احببتك رغم كل شي ❤

part 14

إنت فجري لاغدى صبحي ظلام
‏وإنت نوري لاطفا ضيّ السما ...
.
.
.
#write:yaqeen.hassan
#احببتك رغم كل شيء ❤
.
.
.
ايلين : رجعنة للبيت واني جانت فرحتي متنوصف تعرفت على عذاب والبداخلة اول مرة عشت الايام اللي جنت اتمناهة وية خطيبي بس كما يكولون الفرحة متكمل نزلنة والعلاليك بيد عذاب يمكن 10 وبيدي هم عشرة طبينة نضحك سمعنة صوتهم بالديوان فتت اني والكعب مالتي اللي يطكطك للديوان اول شي وفات عذاب وراي كلت _ هلاااو _ ونصدمت باللي شفتهة متتوقعون شفت شفت يمكن العراق كلة بالديوان عبارة عن غرفة متروسة ناس يعني ماكدر اعبر والله هوواي هوواي ناس اوصفهم يعني يكمن 10 رياجيل و12 مرية والجهال قوم كامل كووووومة ضليت صافنة ومصدومة حجة عذاب بعد صدمتة ههههههه

عذاب : عمي حيالله من زارنة نور البيت شلونكم

ايلين : طب سلم على الرياجيل واني صافنة عاد اشرلي اجي اسلم سلمنة على الحجي الجبير ورحت اسلم على النسوان وكلها تباوع علية صغير وجبير كعدنة وعذاب يسلم عليهم

عذاب : انت شلونج عمة صحتج شلونهة والله مشتاقيلكم

المرية : على الله وليدي الحمد لله اجينة نباركلك بزواجك اللي مكلفت نفسك تعزمنة علي

الين : بوووم قصف بالجبهة هالمرية تذبهن بسرعة هوة خطية ضل مصدوم ومعرف شيحجي عاد عمو حجة

حامد : صارت بسرعة ام عباس والله حتى العمام معزمناهم لان تدرين السنة مال المرحوم بعدهة مطالعة لهذا مسوينة حفلة وهاي السوالف

ام عباس : هااا بس ميخالف عادي تبلغونة

عذاب : تدللين عمة لتخليني اعيد العقد بس وانت موجودة

ام عباس : تسلم تسلم حبيبي متقصر بس شنو وين جنتو شكو هالعلاليك هلكد

عذاب : عمة والله جنة بالسوك نتسوك ملابس لايلين

ام عباس : هلكد تتسوك جا شبقت من فلوسك يبعدي بعدكم بالعقد وشفطت فلوسك شفط

ايلين : طبعا اكو شغلى عمو والرياجيل جانو يحجون بجهة وعمة والبنات ونسوانهم بجهة واني وعذاب وام عباس نحجي وتذب بجبهتنة بسامير ههههه

عذاب : كلشي يهون الهة فلوسي وحتى نفسي جا غير مريتي اذا ماصرف عليهة عليمن اصرف

ام عباس : اي احنة بس دنكول مو هيج

ايلين : ضليت صافنة على حجية ومبتسمة وركزت بالجا ومريتي اصلا الجملة كلها تخبل من حلكة شكد حلو الشعور هوة باوع علية وغمز بتسمت ودنجت راسي واني الفضول كتلني اريد اعرف منو همة لان مجابو طاري بس يسولفون قبل سنين عبالك ممتشاوفين عاد عذاب ترخص منهم دنبدل ورحنة شلنة العلاليك وطبينة للبيت
_ منو هذولة عذاب

عذاب : هذولة جوارينة من السماوة جانت علاقتنة كلللش قوية بيهم بس من شلنة شفناهم مرة وحدة بعد وهسة يلة يمكن 3 سنين مشايفهم