كرونيك :حب تحت رحمة التقاليد 💕الجزء الثاني 💕

(The_End) النهاية

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_الأخيرة
#part_2😍
🌸#Mîss_Rõssįlã🌸
🌸ركبت على الفرس متاعها ...وتوجهت للهضبة ..للجسر الي كان يحمل همومها ...كانت تشكيله مشاكلها وتفرغ قلبها مراات تبكي من قهرتها من عمايل بوها وتهنتيله ..كانت تخااف انها تشكي لمراد ..تخاف تعمل مشااكل وتكبر الأمور فيما بينهم ...مع الهوى الي يضرب في وجهها والريح الي يلعب بشعرها ..وفرسها الي تجري استرجعت كل لحظاتها وماضيها مع الجسر ...مسافة الطريق...ووصلت لبلاصتها ..خلات الفرس تنقص من سرعتها وبقاات تمشي بيها غير بشوية ..حتى وصلت للجسر ...بااقي طالعة تمشي عليه ...حتى لمحته عاطيها بظهره فوق حصانه الأبيض كيف فارس الأحلاام ...بجهامته القوية ...حتى صاارت مقابلتهو..بقاات تدور بحصانها وهو كيفها ...تقول أول مرة يشوفها ..باقي يخزرلها ويعشق في ملامحها ...وبعدها نزل من على الحصاان وربت عليه غير بشوية خلاه يمشي بهدوء..تلفتلها مدلها إيده عاونها تنزل ..وقت شدها من خصرها ..وجهها مقابل وجهه وأنفاسهم تخلطت ببعضها ...مشات الفرس متاعها ..حط جبينه على جبينها وبقى يرد في النفس مرهوج من قربها مركز مع شفافها .. من غير مايتحمل أكثر غطس فيهم يروي في ضمأه ..مرة يكبس مرة يرخف ..بادلته وقت دورت إيدها على رقبته...مابعدو على بعضهم كاان وقت انقطع عليهم النفس ..حاطين جبهتهم على بعضهم ..يردو في النفس ...حاولت تجمع حروفها اللي هربت منها ..كبست على صدره بقوة ..وبعدها نطقت:
جوري: من وين تعرفها البلاصة هذي..
جاسر: توحشتك ..مشتاق لأنفاسك ..لهواك ..للشفافك وشهدهم ...مشتااق للهفتك ولهوتك بيا ..متوحش كل شي فيك ...
جوري: حتى أنا ياروحي..
جااسر: حبيت نجيبك لأول بلااصة صادفتك فيها ..لأول بلاصة جمعتني فيك ..وخلاات أسيرك طول العمر..
جوري: شقصدك مافهمتش..
جااسر: نهارتها كنت معصب من المختار اللي قرر ينهي العداوة بين عشيرتين في اني نخطب منيار ...خرجت من المجلس وخذيت حصااني ...معرفتش لوين نروح ..أما لقيت روحي هوني في البلااصة هذي...أما خمم شلقيت قدامي ...
جوري: امممم شلقيت ..
جاسر: لقيت بنية تقول جنية ...شعر أصفر مسدل على كتافها ...وعيون عسلية كبار يئسروك وقت تركز معاهم بدن منحوت كيف حورية البحر ...عاطيتني بظهرها وصوت شهقاتها واصل لآخر النهر هذا ..حبيت نعاونها ...أما هي خاافت وعطاتني بظهرها وهربت تجري من غير ماتتلفت وراها ..
جوري: يعني كنت أنت نهارتها ...
جاسر: إيه ياروحي ..وإنت نسيت حااجة ..وقت هربت ..
خرج السلسلة من جيبه وفتحها ..حطت إيديها على فمها وعينيها معبية دمووع ..
جوري: خممت اني ضيعتها ...كانت الذكرى الوحيدة من أمي ...من ريحة أمي ربي يرحمها ...قداش دورت عليها أما ملقيتهااش..
جااسر : كاانت عندي ...كانت أول وآخر مرة ريتك فيها ..مكنتش نعرف أنك أخت مراد حتى نهارة زواجنا ...كنت كل مرة نقول نعطيهالك وبعدها نبطل ..
جوري: علاه ..
جااسر: استنيت الوقت المناسب ..وحبيت وقت نرجعهالك تكون في وقت سبيسيااال ..
حطلها شعرها على جنب ..ولبسهالها ...طبع بوسة مرصوصة على رقبتها رهوجها ..غمضت عينيها مستحلية قربه ولمساتها ...دورها ليه ..وبقى يمرر في إيده على خدها بحنية وإيد أخرى مدورها على خصرها لازها ليه..
جااسر: حلمي تحقق وجنية متاعي رجعتلي ...قصتنا بدات هوني ...صحيح حبنا ترعرع وسط العادات وكان عشق تحت رحمة التقاايد أما قوته كانت أكبر من الظلم والإستبداد اللي حاولت تدمره...بقى صاامد يمكن هذا اللي يحكو عليه الحب الحقيقي ..
جوري: مش حبنا وحده الي كان تحت رحمة التقااليد ..كل حد فينا العادات تحكمت في حياته وخلاته يعيش تحت اظطهادها أما رغم كل شي وقت حطينا الإيد في الإيد قدرنا نتغلبو على التقاليد المظلمة وغيرنا منها ...وخلينا حبنا يرى النور ..يعني بعد كل معاناة كل حد فينا القى الي حاجته فيه ...وكل حد استعرف بأغلاطه ولقى نصفه الثااني ...قربلها أكثر مش قادر يتحمل قربها وهي بين إيديه ..استسلم لأحاسيسه وخطف بوسة من شفافها كلاهم ماكلة ..وختمها بعضة صغيرة ...بعدها دور إيديه على خصرها معنقها كان لقى يدخلها لداخل صدره ويخبيها وسط ضلوعه🌸
🌸وفي عينيك جنة...وعلى حافة ثغرك أنوي الإعتكاف...
في عناقك رحمة...وفي كفك وسم الحيااة...🌸
#The_End
الحب إنتماء ..الحب ثقة..الحب راحه..الحب تضحية..الحب أمل قبل لا يكون ألم ..حكايتنا كانت قصة حب عاشت وسط عادات فرضت عليها تتمرد وتصمد وتلقى طريقها ..لنو مرات العادات تفرض عليك تتمرد وتخلق طريقك بايدك ..نتمنى كنت خفيفة الظل عليكم ..نتمنى تنال اعجابكم الحكااية ...يمكن فيها برشا أخطاء..يمكن نقصت تفااصيل ..أما بعد جهد كبير كملتها بحلوها وبمرها ..كسبت منها فانات وبناات حلوات وعسلاات كيفكم ..ملتقانا في كرو أخرى ..#حبكم
#M

النهاية
نشالله تكون عجبتكم حكاية اليوم  نتلقاو في حكاية آخرى نسحق آرئكم على الحكاية هنا  وماتنساوش جام على الحلقات نحبكم ياسر و مرسي على تفاعل تعكم 💝💝💓💓