103

2.7K 66 0

بواسطة Ffifi1915

بقلم Ffifi1915

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_103
🌸#Mîss_Rõssįlã🌸
#نجية_تحكي:
🌸العايلة شي مقدس لازمك تحافظ عليها برموش عينيك وتحميها من الريح البارد بش تستحفظ على تماسكها ومتكونش السبب في تشتتها ودمارها...تكون ليها السند والحيط اللي يحويها من المشاكل ومن كل عااصفة تتعرضلها،وهذا كاان هدف طاهر والنية متاااعو خمم في كل حد وفي مصلحتنا النااس الكل أما نسى أنو اذا لازمك تحمي عايلتك لازمك تكوون جنبهم وبحذااهم ديما ومتحرمهمش من حنانتك ومن دفئ صدرك ،لازمك تطيح من قدرك وتخلي قنااع القوة والجبرووت على جنب وتبقى جنب أولاادك ..تنهدت تنهيدة من عرووش قلبي ..عديت ايدي على المسبحة متااعو ...اللي باقية في حجري تحسسني بأنو جنبي وبحذايا ...مش حابة نضعف في وسط اللحظاات الحلوة هذي وأنا نخزرلهم ملمومين على الطااولة ووجوههم ضاوية تحت القمرة...وصووت ضحكاااتهم ماالية القصر ..الي ليه زماان ماشهدش على تفاصيل كيف هك ..أول مرة وجوه ولادي تضوى وتبسيمتهم مش مفاارقة تدويرة خدودهم ..تمنيت لوكاان بيناتنا لو شهد على هذي السعاادة وعلى فرحتنا الناااس الكل..كاان حضر وشااف أختو وعنقها وبااس إيدها وطلب تغفرلو ...تمنيت وتمنيت أما اللي في القلب يبقى لداخلو ...مش حابة نضيع ولا ثااانية من الفرحة هذي..صحيح تحصرت على فراقه لنو عشيري وبو ولادي..خزرت لبلاصته الفارغة مقابلتني ..ومسحت دمعة سخونة طاحت على خدي غفلتني ...تلفتت ليه وقت حط إيدو على إيدي يسأل فيا بعينيه ...تبسمتلو وتكلمت:
أنا: ولا شي ياروح أمك ..دموع فرحة بلمتكم ..وبرجوع أمك بيناااتنا ، اخزرلها فرحاانة بلمتنا ..
جاسر: ايه فرحاان بوجودكم جنبي اثنينكم ..ونوعدك ياأمي من اليووم ماارح طيح ولا دمعة من عيونكم ثلاثتكم ،أنتي وأمي وجوري ...رح نعمل جهدي تعيشو كل يووم على أنو أحلى نهاار على اللي قلبو ...نوعدك ..(وقرب باسلي إيدي..مسحتلو على راسه بحناانة ونعدي في ايدي على شعرو ...فرحانة بقربه وفرحانة لفرحتهم اللي حابة تنطق من عينيه اللي زاادت لمعتهم على قبل ..قطع علينا اللحظة قيصر كيف عاادتو وقت وقف وحمحم كأنو فما كلااام على لسااانو حااب يحكييه...تلفتنا ليه النااس الكل ..)
قيصر: احم...ياااجماعة سامحوني كاان قطعت عليكم ...أما فما خبر حااب نقولهولكم ...
مراد: ايه انطق ولا تستنى نعرضووك ...وتفلقو الجماااعة الكل بالضحك ...على منظرو وقت نبزو مرااد ...وعلى تعاليم وجهو الي تغيرت في لحظة ...كأنه تغشش..ڨحرله ڨحرة ترعب ..
جوري: مرااااد...علااه ماتسكتش أنت ...هيا خويا الغاالي قوول نسمعو فيك ...
مرااد: صاار ياالالة فيسع بدلتني ...بهذا وغاالي ثااانيك ..باهي باهي ..(وتحلف فيها)..
جاسر: مراد ننصحك ماتوحلش معااها والله تندمك ننصحك فيك راني ملا اسكت واسمع الكلااام..
منياار: شبيكم عليها ...استلمتوها اثنينكم ...جربو حظكم مرة أخرى ..ووقتها نترادو بالأخبااار شكون اللي يربح ..وشكوون اللي يبكي وينووح..
جوري:😛😛😛يخليكم ليا ياروحي هيا شكنت حااب تقول خويا الغالي(وضغطت على آخر كلمة تغزل فيهم )..
قيصر: ايه ..أنا ومنيااار(وقومها في جرته شادلها إيدها )
قررنا نتزوجو..
جوري: ياااابالحق ..عينيها ولات قلووب😍😍..ونساات أنها حبلة ...وقاامت تجري ليهم نقزت عليهم عنقتهم من فرحتها ...نااسية تنبيهاات جااسر ...ومش سامعة بيه وهو يصيح باسمها..
جاسر: يااجوري ...جوري ...يامهبولة ...تبسمت كهينة على هبالهم ..وطلعت راسها للسمااء تحمد في رب الكون لأنو خلااها تعيش اللحظة هذي ...وترى ولدها فرحاان وتعيش وتشهد على لمة عايلتها ودفاها اللي نسااتو مع الزماان حطيت إيديا عليها نطمن فيها ...أنها مش تحلم وكل شي صحيح..قامت شهد تزغرت والنااس الكل يباركولهم غير جاسر شااد في جرة جوري مش حااب يسيبها وعينيه تقدح ناار من غيرته من قيصر 😂😂مزاله لا نسى ومانظنش رح ينسى ،قربو لمنصف باسو إيده وخذااو الرضى منه ..وبعدها مشاو جيهتي قمت من بلاااصتي عنقتهم وباركتلهم ...اثنينهم تعبو والمااضي كاان عاائق قداام سعادتهم ووجيعتهم كانت السبب في أنها تلمهم ونظن من حق كل عبد فرصة ثانية وهما استحقووها .
#يتبع🌸