احببتك رغم كل شي ❤

part 3

هي الوحيدة ألي ما كذبت معها بشعوري فعلا غلبني حبها 🖤!

# write:yaqeen.hassan
# احببتك رغم كل شيء ❤

قراءة ممتعة💞

------------------

ايلين : كاعدة بالسيارة من جهة الشباك ودموعي تنزل واتذكر هاي الاربعين يوم شلون مرت بين حزن ودموع بأول ايام ستمرت حالتي بس بجي وصراخ كل يوم بالليل احلم بالتابوت مالتة واكعد اصرخ وكلها تلتم علية مرت ايام مستحيل انساهة بحياتي فقدانة جان الة اثر بكلبي جبيرررر ومستحيل انساه عذاب وكف وياي بهاي الايام وصار الي سند شكد جان يحجي وياي شكد حاول يقنعني بس متأثرت بحجية تعب وياي جنت ما اكل وهوة يجي يجبرني على الاكل صدك من كال رح اعوضج عن كلشي وصدك عوضني عن كل شي جنت ابجي هوة الوحيد اللي يكدر يهديني ويسكتني جنت فاهمتة غلط طول هاي الاربعين يوم فكرت بدراستي وكمت اكول المن بعد ادرس اشو بابا وراح ومرح يرجع بس عذاب وعمو كالو بعد الاربعين تداومين وخلاص اليوم الربعين مال بابا ورايحين هسة للنجف بس هالمرة علياء واني وعمة وعمو وعذاب يسوق كلسع ادير وجهي والكاه يباوع علية اعرف يريد يحجي حتى ما ابجي بس ميكدر حطيت راسي على جتف علياء وكمت ابجي بصوت عالي من كمت اتذكر حجية ومن يصيحلي برنسيستي ضليت ابجي لحد موصلنة نزلنو واني هم نزلت نمت على القبر وكمت ابجي اكتفيت بالسكوت بس شهكاتي وصوت البجي هنة اليعبرن عن البداخلي يمكن ربع ساعة وكومني عذاب غسلة الكبر وسوولة الطقوس مالتة وقرينة الفاتحة صعدنة بالسيارة وكمت ابجي وختنكت احس النفس كوة اجرة وكف عذاب السيارة وفتحلي الباب عمة تقرة المعوذات وعلياء تفرك بصدري واني فقدت احس خلاص رح اموت نزلت رجلي برة السيارة وبقيت كاعدة شربت مي وكمت اهدى شوية شوية كمت اخذ نفس سريع مثل مكالي عذاب وازفرة علكيف هديت ورجعت ابجي عذاب شفتة خلاص خلص صبرة كام يحجي

عذاب : لج بابة كافي كافي تأذين نفسج لشوكت رح تضلين هيج هوة ممرتاح بكبرة مدام انت هيج صدكي بالله اجاني بالحلم وكالي لتخليهة تبجي لان مدارتاح من اشوفهة ايلين هاي هية الحياة تاخذ وتنطي اخذت منج امج عوضتج بأبوج واخذت ابوج رح تعوضج بغير شي لتضلين تأذين روحج وتأذي اترحميلة ادعيلة الله يغفرلة ذنوبة بدل البجي شنو حصلتي من البجي كليلي لا انت ترتاحين ولاهوة ديرتاح عفتج كل هاي الفترة كلت خطية بعدها مصدومه هوة ابوهة وكلشي بحياتهة بس صار اربعين يوم اربعين يوم وانت عيونج منشفت شكد حجيت وشكد قنعتج بس انت تسمعين منا وتطلعي منا ايلين الدتسوي كلة حرام والله انت بهذا دتعارضين حكم الله هاي حياتة لهنا ومنكدر نكول ليش ونعترض لان ماكو شي بيدنة اصحي اصحي ايلين اصحي وحققي احلامة واحلامج حققيهة وحدج وعتبري وياج بكل خطوة لان هوة وياج من صدك ويشوفج بس انت متشوفي كافي بجي وكافي حزن رح تحققين حلمة وتصيرين احسن دكتورة واني اللي رح افتحلج العيادة اني مو كتلج مرح اعوفج عفتج هسة هااا عفتج بابا موجود هوة مو ابوج الثاني ماما تعتبرج بتهة وانت هسة رح تعتبريهة امج علياء وحوراء خواتج كلنا عائلتج ومرح نعوفج الله عوضج بينة مو شخص واحد لا اشخاص هواااي كلنة بضهرج مستحيل انعوفج وحدج فهمتي