110

1.5K 51 0

بواسطة Ffifi1915

بقلم Ffifi1915

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_110🌸
#جزء_1🌸
🌸#Mîss_Rõssįlã🌸
🌸يامن ينزف الحب من هوائها ومائها 🌸
🌸لدي حبيبة نصفها لون الورد🌸
🌸لو جعلت العالم ملكي بكل مافيه 🌸
🌸لن يكن بحجم قيمتك🌸
🌸حبنا الذي يدق في روحي أسمعه في كل صوت🌸
🌸تلك الروح التي هي حبها أبدي بداخلي 🌸
🌸أستنشقها في كل نفس 🌸
🌸أنا أعرف بالروح وعشقي الأول وحبي الأخير 🌸
🌸حبيبتي الوفية عندما أتقاسم حزني بمشاكلك🌸
🌸فأنت هي هبة عمري 🌸
#قيصر_يحكي:
خرجت من عندهم حالي يعلم بيه ربي ...ربي يخليلهم صغاارهم أما غرت تمنيت كاان ولدي مزاله عايش كانه تولد ..يمكن كان بين إيديا ..كنت خذيت نفس من ريحته الي كيف المسك ..كنت شديت إيديه الصغاار وعرفته عليا ...كنت اخترتله اسم كيف ماعملت مع صغير جوري ..كنت ضميته لصدري ومسحت على ظهره بش يهدى ويبطل بكى ..أما بايديا دمرت كل شي ..ودمرت منياار معايا ..وحرمتها من احسااس كانت تحسه أي إمراة وتتمناه ...صحيح تضحك أما ديما فما نظرة الحزن وكسرة الخاطر مرسومة على ملامح وجهها وتخليني ننقم على روحي أكثر وأكثر ...مسحت دمعتي وأنا نخزرلها تبكي بحرقة من بعيد قااعدة على كرسي متطرف في جنينة المشفى ...كرهت روحي ...كبست على البونية متااعي ..باقي عاجز واقف نرى فيها تذبل كل يووم قداامي كيف الوردة ...عديت ايدي على وجهي وتنهدت تنهيدة تهد الجباال ..ومشيت ليها ..وقفت وراها بالضبط ..زفرت بقوة نستجمع في طرف القوة الي بقاالي ..وترميت بحذاها على الكرسي من غير مانحكي شي..حاسس بروحي تتسحب مني غير بشوية ..نخزرلها مسحت وجهها بزربة ..وتحاول ترسم في تبسيمة على شفافها بسيف أما دموعها مخلاتهااش ..جبدتها عندي ..ولزيتها أكثر ..كان لقيت ندخل في وسط ضلوعي ونخبيها من الناس الكل ..كان قدرت كنت خذيت وجيعتها الكل ..كنت خففت عليها ...بقيت نمسح على شعرها ...بديت نحكي:
أنا: ابكي..ابكي فرغ لداخلك الكل وبعدها نحكو ..أنا بحذااك ..تمنيت ناخذ وجيعتك الكل ونخلصك من آلامك الكل ...ساامحني لني السبب ساامحني ..سكتتني وقت حطت صوابعها على شفافي ..خرج صوتها مغصور وسط دموعها :
منيار: من غير مااتكمل ...هذا قدرنا وأنا راضي بيه..صحيح قلبي يحرق وصدري ناره لاهبه ...تعرف شحاسه ..سكاكن نخرت قلبي ..لداخلي فاارغ وهوني فاارغ ..حطت. ايدها على بطنها ..مش رح نكون أم ولا نخليك تكوون أب علاه تزوجتني علااه مزالك بااقي هوني ..علااه
قلبي دم على حالتها وحاسس بكل حرف يخرج من فمها
أنا: هشسس أسكت اهدى عيش حبي ..أنا معااك هوني لنو حاجتي بيك ..نحبك نحبك كيفاه نفهمك ...شرايك نتبنو صغير ونربوه ..ولا نجربو أم حاضنة شرايك ..
منياار: أنت تفدلك عليا عارفه مش رح تقبل نتبنو طفل ..ورفضك للحكااية ..
أنا:علاه سألتني خذيت شوري وقتلك لا ..
هزتلي براسها لا ..وبعدها تبسمت وعينيها زادت لمعتهم
قصدك نتبنو صغير ويولي ولدنا ..
أنا: إيه ..هيا البكاية نتاعي امسح دموعك ..الناس مفكرتني ضربتك ..من قبيل يخزرولي ..
منيار: ههههه هاني مسحتهم..
أنا: شرايك نروحو دوك للميتم ...وانتي اختاار بنوته ولا ولد ميهمش الي يرتاحله قلبك نتبنوه ..ونسرعو في إجراءات ..وكل شي يصير كيف ماتحب ..ورد بالك تبكي مرة أخرى لنو دموعك تقهرني ..نبقى عااجز ..
منيار: باهي هيا تحمست نشوف بنوتي 😍..
أنا : هيا ملا قووم ..
قمت وقومتها في جرتي شبكت إيدي في إيدها ..وخرجنا مع بعضنا من المشفى...مرات لازمك تتنازل على خاطر محبوبك ..تضحي بش ترى ضحكته ...لنو كل شي يهون وقت ترى تبسيمته ماليه وجهه ...هذا هو الحب تضحية ..امان ..ثقة ..مفمااش كرامة وكبرياء وقت يكون حب حقيقي متبادل بين الطرفين ..ولكن في حلاله وفيما يرضاه الخالق🌸نسوق في الكرهبة وكل مرة نرمي عيني عليها ..متحمسة وعاطية ماعندها تحكي على الصغار وكيف رح تهتم ببنتنا ..وكيف تمدلها الحب ..مش مركز مع كلامها برشا ...قد مامركز مع ملامحها وشفافها كيف تتحرك ..وحواجبها كيف تعقد فيهم..وعينيها الي مرة يغماق لونهم مرة يتغير ...كأني نحفظ في تفاصيله في مخي ..منعرفش مخي وين كان وقت كنت مهووس بجوري ..كنت غبي وقتها مرات الحب قدامك وانت مش منتبه ..حمد لله افهمت روحي قبل لا نخسرها ويفوت الفوت ..كنت بقيت نادم طول حيااتي ...وصلنا للميتم ..نزلت ورحت لجيهتها وفتحت البااب ..استنيتها نزلت ..وشديت ايدها ودخلت أنا وياها وبطبيعة موظفة المسؤولة استقبلتنا . خليتها تتفاهم مع المحامي وطلبت منهم يدلونا على بيت الصغاار ..بطبيعة من حماسها سبقتني راحت وخلاتني ..بااقية تتفرج عليهم بالواحد ..وقفت عند الباب نتفرج عليها ...أما شد إنتباهي صغيرة موجودة في سرير على الزاوية ..قربتلها غير بشوية وقعدت بحذاها ..راقدة ماحاسة بشي ..ملفوفة في شال وردي ...عديت إيدي على خدودها الموردة ..بشرتها ناعمة برشا خلت بدني يقشعر ...وقلبي يخض بالقاوي داخل صدري..حطيت إيدي على طرف إيدها إحساس حلو تملكني ..كأنها قطعة مني ...طلعت راسي لقيتها مقابلتني تخزرلها حتى هي ...قامت الصغرونة تبكي ...حملتها بين إيديها غير بشوية وضمتها لصدرها وبقاات تغنيلها حتى هدات..وسكتت ..قطعت عليا سرحتي الموظفة وقت قربت مني تحكي:
#يتبع