109(جزء 2)

1.5K 52 0

بواسطة Ffifi1915

بقلم Ffifi1915

#الجزء_الثاني😍🌸
#الحلقة_109
#جزء_3
🌸#Mîss_Rõssįlã🌸
#جاسر_يحكي:
نرى في حالتها..وفي دموعها المحصورة داخل عينيها وهي تتهرب بيهم مش حابة تخزرلي ..داخلة بعضها وتلعب بصباعتيها ...عرفت فما كلام على لسانها...أما مش عارفةمن وين تبدى...نفهمها من نظرة وحده...هي كيف الكتااب تصفحتها صفحة صفحة وسطر سطر ...حرف حرف ...نعرفها كيف تبدى هك ...قعدت بحذاها ..وحاوطتها بايدي لزيتها ليا ...حطيتلها راسها على صدري ..وبقيت نمسح على شعرها ..ونحكي معاها فرد وقت:
أنا: شبيها صغرونتي ...شبيها بنتي داخله بعضها ..احكي رتح روحك ..نسمع فيك ..
جبدت راسها من عندي وعدات عينيها على تفاصيل وجهي الكل ...وبعدها خزرتلي في عينيا كأنها تترجى فيا معرفتش شبيها وعلاه خايفة ..بدل ماتكون طايرة بالفرحة وتضحك ..وبعدها هبطت راسها ونطقت:
جوري: يعني اذا حكيت مش رح تتغشش مني ؟!
أنا: علااه نتغشش عليك ..مفهمتش ..انطق الي عندك لني مش متحمل ؟!
جوري: أوعدني بالأول تسمعني لتاالي ومن غير ماتقاطعني ..وبعدها احكي الي عندك ..
قربتلها مسحت على خدها وبعدت خصلة من شعرها كانت مقلقتها :
أنا: مش فااهم الي تحكي فيه ولوين تحب توصل ..أما نوعدك نسمعك ..وانت احكي من غير ماتوترلي اعصاابي أكثر ..تخوف فياا رااك ..
شدتلي إيديا وسط ايديها الصغرون كأنها تستمد في قوتها منهم وخزرتلي في عينيا وبدات تحكي:
جوري: متذكر نهار الي عرفنا جنس الصغار ..وقتها الطبيب قالك أنو عندي اثنين توامه بنت وولد..انا نبهت عليه يخبي حكاية الثاالث ..حتى للوقت المناسب كنت رح نحكيلك أما حسابي طلع غالط وولادتي جاات على بكري ..
أنا: انت تسمع في اللي تقوول فيه ..أنت كذبت عليا ..منعرفش السبب ..أما مايطلعش اللي نخمم فيه ..
وقمت من بحذاها كابس على بونيتي مش حااب نفرغ غشي فيها ولا نزعفها مني ..مزالها نافس ..وقفت بحذى النافذة نخزر لبرى ..نحااول نستجمع في أفكااري ...عاطيها بظهري ...مش حااب نصدق الي يدور في مخي ..هي بكلامها وبعملتها حطتني تحت الأمر الوااقع مخمتش تسألني ولا تااخذ راي في الحكااية كأني مفمااش ..من غير ماتكمل عارفه شناوية تعمل ..شهقاتها الطالعة فيقوني على وضعي ..وخلاوني نتلفتلها ..ضربت البونية متاعي على الحيط من العصب ..لنو دموعها تعجزني أكثر ماأنا عاجز ..قربتلها ورجعت قعدت بحذاها ..حطيت ايدي على ذقنها طلعتها راسها ..وحطيت جبيني على جبينها ..مدور ايديا على خدودها الي حماارت ..وبديت نحكي بشوية نهدي فيها:
أنا: علااه البكااء آاه ..اشش اسكت ..تقتل فيا رااك ..أنا وين من قرارك وين آااه خممت فيا ...خممت في صغارنا ..خممت شكون بينهم اللي رح تعطيه ..مفكره حاجة صغيرة ..حتى القطة وقت تخااف على صغاارها تااكلهم ..وانت حطيت على جرحك ملح وحااب تمد صغيرك لأختك ...
جوري: أنا ...أنا جيست حبيت نفرحها ..حبيت نرى ضحكتها ..حبيت نلملم كسرتها الي في وسط عيونها ..حبيت نشفي جرحها حبيت نلم خيبتها ..حبيت نعطيهم أمل يعيشو على خااطره..افهمني ..والله هذا الي حبيته ..
أنا: فااهمك يااروحي ..أما انتي حااضرة ..فكرك رح نعيشو بعيد عليه ..من غير مانشمو ريحته ..من غير مانحضنوه ..رح نتحملو فراقه ...فكرك رح نتعايشو مع وجيعة على حسابهم ..
جوري: فكرك مش نتحرق ...كبدتي تنحرق لدااخل ..أما قلبي دم على أختي ..وسكاكن تنخر في لحمي وأنا نرى فيها مكسورة ..نظراتها وحصرتها مفارقتنيش جملة ..مش قادرة نتحمل أكثر ..وتفلقت بالبكااء ..ترمااات في حضني ..مكبشة في صدري تبكي بحرقة ...غفلتني دمعة طاحت على خدي تحرق ...نكذب كان نقول حالتي أحسن منها ...أما أنا أكثر منها ..من جيهة تكوي ومن جيهة تشوي ..ماعرفت نوافق نكون ظلمت صغيري ...ماعرفت نرفض نكون كسرتها اكثر ماهي موجوعة...ونزيد على نارها زيت ...تنهدت تنهيدة من جواجيا ..وبقيت نمسح على ظهرها ...حتى حسيت بنفسها تنظم عرفتها رقدت ..رجعت لبلاصتها وغطيتها ..وبستها من راسها ...ومسحت وجهي بزربة لملمت حالتي وخرجت من البيت ...نلقى الفرملية في طريقي ..اسألتها على صغااري..دلتني على بيت الحضانة ...نمشي هاايم وكلامها حرف حرف يتعااود في مخي ...حاير من أمري ...منعرفش شكون يدلني على الصواب ...وقفت نخزرلهم من البلاار ..وهما يتحركو ...كيفاه رح نسخى في حد منهم كيفااه رح نفرط في واحد منهم ونعطيه ..ثلاثتهم قطعة من قلبي ...ومش رح نتخلى على حد فيهم ...خلي وقت تفيق نقنعها تنحي الفكرة من مخها لنو مستحيل نواافق نعطي واحد منهم ...أكيد رح نلقاااو حل آخر غير أنو نفرطو في حد من صغارنا ..لنو رح يجي يووم ويسألني علاه تخليت عليا ...علاه فرطت فيا وسمحت وبعدتني عليكم وعلى خااوتي ...وجوري رح تفهم الكلااام هذا الكل وقت تفيق ونحكي معاها ...يااارب دلني للطريق الصوااب ياااارب ..
#يتبع
#Mî_Rõ