 💕الجزء الثاني 💕

103 جزء 2

#الجزء_الثاني😍🌸
#الحلقة_103🌸
#جزء_2
🌸#Mîss_Rõssįlã🌸
جوري: إيه ..يا خويا انت لازم تعمل بالأصول( وخزرت لمنيار بخبث وغمزتها)ضحك جاسر على هبالها فاهمها لشنيا تخطط؟
جاسر: حضر روحك يااخوها الغااالي قتلك ماتفرحش برشا..لنو حد مايقدرلها .
قيصر: شقصدك ؟
مراد: إنه كيد النسااء ياقيصر ..اتحمل جاات دالتك😂
سيف: والله حد لا يقدرلكم ،خلو الولد في رااحته
جوليا: هههه اختي جوري على شنوا ناوية.
شهد : والله عينيها ماتبشر بالخير ملا حضر روحك .
جوري: انت لازمك تطلبها مني وانت من اللحظة هذي ممنوع تشوفها ،حتى تكوون مرتك رسمي..
منيار: ياجوري يهديك ربي مش هكا .
جاسر: صحيتك مرتي الغزالة .حد مايقدرلك،أما مش كثرتلها شوية (معنقها ويحكي ،يجبد بالمستريح على قيصر).
قيصر: بابا أمي نجية قوولو حاجة يعيشكم.
منصف،: والله أنا ماندخلش بين الأخت وخوها .
نجية: الحقيقة جوري معااها حق والأصوول تقوول هكا ..وإذا مش عااجبك ملا ازرب رووحك .
قيصر: تحبي دووك نخطبها والله ماعندي مشكل
مراد: 😂😂😂😂😂 ملا مهبوول ماصدقت اللي انقاالك .
قااطعتهم فااطمة وقت حكااات: فاطمة:آغا صاار وقت أدوية مداام كهينة ولازمها ترتاااح.
جاسر: بااهي أنا نطلعها لبيتها وأنت الحقني بالأدوية متاعها(هزتله راسها بمعنى باهي ) هيا أمي لازمك ترتااح هيا قووم معاايا .
كهينة: ج...ج....ج...جاااااس....س..سر..عينيه دمعت من فرحته ..أمه قدرت تنطق واسمع صوتها الجويد،صحيح متقطع ،وحروفها ضاايعة ،أما ميهمش المهم أنها رجعت تحكي ومع الوقت كل شي يرجع كيف قبل ،باسلها إيدها بوسة مرصوصة..الكل فرح لنها وأخيرا نطقت بعد السنين يمكن اليووم حست بالأماان الي فقدته سنين لتاالي حست بدفئ عايلتها ،وبذلت جهدها أنها تنطق وأول كلمة كاان أسم ولدها ونور عينيها،ياترى هذي اللي يقول عليها السعاادة ،وقت ترى احباابك ملمومين بحذااك وترى حبهم وعاطفتهم الكبيرة..وقت تحبك العباااد من غير ماتستنى انك تكافئها ،تحبك جيست لنك أنت ،تحبك لذااتك وهذا هو الحب النظيف حب العايلة ودفئ لمتها وقوتها وقت تكوون إيد وحدة.🌸
#يتبع