كرونيك :حب تحت رحمة التقاليد 💕الجزء الثاني 💕

108

#حب_تحت_رحمة_التقاليد🔥🔫💏
#الجزء_الثاني😍🌸
#الحلقة_108
#الجزء_1
🌸#Mîss_Rõssįlã🌸
#après_une_semaine
❤أحياانا تبقى الدمووع مجرد ذكريااات❤
💐اليوم هو النهار الموعود الي استناه عصافير الحب اليوم رح تتوحد قلوبهم ويرجعو روح وحده..ورح يعيشو بااقي عمرهم تحت سقف واحد على نفس الوساادة ..مع بعضهم لآخر لحظة من حياتهم...
جاسر كلف جماعة مسؤولة على تنظيم الاعراس والحفلات بش ينظمو لحفلة الليلة كيف مايحب العرساان وعلى ذوقهم الخااص...حتى اشرف تكلف بأمور الحراصة وتوزيع الرجال على كل زاوية من القصر ...صحيح تسكرت الدفااتر  القديمة أما لازمهم ياخذو احتياطاتهم...وكما يقول المثل ..على قد ماكثرت صحابك تكثر عديانك ولا تضااعف ..لنو كيف ما عندك ناس تحبك فما غيرها  ماتحبلكش الخير وحاسدتك على معيشتك...
حالة القصر داخلة بعضها وكل حد يجري في شيرة..الكراسي موزعينهم على شكل مربع صف ورى خوه...متوسطهم فرااغ مفرش بالأحمر وين تمشي الضيوف..منصة فيها طاولة للعرسان ..على يمينهم طاولة للعايلة ...وعلى يسارها مضرب وين ترقص العباااد..الورد الأبيض والبالون موزع في كل زاوية وفي كل مضرب بطريقة حلوة وبسيطة...كل شيء ياسرك ويخلي قلبك يحس بالامان ويرفرف من الداخل ...لنو الأبيض هو لون السلااام...ينشر الراحة داخلك..واسامي قيصر ومنيار تحفرت على لافته تعلقت على بااب القصر..(نظن تخيلتو المنظر ووصللكم وصفي الديكوور)..
الكل مشغول يجهز ...يحمل ويحط ...البنااات فوق في بيت جوري يحضرو في رواحهم والحفافة تعاون فيهم...
خديجة ونجية وكهينة يستقبلو في الضيوف ...اللي السااحة ولاات تتعبى ...فاطمة واقفة على راس النساء الي مكلفينهم  بالكوزينة والاكل واموراتها...
مقابل المرايا...يخزر لروحه...كوستيم اسود ..شوميز بيضاء ...وبابيون في اسود ..لحية محصورة زايدة فيه النص...عمل رشة من برفاانته...وعمل آخر طلة...وخرج من البيت ...لنو صاار الوقت ولااازمهم ينزلو...لنو النااس الكل جاات ...يمشي بخطواات رزينة...ومع كل خطوة دقاات قلبه تعلى أكثر وأكثر...وصل قدام بيتهم ...خذى نفس كبير بش يهدي روحه ...لنو ايديه الي ترجف رح تكشفه ...
قبل مايحط ايده ويدق خرجتله جوري..شعرها مسيب على ظهرها واصل لآخره ...عامله مكياج سامبل وفينو عاللخر...لابسة روبه في الأزرق ستيل باربي ...طويلة مكبوسة على صدرها ومسيبة على طول بدنها ...زايدة فيها النص ...حل فمه من اناقتها وحلاها ...مد ايده شدلها ايدها وباسها:
قيصر: محلاااك جوريتي ...ودورها ..
هيا وينها عروستي مزالها مطولة ...
جوري: ههه ...اصبر دقايق وتخرج...
تخزرله حاال فمه ...وعينيه تلمع ...تبسمت على جنب عرفتها خرجت ...يخزرلها مش مصدق عينيه منيار حبيبته...بروبة بيضة مسنترة على بدنها ...مفصلة ليها ...مشقوقة عند الصدر ...على شكل V...وفي آخرها دونتااال ...(الصورة )..تقدملها ...من غير مايبعد عينيه عليها...شدلها ايديها الاثنين وباسهم بالوحده.
قيصر: محلااك،محلاااك ،انتي حاااضرة ،وطبع بوسة مرصوصة على جبينها،هزتله براسها بمعنى ايه،شبكو ايديهم في بعض ونزلو الدرج ،ووراهم جوري وشهد يرمو فيهم بالورد الاحمر،وصوت الزغااريت معبي البلاصة ،والطبل والزمر ،النااس الكل تسفقلهم ،جاسر خرج سلاحه من خصره وبقى يقوص فرحانلهم ،وصووت الباارود عاامل الجو والألعااب الناارية ...يعني عرس على الكيف ،وصلو لطاولتهم وين قااعد العدول ،عاونهم تقعد ،وقعد بحذاها وعلى يمينهم قعدت جوري وجاسر،ورااهم قاعد مراد وشهد بحذاهم خديجة ونجية  وكهينة وفاطمة،وبحذاهم منصف وأشرف،بعدها سكت الجو ..والنااس الكل شدت بلاصتها ...بدى العدول يحكي:
هو: بسم الله الرحماان الرحيم ...اجتمعنا اليوم ..بش نشاركو فرحة قيصر الغامدي وعروسته المدام منيار اليوسفي ...لعقد قرانهم ...من غير مانطول عليهم ..رح ندخل في صلب الموضوع من غير مقدمااات ...انت قيصر الغامدي هل تقبل منيار اليوسفي بنت منذر زوجة لك ؟؟
قيصر: نعم أقبل ..اقبل ...(evet)..
هو: وانتي منيار اليوسفي بنت منذر هل تقبلين قيصر الغامدي ولد منصف زوجا لك؟؟
عداات عينيها على النااس الكل ...وخزرت لجوري ..وبعدها تلفتت ليه ...وعداات عينيها على وجهه الكل وعلى تفاصيله ...وتذكرت كل لحظة عداتها معاه بحلوها وبمرها ...تبسمت ودموعها ماليه عينيها ...وجاوبت وهي تخزرله: إيه نقبل ...قابلة نكون مرته..
#يتبع
#Mî_Rõ