#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_الأخيرة
#part_1😍
🌸#Mîss_Rõssįlã🌸
🌸أشرقت شمس جديدة ...اشعتها دخلت لكل ثقب وبعثت النور ..والطمأنينة ..في القصر الكبير..حيطانه كانت شاهدة على كل تفصيل على حياة وأسرار كل حد عااش داخله..حيطانه كانت شاهده على كل شيء..لكنه يبقى مأواهم وملجأ العايلة الكبيرة ..اللي تلمت بعد سنين وولاات إيد وحدة..روح وحدة..نفس وحده..قوة وحده..تبنات من جديد على اساس صحيح ..الي هو المحبة ،الثقة،وولات مترابطة أكثر ..صوت ضحكاتهم واصلة لبرى ..ملمومين على طاولة الفطور ..متبادلين الحديث..عيونهم ماليتها البهجة ..كل حد فيهم لقى اللي حاجته فيه ودور عليه هذا زماان ...
مزالها راقدة لتوا ..بحكم بايته سهرانه مع الصغار الي تعبوها ..كل ماتقول رقدو ارتحت ...يفيق واحد فيهم ..عاملين فيها العماايل قريب تقطع شعرها ..الصغار باهيين وخايبين في نفس الوقت ...فيقها صوت التلفوون الي ينوقز ..حرم عليها النوم ..فتحت عينيها ..وبقات تحوس عليه بايدها حتى لقااته ...تلقااه جاسر ..خزرت لبلاصته تلقاها فارغة ...ردت عليه بصوت النووم:
جوري: ألو ..
جاسر: صباح النور ياكسلانه ..لتوا لاصحصحت ...
جوري: ايه كان فقت وشفت ولادك شعملو فيا ...ماحضرتك آخر همك ..
جاسر: من غير ماتبدى في أسطوانة نفس اليوم. عيطتلك حاجتي بيك ..
جوري: غير الخير ..شتحب على صباح ربي ..
جاسر: صايرة هك ...باهي حضر روحك بعد ساعة يجيك أشرف ..وبعدها نتفاهمو على الكلام الزايد ..
جوري: علاه وين تحب يجيبني ..
جاسر: هيا بوساتي مرتي الغالية من غير ماتسأل بااي..
وسكر عليها الخط ...تعجبت من أمره على شنوا ناوي ..وبعدها قامت من بلاصتها ..تلقااهم راقدين كيف الملايكة ..اسخات تفيقهم ..
جوري:ياروحي محلاكم ومحلى زينكم هكا تعبو ماما وصباح تصبحو راقدين ..مايجيش راهو ..ماما تتغشش منكم ..انتو ارقدو وانا ندخل نعمل دوش نرتح فيه روحي من غير ماطالعو صوت ..لازمني نحضر روحي بابا يستنى فيا ..ارقدو ياروحي...
خذات المنشفة ودخلت لبيت البااانو ..عملت دوش رتحت بيها أعصابها وبدنها ...وقت كملت لبست روبة في الأزرق وخلات شعرها مموج طايح على كتافها...وعملت طلة على الصغار تلقاهم مزالهم راقدين تقول حاسين فيها ...طبعت بوسات صغار على خدودهم بالواحد وخذات نفس من ريحتهم وخرجت من البيت ...فرحانة وعقلها يخمم في اللي مخبيهلها جاسر ..نزلت الدرج تلقاهم الكل يفطرو وعاملين جو...صبحت عليهم :
جوري: صباح الخير عليكم ..الولاد الفوق راقدين حضرتلهم حليبهم كان فاقو رضعوهم ...ومن غير ماتخمو غيرتلهم ..ومن غير ماتتعاركو ..هما ثلاثة وانتو ثلاثة كل وحده تتلهى بواحد منهم ..من غير مانوصي..
منصف: هههه وصي وعاود عيش بنتي لنو ديما متعاركين عليهم شكون تبدل وشكون تحملهم ..
منيار: عندك حق بابا ...حمد لله متلهين مع ولاد جوري ومخلييني مع بنتي في راحتي(كانت خايفة مايتقبلوش حكاية التبني أما بالعكس تقبلوها وفرحولهم ،جوري كانت رح تفاتحها بالموضوع أما وقت عرفت بقصة التبني بطلت وخلات الموضوع بينها وبين جااسر ،وحمدت ربي لنو القدر كان ليها كلااام آخر ،لنها كانت رح تفرق ولادها على بعضهم وتغلط غلطة حياتها ،وخصوصي توأم حساسين ببعضهم ميسمحش يتفرقو على بعضهم لنو ولا حد يقدر يعيش بلاش لآخر) ..
جوري: صاار يالالة ...متفاهمين عليا ..
شهد: وين بيها بالحطة هذي ..طالعة تفتق ..
جوري: أنا بيدي منعرفش ..خوك قال أشرف يوصلك ..
مراد: صحه ليكم ..هيا من غير ماتطول على الراجل ..
جوري: هيا بسلاامة ..خالتي فاطمة اتهلا من غير مانوصيك اذا اتعاركو اتصرف ..
كهينة: اتهنى يابنتي آخرتها رح نتفاهمو من غير ماتتقلق ..
خديجة: روح وطمن بالك الصغار في أمانتنا ..
جوري: بااهي ...
عطاتهم بالظهر وخرجت من الباب ...تلقى أشرف يستنى فيها ...جاات رايحه للكرهبة وقفها يحكي:
أشرف: مدام ألآغا موصي على الفرس متاعك ...
جوري: تحكي من نيتك وينها ...ليا برشا هاملتها وماشفتها ..
شاورلها بايدو على يمينها ...فرس أصيلة سوداء كيف الليل ..مسميتها #جنيك ...راحت تجريلها وعنقتها ..وهي تمسح عليها بحنية ..
جوري: قداش متوحشتك ..نعرف قصرت في حقك ..أما الظروف فوق طاقتي ..صحلت كأنها فاهمة عليها شتحكي ..قطع عليهم الكلاام وقت حمحم:
أشرف: مدام الآغا طلب تروحي للهضبة وين الجسر ..قال مضربك اللي كنت متعوده تروحله ..
جوري: شقصدك..من وين يعرف بمضربي ..مستغربة من الحكااية ..اما لازمها تروح وتفهم بوحدها ..
أشرف: هذا الي وصاني نعمله والباقي عليك ..
جوري: بااهي يعطيك الصحة ..كمل خدمتك ..هيا ربي يعينك ..#يتبع🌸
#Mî_Rõ
أنت تقرأ
كرونيك :حب تحت رحمة التقاليد 💕الجزء الثاني 💕
عاطفيةهذي تكون تكملة للاجزاء لي مزالو ماقدرتش نكملهم في فرد كتاب
